ટોપ ન્યૂઝટ્રેન્ડિંગનેશનલ

ચેન્નાઈના માયલાપુર સાંઈ બાબા મંદિરની છત પર આગ લાગી, આગથી અફરાતફરી

તમિલનાડુની રાજધાની ચેન્નાઈમાં સાંજે માયલાપુર સાંઈ બાબા મંદિરની છત પર આગ ફાટી નીકળી હતી. ત્રણ ફાયર સ્ટેશનના 20થી વધુ ફાયર ફાઈટર આગ પર કાબૂ મેળવવા માટે પાણીનો મારો ચલાવી રહ્યા છે. પોલીસે જણાવ્યું કે આગ મંદિરની છત પર લાગી હતી. ફાયર વિભાગના જણાવ્યા અનુસાર, આગની માહિતી મળ્યા બાદ, ફાયર ફાઈટરને તાત્કાલિક ઘટનાસ્થળે રવાના કરવામાં આવ્યા હતા.

ફાયર વિભાગનું કહેવું છે કે તેઓ હજુ પણ મંદિરની છત પર આગ લાગવાનું કારણ જાણવાનો પ્રયાસ કરી રહ્યા છે. આગની ઘટનાનો એક વીડિયો પણ સામે આવ્યો છે, જેમાં મંદિરની છતમાંથી જ્વાળાઓ બહાર નીકળતી સ્પષ્ટ જોઈ શકાય છે. મંદિરને જોતા સ્પષ્ટ થાય છે કે અહીં બાંધકામ ચાલી રહ્યું હતું, કારણ કે વીડિયોમાં વાંસની લાકડીઓથી બનેલી ફ્રેમ પણ દેખાઈ રહી છે. માનવામાં આવી રહ્યું છે કે આ કારણે આગ ઝડપથી ફેલાઈ હતી.

Back to top button