દેહરાદૂનમાં વાદળ ફાટવાથી અફરાતફરી મચી, કેટલીય દુકાનો અને લોકો તણાયા

દેહરાદૂન: ઉત્તરાખંડની રાજધાની દેહરાદૂનમાં ભારે વરસાદથી વિનાશ સર્જાઈ રહ્યો છે. ભારે વરસાદને કારણે તમસા નદી પૂરની લપેટમાં છે. આના કારણે પ્રખ્યાત તપકેશ્વર મહાદેવ મંદિર ડૂબી ગયું છે. વાદળ ફાટવાના કારણે થયેલા ભારે વરસાદને કારણે ઘણા ઘરો અને દુકાનો ધોવાઈ ગયા હોવાના અહેવાલો પણ છે.

મંદિરના પૂજારી આચાર્ય બિપિન જોશીએ જણાવ્યું હતું કે સવારે 5:00 વાગ્યાથી નદીનું પાણીનું સ્તર ઝડપથી વધવા લાગ્યું હતું, જેના કારણે આખું મંદિર સંકુલ પાણીમાં ડૂબી ગયું હતું. તેમણે કહ્યું કે આવી પરિસ્થિતિ ઘણા લાંબા સમયથી આવી નથી. ઘણી જગ્યાએ નુકસાન થયું છે. લોકોએ આ સમયે નદીઓની નજીક જવાનું ટાળવું જોઈએ. મંદિરનું ગર્ભગૃહ સુરક્ષિત છે.

#WATCH | Uttarakhand | Tamsa river in spate and Tapkeshwar Mahadev temple inundated as heavy rainfall lashes Dehradun.

Temple priest Acharya Bipin Joshi says, “The river started flowing heavily since 5 AM, the entire temple premises were submerged… This kind of situation had… pic.twitter.com/4E6PhKBM6K

— ANI (@ANI) September 16, 2025

ઉત્તરાખંડમાં હવામાનની સ્થિતિ

અહીં ઉલ્લેખનિય છે કે, ઉત્તરાખંડના મોટાભાગના જિલ્લાઓમાં વચ્ચે-વચ્ચે વરસાદ પડી રહ્યો છે. હવામાન વિભાગે આજે યલો એલર્ટ જાહેર કર્યું છે. હવામાન વિભાગના જણાવ્યા અનુસાર, આજે ઉત્તરાખંડના દેહરાદૂન, બાગેશ્વર, પિથોરાગઢ, ચંપાવત અને નૈનિતાલ જિલ્લાઓ અને બાકીના જિલ્લાઓમાં ઘણા સ્થળોએ ગાજવીજ સાથે હળવાથી મધ્યમ વરસાદ પડી શકે છે.

દહેરાદૂન, ચમોલી, ચંપાવત, ઉધમ સિંહ નગર, બાગેશ્વર, પિથોરાગઢ અને નૈનીતાલ જિલ્લામાં કેટલાક સ્થળોએ ભારે વરસાદ અને વીજળી પડવાની શક્યતા છે. આ જિલ્લાઓમાં ભારેથી અતિ ભારે વરસાદની શક્યતા છે, જ્યારે રાજ્યના બાકીના જિલ્લાઓમાં વીજળીના કડાકા અને કેટલાક સ્થળોએ ગાજવીજ સાથે ભારેથી અતિ ભારે વરસાદની શક્યતા છે.

દહેરાદૂનમાં આજે આકાશ આંશિક વાદળછાયું રહેવાની શક્યતા છે. અહીં ગાજવીજ સાથે હળવાથી મધ્યમ વરસાદની શક્યતા છે. દહેરાદૂનનું મહત્તમ તાપમાન 32 ડિગ્રી સેલ્સિયસ અને લઘુત્તમ તાપમાન 24 ડિગ્રી સેલ્સિયસ રહી શકે છે.

આ પણ વાંચો: Asia Cup 2025: સુપર-4માં ક્વાલિફાય કરનારી પહેલી ટીમ બની ઈંડિયા, હજુ એક મેચ બાકી