જેમિની બન્યું આ વર્ષે ગૂગલ પર સૌથી વધુ સર્ચ થનારું એઆઈ ટૂલ, ગ્રોક અને ડીપસીકથી પણ પાછળ રહ્યું ચેટજીપીટી

HD ન્યુઝ ડેસ્ક, 5 ડિસેમ્બર 2025:  ગૂગલ દર વર્ષે એક રિપોર્ટ જાહેર કરે છે, જેમાં જણાવવામાં આવે છે કે વર્ષભર લોકોએ કયા ટોપિકને સૌથી વધુ સર્ચ કર્યા. આ વર્ષનો રિપોર્ટ જોઈને ખ્યાલ આવે છે કે લોકોએ આ વર્ષે એઆઈ ચેટબોટ્સને ખૂબ સર્ચ કર્યા. આ વર્ષે ભારતમાં ગૂગલનું જેમિની એઆઈ ટૂલ સૌથી વધુ સર્ચ થયું અને આ કેસમાં તેણે ચેટજીપીટીને પણ પાછળ છોડી દીધું છે. આ રિપોર્ટ જોતાં લાગે છે કે ભારતમાં લોકો ક્રિએટિવિટી તેમજ પ્રોડક્ટિવિટી માટે પણ એઆઈ પ્લેટફોર્મ્સનો ખૂબ ઉપયોગ કરી રહ્યા છે.

એઆઈ ટૂલ્સનો જલવો

ગૂગલની વાર્ષિક સર્ચ ઇન્સાઇટ્સ જોઈને ખ્યાલ આવે છે કે ગૂગલ જેમિની IPL પછી આ વર્ષનું સૌથી ટ્રેન્ડિંગ સર્ચ રહ્યું. એઆઈ કેટેગરીમાં જેમિની પછી જેમિની એઆઈ ફોટો બીજા સ્થાને, જ્યારે એલન મસ્કની કંપની xAIનું એઆઈ ચેટબોટ ત્રીજા, ચાઇનીઝ ચેટબોટ ડીપસીક ચોથા અને પરપ્લેક્સિટી પાંચમા સ્થાને રહ્યું. બાકીના ટ્રેન્ડિંગ સર્ચની વાત કરીએ તો ગૂગલ એઆઈ સ્ટુડિયો છઠ્ઠા, ચેટજીપીટી સાતમા, ચેટજીપીટી ગિબલી આર્ટ આઠમા, ફ્લો નવમા અને ગિબલી સ્ટાઇલ ઇમેજ જનરેટર દસમા સ્થાને રહ્યું. કોન્ટેક્સ્ટ અનુસાર લોકોએ ગ્રોકને મજાકિયા ચેટિંગ માટે, પરપ્લેક્સિટીને સર્ચ-સ્ટાઇલ રિસ્પોન્સ અને ડીપસીકને ઇમેજ જનરેશન માટે વધુ ઉપયોગ કર્યો.

એઆઈ બની દરેકની સાથી – રિપોર્ટ

રિપોર્ટ જણાવે છે કે ભારતીય યુઝર્સે આ વર્ષે એઆઈ અસિસ્ટન્ટ, એડિટર અને ઇમેજ જનરેટરના આખા ઇકોસિસ્ટમનો ઉપયોગ કર્યો છે. રિપોર્ટમાં કહેવામાં આવ્યું છે કે આ વર્ષે એઆઈ દરેકની સાથી બની ગઈ. લોકોએ શીખવા, બનાવવા અને તેમના કામ કરવા માટે એઆઈનો પૂરેપૂરો ઉપયોગ કર્યો છે. લોકોએ તેમની પ્રોડક્ટિવિટી તેમજ આર્ટ સાથે જોડાયેલા કામો માટે પણ એઆઈ ટૂલ્સનો આશરો લીધો છે. જેમિનીના નેનો બનાવા મોડલ દ્વારા આ વર્ષે લોકોએ અલગ-અલગ સ્ટાઇલમાં તેમની ફોટો બનાવીને સોશિયલ મીડિયા પર શેર કરી.