અમદાવાદગુજરાતટોપ ન્યૂઝટ્રેન્ડિંગમધ્ય ગુજરાત

અમદાવાદના ગામડાઓમાં ફરી દીપડાનો ભય, મોટી દેવતીમાં વન વિભાગે ગોઠવ્યું પાંજરું

Ahmedabad: અમદાવાદ ગ્રામીણ પંથકના સાણંદ તાલુકામાં ફરી એક વખત દીપડો દેખાતાં સ્થાનિક રહીશોમાં ભારે ફફડાટ અને ચિંતાની લાગણી વ્યાપી ગઈ છે. સાણંદ પાસેના મોટી દેવતી ગામે દીપડાના પગચિહ્નો સ્પષ્ટપણે મળી આવતાં જ વન વિભાગનો કાફલો તાબડતોબ એક્શન મોડમાં આવી ગયો છે. આ બનાવને પગલે વન વિભાગે સાવચેતીના પગલારૂપે દીપડાને પાંજરે પૂરવા માટે પાંજરું ગોઠવી દીધું છે અને તેને વહેલી તકે ઝડપી પાડવા માટે સર્ચ ઓપરેશન તેજ કરી દીધું છે.

મળતી વિગતો મુજબ, સાણંદથી આશરે 12 કિલોમીટર અંતરે આવેલા કડી-વિરમગામ માર્ગ તરફના પંથકમાં દીપડાની અવરજવરના નિશાન નજરે પડ્યા હતા. આ અંગેની જાણ થતાં જ વન વિભાગની ટીમો મોડી રાત્રે જ ઘટનાસ્થળે દોડી ગઈ હતી અને દીપડાની સક્રિયતા અંગે ખાતરી કરી હતી. આ સીમ વિસ્તારમાં માનવ વસવાટ અને ખેતરો આવેલા હોવાથી દીપડાની હાજરીને કારણે ગ્રામજનોની સુરક્ષા સામે મોટું જોખમ ઊભું થયું છે.

મદાવાદના ગ્રામીણ પંથકમાં દીપડાની આ બીજી અધિકૃત પુષ્ટિ થઈ

લગભગ ત્રણ સપ્તાહના સમયગાળા બાદ અમદાવાદના ગ્રામીણ પંથકમાં દીપડાની આ બીજી અધિકૃત પુષ્ટિ થઈ છે. અગાઉ 21 જુલાઈએ શેલા વિસ્તારમાં દીપડો નજરે પડ્યાની વાતો વહેતી થઈ હતી, પરંતુ તે સમયે તેની હાજરીના કોઈ નક્કર પુરાવા સાંપડ્યા નહોતા. જ્યારે આ વખતે મોટી દેવતી ગામે દીપડાની હાજરી હોવાનું સાબિત થયું છે.

 

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

 

ખેડૂતો અને માલધારીઓને એકલા ન જવા સૂચના અપાઈ

વન વિભાગે દીપડાને પાંજરે પૂરવા માટે પાંજરામાં શિકાર તરીકે મરઘી મૂકી છે, જેથી તેના અવાજથી લલચાઈને દીપડો પાંજરા તરફ આવે અને ઝડપાઈ જાય. સ્થાનિક રહીશો પાસેથી મળતી વિગતો મુજબ, વન વિભાગે ગ્રામજનોને સતર્ક રહેવા માટે એડવાઈઝરી જારી કરી છે. ખાસ કરીને ખેડૂતો અને માલધારીઓને સાંજે 6 વાગ્યા પછી સીમ વિસ્તાર કે ખેતરોમાં એકલા ન જવાની સ્પષ્ટ સલાહ આપવામાં આવી છે.

દીપડાની સાથે તેનું બચ્ચું પણ હોવાની ભીતિ

એક ચોંકાવનારો દાવો એ પણ સામે આવ્યો છે કે વન વિભાગના અધિકારીઓએ દીપડાની સાથે તેનું બચ્ચું પણ હોવાની ભીતિ દર્શાવી છે. ઘટનાસ્થળેથી મોટા પગચિહ્નોની સાથે નાના પગલાંના નિશાન પણ મળી આવતાં આ આશંકા પ્રબળ બની છે. જો માદા દીપડો પોતાના બચ્ચા સાથે હોય તો તે વધુ હિંસક અને જોખમી સાબિત થઈ શકે છે.

મોટી દેવતી ગામ નજીક આવેલો આ વિસ્તાર આશરે 150 વીઘા જેટલો વિશાળ છે. અહીં પાણીની પૂરતી સુવિધા સાથે જ ગાઢ ઝાડી-ઝાંખરાં આવેલાં છે, તેમજ બકરાં અને વાંદરા જેવા પ્રાણીઓ પણ સરળતાથી મળી રહે છે, જે દીપડા માટે આસાનીથી શિકાર બની શકે તેમ છે. આ પ્રકારનું અનુકૂળ વાતાવરણ હોવાને કારણે જ દીપડાએ આ સ્થળને પોતાનો અડ્ડો બનાવ્યો હોવાની પૂરેપૂરી શક્યતા છે.

થર્મલ ડ્રોન કેમેરાની મદદથી સર્વેલન્સ

છેલ્લા કેટલાક દિવસોથી વન વિભાગ દ્વારા આ વન્યજીવને પકડી પાડવા માટે આકરા પ્રયાસો હાથ ધરવામાં આવી રહ્યા હતા. જે અંતર્ગત થર્મલ ડ્રોન કેમેરાની મદદથી પણ વિસ્તારનું નિરીક્ષણ (સર્વેલન્સ) કરવામાં આવ્યું હતું, પરંતુ તે સમયે દીપડાની હાજરી અંગેના કોઈ મજબૂત પુરાવા હાથ લાગ્યા નહોતા. હવે મોટી દેવતી ગામેથી મળી આવેલાં પંજાના નિશાન તેની હાજરીની સીધી ખાતરી આપે છે. ગ્રામજનોની સુરક્ષા સુનિશ્ચિત કરવા માટે વન વિભાગે દીપડાને સલામત રીતે પાંજરે પૂરીને અન્યત્ર ખસેડવા માટે તમામ સ્તરે તપાસ અને કાયદેસરની કામગીરી વેગવંતી બનાવી છે.

આ પણ વાંચો:ઇંગ્લેન્ડની ODI ટીમ જાહેર, 25 વર્ષીય ખેલાડીને સોંપાઈ કેપ્ટનશિપ

આ પણ વાંચો:36 વર્ષની અભિનેત્રીનું જન્મદિવસના 5 દિવસ પહેલા નિધન, આ ફિલ્મોમાં કર્યું કામ

Back to top button