Oscar 2026માં ધર્મેન્દ્રને યાદ ન કરાતા ભારતીય ફેન્સ નારાજ થયા, અગાઉ શ્રીદેવી, ઋષિ કપૂરને મળી ચૂકી છે શ્રદ્ધાંજલિ

• ધર્મેન્દ્રએ ભારતીય સિનેમામાં મહત્ત્વપૂર્ણ યોગદાન આપ્યું હતું અને તાજેતરમાં બાફ્ટા 2026 માં તેમને શ્રદ્ધાંજલિ આપવામાં આવી હતી

Oscar 2026: 98મો એકેડેમી એવોર્ડ્સ લોસ એન્જલસમાં યોજાયો હતો, જ્યાં ઘણા સ્ટાર્સને આ પ્રતિષ્ઠિત એવોર્ડથી સન્માનિત કરવામાં આવ્યા હતા. આ કાર્યક્રમમાં 2025 ની ફિલ્મોનું સન્માન કરવામાં આવ્યું હતું, તેમજ મૃત કલાકારોને યાદ કરીને ઈન મેમોરિયમ સેગમેન્ટનો પણ સમાવેશ થતો હતો. જોકે બોલીવુડના દિગ્ગજ અભિનેતા ધર્મેન્દ્રનું નામ આ યાદીમાં સામેલ કરવામાં આવ્યું ન હતું, જેનાથી ભારતીય ચાહકો નારાજ થયા હતા.

‘ઈન મેમોરિયમ’માં ધર્મેન્દ્રને શ્રદ્ધાંજલિ નહીં

આ વર્ષે ઓસ્કરમાં ‘ઇન મેમોરિયમ’ સેગમેન્ટ સૌથી લાંબો હોવાનું જાણવા મળ્યું હતું. આયોજકોએ તેને અનોખી રીતે રજૂ કર્યું હતું. જોકે બોલિવૂડ અભિનેતા ધર્મેન્દ્રને આ કાર્યક્રમમાં સન્માનિત કરવામાં આવ્યા ન હતા. ધર્મેન્દ્રએ ભારતીય સિનેમામાં મહત્ત્વપૂર્ણ યોગદાન આપ્યું હતું અને તાજેતરમાં બાફ્ટા 2026 માં તેમને શ્રદ્ધાંજલિ આપવામાં આવી હતી.

El In Memoriam de Los Oscars 2026…

Ha sido un año terrible… Rob Reiner, Diane Keaton, Catherine O’Hara, Val Kilmer, Robert Duvall, Robert Redford, etc.

Tantas LEYENDAS que nos han acompañado y nos han hecho disfrutar.#Oscars pic.twitter.com/78RN7BbxfG

— Lugar Cinema🎬 (@LugarCinema) March 16, 2026

તાજેતરના વર્ષોમાં ઓસ્કારે પોતાને વધુ આંતરરાષ્ટ્રીય બનાવવાનો પ્રયાસ કર્યો છે. આ જ કારણ છે કે અગાઉ ઇન મેમોરિયમ સેગમેન્ટમાં ભારતીય સિનેમાના ઘણા અગ્રણી નામોનો સમાવેશ કરવામાં આવ્યો હતો, જેમાં ઇરફાન ખાન, શ્રીદેવી, શશિ કપૂર અને ઋષિ કપૂરનો સમાવેશ થાય છે.

ધર્મેન્દ્રનું નવેમ્બર 2025 માં 89 વર્ષની વયે અવસાન થયું હોવા છતાં, આ વર્ષની યાદીમાં તેમની ગેરહાજરીથી ઘણા લોકો આશ્ચર્યચકિત થયા હતા. ભારતીય ચાહકોએ સોશિયલ મીડિયા પર પોતાની નારાજગી વ્યક્ત કરી છે.

સોશિયલ મીડિયા પર ચાહકો ગુસ્સે

એક યુઝરે લખ્યું છે કે ઓસ્કાર એવોર્ડ્સે ગયા વર્ષે ગુજરી ગયેલા ઘણા લોકોને યાદ કર્યા, પરંતુ ધર્મેન્દ્રનો ઉલ્લેખ પણ કર્યો નહીં, જેમણે પોતાનું આખું જીવન ભારતીય સિનેમાને સમર્પિત કર્યું. બધી પ્રસિદ્ધિ છતાં, આ શો ખરેખર આંતરરાષ્ટ્રીય નથી, તે ફક્ત હોલીવુડનો ભવ્ય શો છે.

આ પણ વાંચોઃ PNG-LPG બંને કનેક્શન હોય તો બુધવાર સુધીમાં સરેન્ડર કરવું પડશે: ગુજરાતમાં ગેસ પુરવઠા પર સરકારનો નિર્ણય