1 એપ્રિલથી પીએફના નિયમો બદલાયા: હવે UPI દ્વારા સીધા ખાતામાં આવશે PFના પૈસા
New PF Withdrawal Rules: કર્મચારી ભવિષ્ય નિધિ સંગઠન (EPFO)થી જોડાયેલા કરોડો નોકરિયાત વર્ગ માટે 1 એપ્રિલ 2026થી મોટા સમાચાર સામે આવ્યા છે. ‘EPFO 3.0’ હેઠળ હવે પીએફના પૈસા ઉપાડવાની રીત સંપૂર્ણપણે બદલાઈ ગઈ છે. સૌથી મોટો અપડેટ એ છે કે હવે યુઝર્સ પીએફની રકમ UPI દ્વારા સીધી પોતાના બેંક ખાતામાં મેળવી શકશે.
પીએફ ઉપાડવાની પ્રક્રિયા થઈ સરળ
અત્યાર સુધી પીએફ ઉપાડવા માટે લાંબી ઓનલાઇન પ્રોસેસમાંથી પસાર થવું પડતું હતું, જેમાં ક્લેમ ફાઇલ કર્યા બાદ અઠવાડિયા સુધી મંજૂરીની રાહ જોવી પડતી હતી. નવી સિસ્ટમમાં ‘ઓટો અપ્રુવલ’ વધારવા અને પેમેન્ટને ઝડપી બનાવવા પર ફોકસ કરવામાં આવ્યું છે, જેથી લોકોને તાત્કાલિક જરૂરિયાતના સમયે પૈસા મળી રહે.
UPI દ્વારા PF કેવી રીતે ઉપાડશો? (Step-by-Step)
- સૌ પ્રથમ તમારા સ્માર્ટફોનમાં EPFO પોર્ટલ અથવા Umang App ખોલો.
- ત્યારબાદ “UPI થી PF ઉપાડો” (UPI Withdrawal) નો વિકલ્પ પસંદ કરો અને રકમ દાખલ કરો.
- તમારી વિનંતી કન્ફર્મ કરવા માટે UPI PIN નાખો.
- પૈસા બેંક ખાતામાં આવ્યા બાદ તમે કોઈપણ UPI સપોર્ટેડ ATM માંથી “QR Cash” સ્કેન કરીને રોકડ મેળવી શકશો.
પહેલા અને હવેમાં શું તફાવત છે?
- પહેલા: ક્લેમ સેટલ થવામાં અને પૈસા આવવામાં દિવસો કે અઠવાડિયા લાગતા હતા અને ઘણું પેપરવર્ક કરવું પડતું હતું.
- હવે: પ્રોસેસ સંપૂર્ણ ડિજિટલ અને ફાસ્ટ છે. UPI દ્વારા ઇન્સ્ટન્ટ ટ્રાન્સફર શક્ય બનશે, જે ઈમરજન્સીમાં ખૂબ જ ઉપયોગી સાબિત થશે.
આ બાબતોનું ખાસ ધ્યાન રાખવું
- આ સુવિધાનો લાભ લેવા માટે કેટલીક શરતો પૂરી કરવી અનિવાર્ય છે:
- તમારો UAN (Universal Account Number) એક્ટિવ હોવો જોઈએ.
- PF એકાઉન્ટ સાથે આધાર કાર્ડ લિંક હોવું ફરજિયાત છે.
- મોબાઇલ નંબર આધાર અને UPI એપ બંને સાથે જોડાયેલો હોવો જોઈએ.
- બેંકની KYC અપડેટ હોવી જોઈએ અને એમ્પ્લોયર દ્વારા વેરિફાય થયેલી હોવી જોઈએ.
આ પણ વાંચોઃ Dhurandhar 2 એ 14માં દિવસે બનાવ્યો ઐતિહાસિક રેકોર્ડ, ઈતિહાસમાં આવું કરનારી પહેલી ફિલ્મ બની
આ પણ વાંચોઃ Instagram લાવી રહ્યું છે પેઇડ ફીચર, હવે સ્ટોરીથી કમાણી અને કંટ્રોલ બંને મળશે
અમારી WhatsApp ચેનલમાં જોડાવા આ લિંક પર ક્લીક કરો
