OMG: 17 કરોડમાં વેચાઈ આ નંબર પ્લેટ, જાણો કયો છે એ નંબર, જેના માટે આટલી બોલી લાગી
Dubai number plate auction: સામાન્ય રીતે કાર કે બાઇક માટે મનપસંદ નંબર મેળવવા લોકો હજારો કે લાખો રૂપિયા ખર્ચતા હોય છે. પરંતુ દુબઈમાં એક વ્યક્તિએ પોતાની કાર માટે ખાસ નંબર પ્લેટ ખરીદવા માટે એટલી મોટી રકમ ચૂકવી કે જાણીને તમે પણ ચોંકી જશો. અહીં એક ખાસ નંબર પ્લેટની કિંમત ભારતીય ચલણ પ્રમાણે આશરે 17 કરોડ રૂપિયા સુધી પહોંચી હતી. દુબઈમાં યોજાયેલી 121મી વિશેષ નંબર પ્લેટ હરાજીમાં શોખીનો વચ્ચે કરોડોની બોલી લાગી હતી.
CC44 નંબર પ્લેટ ₹17 કરોડમાં વેચાઈ
ખલીજ ટાઇમ્સના અહેવાલ મુજબ, દુબઈના રોડ્સ એન્ડ ટ્રાન્સપોર્ટ ઓથોરિટી (RTA) દ્વારા ખાસ વાહન નંબર પ્લેટોની હરાજી યોજવામાં આવી હતી. આ હરાજીમાં સૌથી વધુ ચર્ચા CC44 નંબર પ્લેટની રહી, જે 6.72 મિલિયન દિરહમમાં વેચાઈ હતી. ભારતીય ચલણમાં તેની કિંમત આશરે 17 કરોડ રૂપિયા થાય છે.
આ હરાજીમાં બે અક્ષરો અને બે આંકડાઓના અનોખા સંયોજન ધરાવતી નંબર પ્લેટોની ખાસ માંગ જોવા મળી હતી. લોકો પોતાની પસંદગીના નંબર મેળવવા માટે ઊંચી બોલી લગાવતા જોવા મળ્યા હતા.
BB18 અને BB80 નંબર માટે પણ કરોડોની બોલી
હરાજીમાં અન્ય ખાસ નંબર પ્લેટો માટે પણ મોટી રકમ ચૂકવવામાં આવી હતી.
- CC44: 6.72 મિલિયન દિરહમ
- BB18: 6.62 મિલિયન દિરહમ
- BB80: 5.9 મિલિયન દિરહમ
- BB117: 1.016 મિલિયન દિરહમ
આ આંકડા દર્શાવે છે કે દુબઈમાં ખાસ નંબર પ્લેટો માત્ર વાહનની ઓળખ પૂરતી સીમિત નથી, પરંતુ કેટલાક ખરીદદારો માટે તે પ્રતિષ્ઠા અને શોખનું પ્રતીક પણ બની ગઈ છે.
60 ખાસ નંબર પ્લેટો હરાજીમાં મૂકાઈ
આ હરાજી દુબઈના હિલ્ટન દુબઈ અલ હબતૂર સિટીમાં યોજાઈ હતી. તેમાં બે, ત્રણ, ચાર અને પાંચ આંકડાના સંયોજન ધરાવતી કુલ 60 ખાસ નંબર પ્લેટો વેચાણ માટે મૂકવામાં આવી હતી. આ નંબર પ્લેટોમાં AA, BB, CC, H, U, V, W, X, Y અને Z જેવા અક્ષરોના કોડનો સમાવેશ થતો હતો.
હરાજીમાં ભાગ લેવા માટે ઇચ્છુક લોકોએ 25,000 દિરહમની સિક્યોરિટી ડિપોઝિટ જમા કરાવવાની અને નિર્ધારિત ફી ભરવાની હતી. હરાજી ખાસ નંબર પ્લેટ ખરીદવા ઇચ્છતા લોકો માટે ખુલ્લી રાખવામાં આવી હતી.
અમારી WhatsApp ચેનલમાં જોડાવા આ લિંક પર ક્લીક કરો
દુબઈમાં મોંઘી નંબર પ્લેટોનો ક્રેઝ
દુબઈમાં ખાસ અને યાદ રહી જાય તેવા વાહન નંબરો મેળવવાનો શોખ લાંબા સમયથી જોવા મળે છે. કેટલાક લોકો પોતાના નામ, પસંદગીના આંકડા અથવા અનોખા સંયોજન સાથે જોડાયેલા નંબર માટે મોટી રકમ ખર્ચે છે.
અહેવાલ મુજબ, વર્ષ 2025માં યોજાયેલી હરાજીમાં પણ RTA દ્વારા કુલ 109 મિલિયન દિરહમની નંબર પ્લેટો વેચવામાં આવી હતી.
આ પણ વાંચો: સાળંગપુર કષ્ટભંજનદેવનો 178મો પાટોત્સવ 30 ઓક્ટોબરે ઉજવાશે! ત્રણ દિવસ ‘શ્રી હનુમંત ચરિત્ર કથા’નું આયોજન
