VIDEO : કેદારનાથ ધામમાં ફરી ભારે હિમવર્ષા, વહીવટીતંત્ર હાઈ એલર્ટ પર

Kedarnath Dham Snowfall: ઉત્તરાખંડમાં એપ્રિલ મહિનાની શરૂઆત સાથે જ હવામાનમાં ફરી એક વાર ફેરફાર આવ્યો છે. વિશ્વપ્રસિદ્ધ કેદારનાથ મંદિરમાં ગઈકાલ (03 માર્ચ 2026) રાતથી સતત બરફ પડી રહ્યો છે, જેના કારણે આખો વિસ્તાર બરફની ચાદરથી ઢંકાઈ ગયો છે.

હાલમાં જ સાફ કરાયેલા રસ્તાઓ ફરી એકવાર સંપૂર્ણપણે બરફથી ઢંકાઈ ગયા છે. મંદિર પરિસર પણ સંપૂર્ણપણે બરફથી ઢંકાઈ ગયું છે. સતત બરફવર્ષાને કારણે યાત્રાધામોની તૈયારીઓમાં ખલેલ પડી રહ્યો છે. સ્વંયસેવકો દ્વારા કરવામાં આવેલી મહેનત અધૂરી રહી છે. હવામાન વિભાગની આગાહી મુજબ એપ્રિલમાં વાતવરણમાં ફેરફાર થવાની સંભાવના છે અને બરફવર્ષા ચાલુ રહે તેવી શક્યતા હોવાથી 22 એપ્રિલે કપાટ ખોલવાની પ્રસ્તાવિત તારીખ અંગે વહીવટીતંત્ર અને એજન્સીઓની ચિંતા વધી ગઈ છે.

#WATCH | Uttarakhand | Continuous heavy snowfall in Kedarnath Dham has blanketed the entire Kedarnath township under a thick layer of snow.

With the temple gates scheduled to open on April 22, this heavy snowfall is directly impacting preparations for the upcoming pilgrimage.… pic.twitter.com/t5xaDtaQxn

— ANI (@ANI) April 4, 2026

બદ્રીનાથ-કેદારનાથ મંદિર સમિતિ (BKTC)ના સભ્ય વિનીત પોસ્તીએ માહિતી આપતા કહ્યું હતું કે, ‘ગઈકાલ સાંજથી મંદિરમાં બરફવર્ષા ચાલુ છે. જે વિસ્તારોમાં બરફ સાફ કરવામાં આવ્યો હતો ત્યાં ફરીથી બરફના થર થઈ ગયા છે, જેના કારણે વ્યવસ્થાઓ ખોરવાઈ ગઈ છે. સતત બરફવર્ષાને કારણે યોગ્ય યાત્રા વ્યવસ્થા જાળવવામાં મુશ્કેલી પડી રહી છે. જો વ્યવસ્થા સમયસર પૂર્ણ નહીં થાય તો યાત્રાળુઓને મુશ્કેલીઓનો સામનો કરવો પડી શકે છે.’

વધુમાં વાત કરતા વિનીત પોસ્તીએ જણાવ્યું હતું કે, ‘મંદિરમાં તૈનાત જવાન માત્ર સુરક્ષા જ નહીં પરંતુ બરફ દૂર કરવામાં પણ રોકાયેલા છે. શૂન્યથી નીચે તાપમાનમાં કામ કરવું અત્યંત પડકારજનક છે, છતાં સૈનિકો સમર્પણ અને હિંમત સાથે દ્રઢતાથી કામ કરી રહ્યા છે. હવામાન સાફ થતાં જ વ્યવસ્થા ઝડપથી ફરીથી શરુ કરવામાં આવશે જેથી યાત્રા સરળતાથી આગળ વધી શકે.’

હવામાન વિભાગ દ્વારા ઉત્તરાખંડમાં આજે (04 એપ્રિલ 2026) ઉત્તરકાશી, રુદ્રપ્રયાગ, ચમોલી, બાગેશ્વર અને પિથોરાગઢના કેટલાક વિસ્તારોમાં વાવાઝોડાની આગાહી કરી છે. જ્યારે ઉત્તરાખંડના બાકીના જિલ્લાઓના કેટલાક વિસ્તારોમાં ગાજવીજ અને વીજળી સાથે હળવોથી મધ્યમ વરસાદ શક્ય છે. ઉત્તરાખંડમાં હવામાન વિભાગે દેહરાદૂન, ટિહરી, ઉત્તરકાશી, રુદ્રપ્રયાગ, ચમોલી, બાગેશ્વર અને પિથોરાગઢ જિલ્લાઓમાં વરસાદ અને વાવાઝોડાની આગાહી કરી છે.

અમારી WhatsApp ચેનલમાં જોડાવા આ લિંક પર ક્લીક કરો

કરા અને તોફાની પવન (40-50 કિમી પ્રતિ કલાક) ની શક્યતા છે. હવામાન વિભાગે આ માટે ઓરેન્જ એલર્ટ જારી કર્યું છે. ઉત્તરાખંડના બાકીના જિલ્લાઓમાં, કેટલાક સ્થળોએ વીજળી અને ભારે પવન (40-50 કિમી પ્રતિ કલાક, 60 કિમી પ્રતિ કલાક સુધી) ની આગાહી છે. આ માટે પીળો ચેતવણી જારી કરવામાં આવી છે.

આ પણ વાંચો : દેશના આટલા રાજ્યોમાં આજે ઓરેન્જ એલર્ટ, કરા સાથે વરસાદ ધબધબાટી બોલાવશે