ભારતને વર્લ્ડ કપ જીતાડનાર Gary Kirsten બન્યા પાકિસ્તાનના કોચ, જેસન ગિલેસ્પીને પણ મોટી જવાબદારી મળી
HD ન્યૂઝ ડેસ્ક, 28 એપ્રિલ : ICC T20 વર્લ્ડ કપ 2024 પહેલા પાકિસ્તાન ક્રિકેટમાં મોટો ફેરફાર જોવા મળ્યો છે. Gary Kirstenને સફેદ બોલ ફોર્મેટ (ODI અને T20)માં પાકિસ્તાન ટીમના નવા કોચ તરીકે નિયુક્ત કરવામાં આવ્યા છે. Gary Kirstenના કોચિંગ હેઠળ ભારતીય ટીમે 2011 ક્રિકેટ વર્લ્ડ કપ જીત્યો હતો. ઓસ્ટ્રેલિયાના દિગ્ગજ ખેલાડી જેસન ગિલેસ્પીને ટેસ્ટ ટીમનો મુખ્ય કોચ બનાવવામાં આવ્યો છે. જ્યારે પૂર્વ પાકિસ્તાની ક્રિકેટર અઝહર મહમૂદને ત્રણેય ફોર્મેટમાં ટીમનો સહાયક કોચ બનાવવામાં આવ્યો છે. ત્રણેય કોચનો કાર્યકાળ બે-બે વર્ષનો રહેશે. T20 વર્લ્ડ કપ 1 જૂનથી યુએસએ અને વેસ્ટ ઈન્ડિઝમાં રમવાનો છે.
56 વર્ષીય Gary Kirsten હાલમાં IPL ફ્રેન્ચાઇઝી ગુજરાત ટાઇટન્સના મેન્ટર છે. ભારત ઉપરાંત Gary Kirsten ત્રણ વર્ષ સુધી દક્ષિણ આફ્રિકાની ટીમના મુખ્ય કોચ પણ રહી ચૂક્યા છે. ટી20 વર્લ્ડ કપના એક મહિના પહેલા જ Gary Kirstenને પાકિસ્તાનના કોચ તરીકે નિયુક્ત કરવામાં આવ્યા છે. મિકી આર્થરની વિદાય બાદ ત્રણેય ફોર્મેટમાં પાકિસ્તાની ટીમના મુખ્ય કોચનું પદ ખાલી હતું. આર્થર બાદ મોહમ્મદ હાફીઝે ટીમ ડાયરેક્ટર તરીકે ટીમની કમાન સંભાળી હતી, પરંતુ ન્યૂઝીલેન્ડ અને ઓસ્ટ્રેલિયાના પ્રવાસમાં ખરાબ પ્રદર્શન બાદ તેને પણ હટાવી દેવામાં આવ્યો હતો.
Gillespie to coach Pakistan in red-ball cricket, Kirsten in white-ball cricket
Details here ⤵️ https://t.co/GnCUDwPLfw
— PCB Media (@TheRealPCBMedia) April 28, 2024
Gary Kirstenની ઇન્ટરનેશનલ કરિયર આવી હતી
ડાબા હાથના ઓપનિંગ બેટ્સમેન Gary Kirstenએ દક્ષિણ આફ્રિકા માટે 101 ટેસ્ટ મેચ રમી હતી, જેમાં તેણે 45.27ની સરેરાશથી 7289 રન બનાવ્યા હતા. આ સમયગાળા દરમિયાન તેનો સર્વોચ્ચ સ્કોર 275 હતો. પોતાની ટેસ્ટ કારકિર્દીમાં ગેરીએ 21 સદી અને 34 અડધી સદી ફટકારી હતી. વન ડે ઈન્ટરનેશનલમાં પણ ગેરીનો કોઈ જવાબ નહોતો. ગેરી કર્સ્ટને 185 વન-ડે ઈન્ટરનેશનલ મેચ રમી અને 6798 રન બનાવ્યા, જેમાં 13 સદી અને 45 અડધી સદી સામેલ છે. વન-ડે ઈન્ટરનેશનલમાં Gary Kirsten નો સર્વશ્રેષ્ઠ સ્કોર અણનમ 188 રન હતો, જે તેણે 1999ના વર્લ્ડ કપમાં યુએઈ સામે બનાવ્યો હતો.
Gary Kirsten એક શાનદાર ફિલ્ડર પણ હતા અને મેદાન પર તેમની ચપળતા અજોડ હતી. એકવાર ગેરી કર્સ્ટને સચિન તેંડુલકરનો એવો કેચ લીધો હતો જે આજે પણ ચાહકોના મનમાં અકબંધ છે. કર્સ્ટને 1996માં ડરબનમાં રમાયેલી ટેસ્ટ મેચમાં ભારતની બીજી ઇનિંગમાં શોન પોલોકના બોલ પર આ કેચ લીધો હતો. Gary Kirstenના આ કેચને ટેસ્ટ ક્રિકેટના સર્વશ્રેષ્ઠ કેચમાં ગણવામાં આવે છે.
ગિલેસ્પીનો આંતરરાષ્ટ્રીય રેકોર્ડ આવો હતો
જેસન ગિલેસ્પીની વાત કરીએ તો તેણે ઓસ્ટ્રેલિયા માટે 71 ટેસ્ટ, 97 વનડે અને 1 ટી20 મેચ રમી હતી. ગિલેસ્પીએ ટેસ્ટ મેચમાં 26.13ની એવરેજથી 259 વિકેટ લીધી હતી. આ સમયગાળા દરમિયાન, તેણે 8 વખત એક ઇનિંગમાં પાંચ કે તેથી વધુ વિકેટ લીધી હતી. બેટિંગની વાત કરીએ તો, ગિલેસ્પીએ ટેસ્ટ મેચોમાં 18.73ની એવરેજથી 1218 રન બનાવ્યા, જેમાં એક સદી અને બે અડધી સદી સામેલ છે.
વન ડે ઈન્ટરનેશનલમાં જેસન ગિલેસ્પીના નામે 25.42ની એવરેજથી 142 વિકેટ છે. ODIમાં, ગિલેસ્પીએ ત્રણ વખત ઇનિંગ્સમાં પાંચ વિકેટ લીધી હતી. આ સિવાય ગિલેસ્પીએ ટી20 ઈન્ટરનેશનલમાં પણ એક વિકેટ લીધી હતી. ગિલેસ્પીએ ODIમાં 289 રન અને T20 ઇન્ટરનેશનલમાં 24 રન બનાવ્યા હતા. ગિલેસ્પી ઈન્ડિયન પ્રીમિયર લીગ (આઈપીએલ)માં કિંગ્સ ઈલેવન પંજાબ (હવે પંજાબ કિંગ્સ)ના બોલિંગ કોચ રહી ચૂક્યા છે. આ સિવાય તે યોર્કશાયર, સાઉથ ઓસ્ટ્રેલિયા, સસેક્સ, એડિલેડ સ્ટ્રાઈકર્સ અને પાપુઆ ન્યૂ ગિની ટીમના મુખ્ય કોચ પણ રહી ચૂક્યા છે.
આ પણ વાંચો :ગુજરાત: નકલી ઘી, શેમ્પુ તથા પનીર બાદ નકલી તેલનું બજારમાં વેચાણ શરૂ, અખાદ્યતેલનો જથ્થો ઝડપાયો
