Iran US War : અમેરિકાના હુમલા બાદ ઈરાનનો વળતો જવાબ, કુવૈતના અલ સાલેમ એરબેઝ પર વરસાવ્યા બોમ્બ
Iran US War : બંદર અબ્બાસ પર અમેરિકાના બોમ્બમારાનો જવાબ આપવા માટે ઈરાને કુવૈત પર હુમલો કર્યો છે. ઈસ્લામિક રિવોલ્યુશનરી ગાર્ડ્સ અનુસાર, ઈરાને કુવૈતના અલ સાલેમ એર બેઝ પર હુમલો કર્યો, જે એક અમેરિકન સૈન્ય બેઝ છે. કુવૈત સૈન્યનું કહેવું છે કે, બેઝની આસપાસની હવાઈ સંરક્ષણ પ્રણાલીઓ સક્રિય કરવામાં આવી છે. કુવૈતે તેના નાગરિકોને સુરક્ષા નિયમોનું પાલન કરવા વિનંતી કરી છે.
મળતી માહિતી અનુસાર, ગુરુવારે, અમેરિકન સૈન્યએ ઈરાની સમય મુજબ સવારે 4:50 કલાકે બંદર અબ્બાસ નજીક ડ્રોન લોન્ચર સાઇટ પર હુમલો કર્યો. ઈરાને આને યુદ્ધવિરામનું ઉલ્લંઘન માન્યું અને બે કલાક પછી જવાબી કાર્યવાહી કરી.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ફરીથી હુમલો થયો કેમ
એપ્રિલમાં ઈરાન અને અમેરિકા વચ્ચે સત્તાવાર રીતે યુદ્ધવિરામની ઘોષણા કરવામાં આવી હતી. ત્યારથી, બંને દેશો વચ્ચે કરાર અંગે વાટાઘાટો ચાલી રહી છે. આ અઠવાડિયે, ઈરાની પ્રતિનિધિઓએ અંતિમ ડ્રાફ્ટ તૈયાર કરવા કુવૈતની મુલાકાત લીધી હતી.
દરમિયાન, યુએસ પ્રમુખ ડોનાલ્ડ ટ્રમ્પે કેબિનેટની બેઠક બાદ જાહેરાત કરી હતી કે તેઓ કોઈપણ કિંમતે સમૃદ્ધ યુરેનિયમ ઇચ્છે છે, પરંતુ ઈરાન તે આપવા તૈયાર નથી. આ બાદ યુએસ સૈન્યએ બંદર અબ્બાસ પર હુમલો કર્યો. યુએસ સૈન્યએ ચાર ડ્રોન અને બંદર અબ્બાસ નજીક એક બેઝનો નાશ કર્યો. આ હુમલાથી ગુસ્સે ભરાયેલા ઈરાને કુવૈત પર હુમલો કર્યો.
એક્સિઓસના જણાવ્યા મુજબ, અમેરિકન સૈન્ય દ્વારા રક્ષિત એક અમેરિકન વેપારી જહાજ બંદર અબ્બાસમાંથી પસાર થઈ રહ્યું હતું. ઈરાને જહાજ પર ચાર ડ્રોન છોડ્યા, જેને અમેરિકન સૈન્ય દ્વારા તોડી પાડવામાં આવ્યા. એક લોન્ચર પણ નાશ પામ્યું. અમેરિકાએ આને રક્ષણાત્મક કાર્યવાહી ગણાવી છે.
લેબનોન પર ઇઝરાયલનો હુમલો
અમેરિકા અને ઈરાન વચ્ચે સંઘર્ષ શરૂ થતાં જ, ઇઝરાયલે લેબનોન પર હુમલો શરૂ કર્યો. ઇઝરાયલ લેબનોનમાં હિઝબુલ્લાહના ઠેકાણાઓને નિશાન બનાવી રહ્યું છે. બુધવારે, ઇઝરાયલી વડા પ્રધાન બેન્જામિન નેતન્યાહૂએ લેબનોન પર મોટા હુમલાને અધિકૃત કર્યો. લેબનોન ઇઝરાયલનો પડોશી દેશ છે, જે હિઝબુલ્લાહ દ્વારા નિયંત્રિત છે. હિઝબુલ્લાહ ઇરાનના નેતૃત્વ હેઠળના પ્રતિકારના ધરીનો ભાગ છે.
આ પણ વાંચો : વૈભવ સૂર્યવંશીએ સર્જ્યો ઇતિહાસ, કાવ્યા મારનની તાળીઓનો VIDEO વાયરલ
