National News : કોંગ્રેસના નેતા કેસી વેણુગોપાલે દિલ્હી પોલીસ અને કેન્દ્ર સરકાર પર 30 ઓક્ટોબર અને 1 નવેમ્બરના રોજ મુખ્ય ચૂંટણી કમિશનર (CEC) જ્ઞાનેશ કુમાર વિરુદ્ધ પ્રસ્તાવિત વિરોધ પ્રદર્શન અંગે આરોપ લગાવ્યો છે. કેસી વેણુગોપાલનો દાવો છે કે, અશોકા હોટેલ અને રામલીલા મેદાન બંને જગ્યાએ મેગા રેલી માટે પરવાનગી નકારી કાઢવામાં આવી હતી. કોંગ્રેસ 1 નવેમ્બરના રોજ જ્ઞાનેશ કુમાર વિરુદ્ધ જાહેર મહાભિયોગ કાર્યક્રમ યોજવાની તૈયારી કરી રહી છે.

શરૂઆતમાં આ કાર્યક્રમ અશોકા હોટેલમાં યોજવાનો હતો

કેસી વેણુગોપાલના જણાવ્યા અનુસાર, શરૂઆતમાં આ કાર્યક્રમ અશોકા હોટેલમાં યોજવાનો હતો. હોટેલ તૈયાર હતી, પરંતુ દિલ્હી પોલીસે પરવાનગી આપવાનો ઇનકાર કર્યો હતો. ત્યારબાદ, રામલીલા મેદાનમાં કાર્યક્રમ યોજવા માટે પરવાનગી માંગવામાં આવી હતી, પરંતુ ત્યાં પણ પરવાનગી નકારી કાઢવામાં આવી હતી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

રામલીલા મેદાનમાં 25 ઓક્ટોબરથી 3 નવેમ્બર સુધીની માંગી હતી પરવાનગી

કોંગ્રેસ નેતા વેણુગોપાલે જણાવ્યું હતું કે, 25 ઓક્ટોબરથી 3 નવેમ્બરના સમયગાળા માટે રામલીલા મેદાનમાં કાર્યક્રમ યોજવા માટે પરવાનગી માંગવામાં આવી હતી. તેમ છતાં, દિલ્હી પોલીસે મુખ્ય ચૂંટણી કમિશનર જ્ઞાનેશ કુમાર વિરુદ્ધ જાહેર કાર્યક્રમ યોજવાની મંજૂરી નકારી કાઢી હતી. કોંગ્રેસના નેતાએ આ અંગે કેન્દ્ર સરકાર અને દિલ્હી પોલીસ પર સવાલ ઉઠાવ્યા છે. જોકે, દિલ્હી પોલીસે પરવાનગી નકારવાના કારણો અંગે કોઈ નિવેદન બહાર પાડ્યું નથી.

30 ઓક્ટોબરના કાર્યક્રમ અંગે વિવાદ

મુખ્ય ચૂંટણી કમિશનર વિરુદ્ધ પ્રસ્તાવિત કાર્યક્રમે હવે રાજકીય વિવાદ ઉભો કર્યો છે. કોંગ્રેસના નેતાના દાવા મુજબ, પાર્ટીએ બે અલગ અલગ સ્થળોએ કાર્યક્રમ યોજવાનો પ્રયાસ કર્યો હતો, પરંતુ બંને સ્થળોએ પરવાનગી નકારી કાઢવામાં આવી હતી.

આ પણ વાંચો : દહિં ખરાબ નિકળ્યું, રિફંડના ચક્કરમાં મહિલાએ ગુમાવ્યા હજારો રૂપિયા