7માં ધોરણમાં ભણતી બાળકીએ છઠ્ઠા માળેથી કૂદીને આપઘાત કર્યો, મહેસાણાનો હચમચાવી નાખતો કિસ્સો

આ કરુણ ઘટના આજે વહેલી સવારે આશરે 7 વાગ્યાની આસપાસ બની હોવાનું જાણવા મળ્યું છે. વહેલી સવારે બનેલી આ ઘટનાને પગલે સમગ્ર વિસ્તારમાં ભારે ચકચાર મચી ગઈ હતી અને મોટી સંખ્યામાં સ્થાનિક લોકો ઘટનાસ્થળે એકઠા થઈ ગયા હતા. જાણ થતાં જ પોલીસ કાફલો પણ તાત્કાલિક ઘટનાસ્થળે દોડી આવ્યો હતો. કિશોરીએ કયા કારણોસર આ આત્મઘાતી પગલું ભર્યું તે હજુ સુધી જાણી શકાયું નથી. પોલીસે આ મામલે કાયદેસરની કાર્યવાહી હાથ ધરીને વધુ તપાસ શરૂ કરી છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

પંડિત દીનદયાલ નગર એસોસિયેશનના પ્રમુખ કલ્પેશ રાઠોડે જણાવ્યું કે સવારે 7:30ની આજુબાજુ એક દુઃખદ ઘટના બની છે. શિવકૃપા સોસાયટીમાં રહેતી ધોરણ-7માં ભણતી વિદ્યાર્થિનીએ અગમ્ય કારણોસર અહીંયા આવીને સુસાઇડનું પગલું ભર્યું છે. જે અમને જાણ થતા સૌએ પોલીસને જાણ કરી. ત્યારબાદ માતા-પિતાને પણ વાયા-વાયા જાણ થઈ અને ત્યારબાદ પોસ્ટમોર્ટમ માટે પોલીસ અને 108ની ટીમ દ્વારા જે પ્રોસેસ કરવાની થતી હતી એ કરી છે.

આ પણ વાંચો: પાકિસ્તાનમાં 125 વર્ષ જૂના ગુરુદ્વારાને તોડી પાડતા ભારતે વાંધો ઉઠાવ્યો