નાટોના સલાહકારે અમેરિકાના રાષ્ટ્રપ્રમુખ ટ્રમ્પનો ફોડ્યો ફુગ્ગો, જાણો વિગતવાર

વોશિંગ્ટન ડીસી, તા. 8 ઓગસ્ટ, 2025: અમેરિકન રાષ્ટ્રપ્રમુખ ડોનાલ્ડ ટ્રમ્પની ટેરિફ પોલિસીની અનેક સ્તરે તપાસ થઈ રહી છે. માત્ર ભારતીય જ નહીં, અમેરિકન આર્થિક નિષ્ણાતો અને નીતિ ઘડવૈયાઓ પણ આ નીતિની ટીકા કરી રહ્યા છે. નાટોના સલાહકાર એફ. ક્રિસ્ટલ કૌરે કહ્યું છે કે આ ટ્રમ્પની પાવર પ્લેની સ્ટાઈલ છે. નાટોના સલાહકાર એફ. ક્રિસ્ટલ કૌરે કહ્યું કે તેમને લાગે છે કે ટ્રમ્પ ભારતની સાથે જાપાન સહિત અન્ય ઘણા દેશોને પોતાની વાત મનાવવા માટે આવું કરી રહ્યા છે. તેઓ પોતાની વાત મનાવવા માટે આ રીત અપનાવી રહ્યા છે, પરંતુ તેમને નથી લાગતું કે આ રીત ભારત પર વધુ કારગર સાબિત થશે.

ભારતીય વસ્તુઓ પર 50 ટકા ટેરિફ લગાવવાના નિર્ણયની ટીકા કરતા એફ. ક્રિસ્ટલ કૌરે કહ્યું છે કે આ પગલાથી માત્ર બંને દેશો વચ્ચેના વેપાર પર જ નહીં, પરંતુ વ્યાપક અમેરિકા-ભારત સંબંધો પર પણ નકારાત્મક અસર પડશે. આ નિર્ણયથી હું ખૂબ નિરાશ છું.

ટ્રમ્પ પર પોતાની નિરાશા વ્યક્ત કરતા એફ. ક્રિસ્ટલ કૌરે કહ્યું, હું કહેવા માંગુ છું કે હું ડોનાલ્ડ ટ્રમ્પ અને આ નિર્ણયથી ખૂબ નિરાશ છું. મને લાગે છે કે ભારત પર 50 ટકા ટેરિફ લગાવવું માત્ર બંને દેશો વચ્ચેના વેપાર માટે જ નહીં, પરંતુ સમગ્ર સંબંધો માટે પણ હાનિકારક છે, ખાસ કરીને ત્યારે જ્યારે તેને બનવામાં ઘણો સમય લાગ્યો હોય.” તેમણે સમાચાર એજન્સી પીટીઆઈ સાથે વાત કરતા કહ્યું, મને લાગે છે કે આનાથી ભારત સરકાર પ્રત્યે અવિશ્વાસ પેદા થઈ રહ્યો છે.” એફ. ક્રિસ્ટલ કૌરે કહ્યું કે ભારત-અમેરિકા સંબંધો પરમાણુ કરાર પછીથી ખૂબ નાજુક રહ્યા. ભૂતપૂર્વ રાષ્ટ્રપતિ ક્લિન્ટન અને ઓબામાએ આ સંબંધોને મજબૂત કરવા માટે સખત મહેનત કરી. હવે વર્તમાન ઘટનાક્રમ ઘણો અવિશ્વાસ પેદા કરી રહ્યો છે.

ચીન પર વધારે ટેરિફ કેમ નહીં?

રશિયામાં અમેરિકાના ભૂતપૂર્વ રાજદૂત માઈકલ મેકફોલે પણ ટ્રમ્પના નિર્ણય પર સવાલ ઉઠાવ્યા છે. માઈકલ મેકફોલે અમેરિકાના પ્રશાસન પર સવાલ કરતા જણાવ્યું હતું કે, “ટ્રમ્પ ભારતીય સામાન પર 25 ટકા ટેરિફ કેમ લગાવી રહી છે, કારણ કે ભારત રશિયન ક્રૂડ ઓઈલની આયાત કરે છે. પરંતુ ચીનના સામાન પર આવું કેમ કરવામાં આવ્યું નથી. ચીન તો વધારે માત્રામાં રશિયન ક્રૂડ ઓઇલની આયાત કરે છે. તેનું કોઈ સ્પષ્ટિકરણ નથી. શું કોઈ ટ્રમ્પ પ્રશાસનમાં કોઈની પાસેથી આનું સ્પષ્ટિકરણ માંગી શકે છે?”

અમેરિકન ગ્રાહકોને જ નુકસાન થશે

યુરોપૈકના મુખ્ય અર્થશાસ્ત્રી અને વૈશ્વિક રણનીતિકાર પીટર શિફે આ ટેરિફના ગંભીર આર્થિક પરિણામોની ચેતવણી આપી છે. શિફના મતે, ભારતીય આયાત પર 50% ટેરિફ લાદવાથી અમેરિકન ગ્રાહકોને જ નુકસાન થશે. તેમણે જણાવ્યું કે, “ભારતની આયાત પર 50 ટકા ટેરિફ લાગશે. ટ્રમ્પ આખરે અમેરિકના ગ્રાહકોને એક કાગજી શેરના રૂપે રજૂ કરી શકે છે. ડૉલરના મૂલ્યમાં થયેલો ઘટાડો અમેરિકાને ગરીબ બનાવી દેશે. પરંતુ વિદેશી ગ્રાહતો ખાસ કરીને બ્રિક્સ દેશોને સમૃદ્ધ બનાવશે. આખરે, આ નીતિ વૈશ્વિક બજારમાં અમેરિકાના ગ્રાહકોના પ્રભુત્વને સમાપ્ત કરશે અને ઉભરતા બજારોના ગ્રાહકોનું મહત્વ વધારશે.

આ પણ વાંચોઃ રાખડી બાંધવા આવેલી બાળકીની જીદ બાદ યોગી આદિત્યનાથે ખાધી મીઠાઈ, જુઓ વીડિયો