અમેરિકામાં સસ્તી શાકભાજી માટે ભારતીયોની ભીડ, મોલ બન્યો દેશી મંડી

Viral VIDEO: અમેરિકાના ન્યૂ જર્સીમાંથી એક અનોખો વીડિયો સોશિયલ મીડિયા પર ભારે વાયરલ થઈ રહ્યો છે. અહીં નવા ભારતીય ગ્રોસરી સ્ટોરના ઉદ્ઘાટન દરમિયાન સસ્તી શાકભાજી અને ફળોની ઓફરને કારણે એટલી મોટી ભીડ ઉમટી પડી કે આખું સ્ટોર જાણે ભારતીય શાકમાર્કેટ બની ગયું હોય એવું લાગી રહ્યું હતું. વીડિયોએ સોશિયલ મીડિયા પર ભારે ચર્ચા જગાવી છે.
વિદેશમાં વસતા ભારતીયો માટે ભારતીય ગ્રોસરી સ્ટોર્સ માત્ર ખરીદીનું સ્થળ નથી, પરંતુ ઘર જેવી લાગણી સાથે જોડાયેલું એક ખાસ કેન્દ્ર હોય છે. અહીં મસાલા, દાળ, લોટ અને દેશી શાકભાજી જેવી વસ્તુઓ સરળતાથી મળી રહેતી હોવાથી ભારતીય સમુદાયમાં આવા સ્ટોર્સ ખૂબ લોકપ્રિય બને છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ભારે ડિસ્કાઉન્ટને કારણે ઉમટી ભીડ
ન્યૂ જર્સીમાં શરૂ થયેલા નવા ભારતીય ગ્રોસરી સ્ટોરમાં ફળ અને શાકભાજી પર ખાસ ડિસ્કાઉન્ટ જાહેર કરવામાં આવ્યું હતું. આ ઓફરનો લાભ લેવા માટે લોકો મોટી સંખ્યામાં પહોંચ્યા હતા. સ્થિતિ એવી બની ગઈ કે સ્ટોરની અંદર પગ મુકવાની પણ જગ્યા નહોતી.
વાયરલ વીડિયોમાં શું જોવા મળ્યું?
વાયરલ વીડિયોમાં લોકો ઝડપથી શાકભાજી અને અન્ય સામાન પોતાના બેગમાં ભરતા જોવા મળે છે. કેટલાક લોકો એકબીજાને ધક્કા મારી આગળ વધવાનો પ્રયાસ કરતા નજરે પડે છે. વીડિયોમાં વડીલો પણ ખરીદી માટે ભારે ભીડમાં ઉભેલા જોવા મળે છે.
આ દ્રશ્યો જોઈને ઘણા લોકો આશ્ચર્યચકિત થઈ ગયા હતા. સોશિયલ મીડિયા પર ઘણા યુઝર્સે આ ઘટનાની તુલના ભારતની ભીડભાડવાળી શાકમંડીઓ સાથે કરી હતી.
સોશિયલ મીડિયા પર મિશ્ર પ્રતિક્રિયાઓ
આ વીડિયો કન્ટેન્ટ ક્રિએટર અનિપાલ પટેલે પોતાના સોશિયલ મીડિયા એકાઉન્ટ @mondayswithmohan પરથી શેર કર્યો હતો. વીડિયોને લઈને સોશિયલ મીડિયા પર મજેદાર તેમજ ગંભીર બંને પ્રકારની પ્રતિક્રિયાઓ જોવા મળી રહી છે. કેટલાક લોકો ભારતીયોની બચત કરવાની આદતની પ્રશંસા કરી રહ્યા છે, જ્યારે કેટલાકે ભીડભાડ અને અફરાતફરી પર સવાલ ઉઠાવ્યા છે.
આ પણ વાંચો : ચાંદીના ભાવમાં અચાનક મોટો કડાકો આવ્યો, જાણો સોનાના ભાવમાં શું છે સ્થિતિ












