Martin Ott: આપણે બધા ઘણીવાર એવું જ વિચારીએ છીએ કે કોઈ મોટી કંપની ઊભી કરવા માટે અથવા કરિયરમાં ટોચ પર પહોંચવા માટે એક જ રસ્તો છે – દિવસ-રાત 24 કલાક કામમાં ઘસાતા રહેવું! પરંતુ વિશ્વના સૌથી મોટા ટેક દિગ્ગજોમાંના એક, માર્ક ઝકરબર્ગ સાથે વર્ષો સુધી કામ કરી ચૂકેલા માર્ટિન ઓટની વિચારસરણી આનાથી સાવ અલગ છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

માર્ક ઝકરબર્ગ પાસેથી શીખેલા ‘વર્ક-લાઈફ બેલેન્સ’ના ગુરુમંત્ર વિશે વાત કરતા માર્ટિન ઓટે ખુલાસો કર્યો છે કે સફળતા એ વાતથી નક્કી નથી થતી કે તમે 24 કલાક કામ માટે ઉપલબ્ધ છો, પરંતુ એ વાતથી નક્કી થાય છે કે તમે ઓછા સમયમાં કેટલો મોટો પ્રભાવ (ઈમ્પેક્ટ) છોડી શકો છો.

‘Taxfix’ના CEO માર્ટિન ઓટની સલાહ

હાલમાં 1 અબજ ડોલર (લગભગ ₹8,300 કરોડ)થી વધુ વેલ્યુએશન ધરાવતી ટેક્સ પ્લેટફોર્મ કંપની ‘Taxfix’ના CEO માર્ટિન ઓટ વર્ષ 2012માં ફેસબુક (મેટા) સાથે જોડાયા હતા. તેમણે યુરોપમાં કંપનીને ઝડપથી વધતી જોઈ છે. ફોર્ચ્યુન (Fortune)ને આપેલી મુલાકાતમાં તેમણે કામ અને જીવનના સંતુલનને લઈને ઘણી આંખ ઉઘાડનારી વાતો કહી છે. આવો જાણીએ ઝકરબર્ગ સાથે કામ કરીને તેમણે કયા મોટા પાઠ શીખ્યા?

આ પણ વાંચોઃ રાજ્યસભા ચૂંટણી પહેલા અખિલેશ યાદવનો મોટો દાવ: વિપક્ષો અને બળવાખોરોને ભૂલો ભૂલી એક થવા આહ્વાન

કેલેન્ડર ભરવાથી પ્રગતિ નથી મળતી

માર્ટિનનું સ્પષ્ટ કહેવું છે કે આખો દિવસ મીટિંગ્સમાં વ્યસ્ત રહેવું કે દર વખતે વ્યસ્ત દેખાવું એ અસલી ‘પ્રોડક્ટિવિટી’ નથી. માર્ટિન કહે છે, “દિવસમાં દરેક પાસે મર્યાદિત કલાકો જ હોય છે.” તેથી લીડર્સ અને કર્મચારીઓએ દરેક મીટિંગમાં જતા પહેલા વિચારવું જોઈએ કે શું ત્યાં તેમની ખરેખર જરૂર છે? તેવી જ રીતે તમે ઓફિસમાં કેટલા કલાક બેસો છો તે મહત્વનું નથી, પરંતુ એ મહત્વનું છે કે તમે તે સમયમાં કંપની કે પ્રોજેક્ટ માટે શું વેલ્યુ ક્રિએટ કરી.

24/7 કામ કરવું એ સમજદારી નથી

માર્ટિન માને છે કે જ્યારે તમે કોઈ નવી કંપની કે પ્રોજેક્ટ શરૂ કરો છો, ત્યારે થોડા સમય માટે રાત-દિવસ એક કરવા પડી શકે છે. પરંતુ તેને જીવનશૈલી બનાવી લેવી એ મૂર્ખામી છે. લાંબા સમય સુધી 24 કલાક કામમાં જોતરાયેલા રહેવાથી માણસ માનસિક રીતે બર્નઆઉટ (માનસિક થાક)નો શિકાર બની જાય છે. એક સાચો બોસ એ જ છે જે માત્ર પોતાનું વર્ક-લાઈફ બેલેન્સ જાળવી ન રાખે, પરંતુ પોતાની ટીમને પણ કામમાંથી બ્રેક લેવાની અને પોતાને રિચાર્જ કરવાની પૂરી તક આપે.

સવારે 5:30 વાગ્યાની દિનચર્યા અને ઈમેલનો ‘ગોલ્ડન રૂલ’

માર્ટિન પોતે સવારે 5:30 વાગ્યે ઊઠી જાય છે. તેઓ વાંચવા, દોડવા, કસરત કરવા અને મેડિટેશન (ધ્યાન)માં પોતાનો સવારનો સમય વિતાવે છે. પરંતુ તેઓ પોતાની આ સવારની આદતનો બોજ પોતાની ટીમ પર નાખતા નથી. માર્ટિન સવારે વહેલા ઊઠીને ઈમેલ કે સ્લેક (Slack) પર મેસેજ ડ્રાફ્ટ ચોક્કસ કરી લે છે, પરંતુ તેને તરત જ પોતાની ટીમને મોકલતા નથી.

તેઓ તે મેસેજને સવારે 8 અથવા 9 વાગ્યા માટે ‘શેડ્યૂલ’ કરી દે છે, જેથી તેમના કર્મચારીઓ સવારે વહેલા કે પોતાના પર્સનલ ટાઈમમાં કામનો તણાવ અનુભવે નહીં અને તેમના પર તરત જ જવાબ આપવાનું દબાણ ન બને. માર્ટિનનું માનવું છે કે બિઝનેસ કે કરિયર એ કોઈ ટૂંકી રેસ નથી, પરંતુ એક લાંબી મેરાથોન છે. કંપની ચલાવવામાં ઉતાર-ચઢાવ આવતા રહેશે, દબાણ અને કટોકટીની ક્ષણો પણ આવશે. એવામાં જો તમે પોતાને અને તમારી ટીમને સતત ઘસતા રહેશો, તો તમે લાંબી રેસના ઘોડા બની શકશો નહીં. સાચો લીડર એ જ છે જે પોતાની સાથે સાથે પોતાની ટીમની એનર્જી અને મેન્ટલ હેલ્થને સાચવીને રાખે.

આ પણ વાંચોઃ બોલિવૂડ અભિનેત્રી નુસરત ભરૂચાનો બાલીમાં ગંભીર અકસ્માત, કરોડરજ્જુમાં ફ્રેક્ચર