વિશાખાપટ્ટનમ સ્ટીલ પ્લાન્ટમાં ભીષણ દુર્ઘટના, 1600 ડિગ્રી ગરમ પીગળેલું લોખંડ પડતાં 8 શ્રમિકોના મોત

 8 workers die: આંધ્ર પ્રદેશના વિશાખાપટ્ટનમમાંથી એક મોટી અને દુઃખદ દુર્ઘટનાના સમાચાર સામે આવ્યા છે. અહીં સ્થિત રાષ્ટ્રીય ઇસ્પાત નિગમ લિમિટેડ (RINL) ના સ્ટીલ પ્લાન્ટમાં સોમવારે ભીષણ અકસ્માત સર્જાયો હતો. પ્લાન્ટમાં અચાનક ભારે માત્રામાં પીગળેલું લોખંડ લીક થતાં ઓછામાં ઓછા 8 શ્રમિકોના મોત થયા હોવાનું જાણવા મળ્યું છે. જ્યારે અનેક લોકો ગંભીર રીતે ઘાયલ થયા છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

મળતી માહિતી મુજબ સ્ટીલ પ્લાન્ટના SMS-2 અને STC-3 વિભાગમાં આ દુર્ઘટના બની હતી. ઘટનાના સમયે ક્રેનની મદદથી એક વિશાળ બકેટમાં રાખવામાં આવેલું પીગળેલું લોખંડ એક સ્થળેથી બીજા સ્થળે ખસેડવામાં આવી રહ્યું હતું. તે દરમિયાન અચાનક બકેટમાંથી ગરમ લોખંડ નીચે પડી ગયું અને નજીકમાં કામ કરી રહેલા શ્રમિકો તેની ઝપેટમાં આવી ગયા.

પોલીસ અધિકારીઓના જણાવ્યા અનુસાર પીગળેલા લોખંડનું તાપમાન અંદાજે 1600 ડિગ્રી સેલ્સિયસ જેટલું હતું. એટલી વધુ ગરમીને કારણે ઘટનાસ્થળે ભારે અફરાતફરી મચી ગઈ હતી. બચાવ કામગીરી તાત્કાલિક શરૂ કરવામાં આવી હતી અને ઘાયલોને હોસ્પિટલમાં ખસેડવામાં આવ્યા હતા.

આ દુર્ઘટનાને લઈને વડાપ્રધાન નરેન્દ્ર મોદીએ પણ દુઃખ વ્યક્ત કર્યું છે. તેમણે સોશિયલ મીડિયા પર પોસ્ટ કરીને મૃતકોના પરિવારજનો પ્રત્યે સંવેદના વ્યક્ત કરી હતી અને ઘાયલોના ઝડપથી સ્વસ્થ થવાની પ્રાર્થના કરી હતી. સાથે જ PMNRFમાંથી દરેક મૃતકના પરિવારને 2 લાખ રૂપિયા અને ઘાયલોને 50 હજાર રૂપિયાની સહાય જાહેર કરવામાં આવી છે.

આંધ્ર પ્રદેશના મુખ્યમંત્રી ચંદ્રબાબુ નાયડૂએ પણ ઘટનાને લઈને દુઃખ વ્યક્ત કર્યું છે. તેમણે અધિકારીઓ સાથે વાતચીત કરીને રાહત અને બચાવ કામગીરી ઝડપથી શરૂ કરવા સૂચના આપી છે. રાજ્ય સરકાર દ્વારા સમગ્ર ઘટનાની તપાસના આદેશ પણ આપવામાં આવ્યા છે.

આ ઘટનાએ ફરી એકવાર ઉદ્યોગોમાં સુરક્ષા વ્યવસ્થાને લઈને ગંભીર પ્રશ્નો ઉભા કર્યા છે. ભારે મશીનરી અને જોખમી સામગ્રી સાથે કામ કરતી ફેક્ટરીઓમાં સલામતીના નિયમોનું કડક પાલન કરવું કેટલું જરૂરી છે તે આ દુર્ઘટનાએ સ્પષ્ટ કરી દીધું છે.

આ પણ વાંચો : Horoscope 9th June: આ રાશિના લોકોની આર્થિક સ્થિતિ સુધરશે, જુઓ આજનું રાશિ ભવિષ્ય