કરીના કપૂરની નવી ફિલ્મની જાહેરાત, સાઉથના આ સ્ટાર સાથે જામશે જોડી
- કરીના કપૂરની આગામી ફિલ્મનું નામ ‘દાયરા’ છે જે એક ક્રાઈમ થ્રિલર છે. આ ફિલ્મમાં બંને સ્ટાર્સ પહેલીવાર પડદા પર જોવા મળશે
14 એપ્રિલ, મુંબઈઃ થોડા દિવસો પહેલા, અભિનેત્રી કરીના કપૂર અને દક્ષિણ સ્ટાર પૃથ્વીરાજ સુકુમારન મુંબઈના એક સ્થાન પર સાથે જોવા મળ્યા હતા, ત્યારબાદ તેમના આગામી પ્રોજેક્ટ વિશે અટકળો શરૂ થઈ ગઈ હતી. હવે અભિનેત્રીએ તેની આગામી ફિલ્મની Kareena Kapoor’s new film announced પુષ્ટિ કરી છે, જેમાં તે સુકુમારન સાથે જોવા મળશે. કરીના કપૂરની આગામી ફિલ્મનું નામ ‘દાયરા’ છે જે એક ક્રાઈમ થ્રિલર છે. આ ફિલ્મમાં બંને સ્ટાર્સ પહેલીવાર પડદા પર જોવા મળશે.
કરીના કપૂર-પૃથ્વીરાજ સુકુમારન ‘દાયરા’માં જોવા મળશે
કરીના કપૂરે ફિલ્મ નિર્માતા મેઘના ગુલઝાર સાથે દાયરા’ માટે હાથ મિલાવ્યા છે. અભિનેત્રીએ 14 એપ્રિલે તેના ઈન્સ્ટાગ્રામ પર પૃથ્વીરાજ સુકુમારન અને મેઘના ગુલઝાર સાથેના બે ફોટા શેર કર્યા અને દાયરા વિશે સત્તાવાર જાહેરાત કરી છે.
View this post on Instagram
કરીના કપૂરે કેપ્શનમાં લખ્યું છે કે હું હંમેશા દિગ્દર્શકની અભિનેત્રી રહી છું અને આ વખતે હું આપણા શ્રેષ્ઠ દિગ્દર્શકોમાંથી એક મેઘના ગુલઝાર અને શાનદાર અભિનેતા પૃથ્વીરાજ સુકુમારન સાથે કામ કરવાની આતુરતાથી રાહ જોઈ રહી છું, જેમના કામની હું દિલથી પ્રશંસા કરું છું. મારી ડ્રીમ ટીમ, ચાલો ‘દાયરા’ કરીએ.
‘રાઝી’, ‘સામ બહાદુર’, ‘છપાક’ જેવી ફિલ્મોનું દિગ્દર્શન કરી ચૂકેલી મેઘના ગુલઝારની આ આગામી ક્રાઈમ-થ્રિલર ફિલ્મમાં કરીના કપૂરની ભૂમિકા શું હશે તે જાણવા ચાહકો ખૂબ જ ઉત્સાહિત છે. તે જ સમયે, ચાહકો કરીના કપૂરની જોડી દક્ષિણ સ્ટાર સાથે પડદા પર જોવા માટે ખૂબ જ ઉત્સાહિત છે.
આ પણ વાંચોઃ હંમેશા યુવાન દેખાવા ઈચ્છો છો તો રોજ પલાળેલી કિસમિસ ખાવ, પછી જુઓ ચમત્કાર
