રોહિત શર્માની નિવૃત્તિની અફવાઓ પર BCCIનો મોટો ખુલાસો: “લોર્ડ્સ મેચ છેલ્લી નથી!”

નવી દિલ્હી: ભારતીય ક્રિકેટ ટીમના સ્ટાર ઓપનર રોહિત શર્માની નિવૃત્તિ અંગે છેલ્લા કેટલાક દિવસોમાં મીડિયામાં ભારે અટકળો ચાલી રહી હતી. પરંતુ ભારતીય ક્રિકેટ કંટ્રોલ બોર્ડ (BCCI)એ આ તમામ અહેવાલોને સ્પષ્ટપણે નકારી દીધા છે.

BCCI સચિવ દેવાજીત સૈકિયાએ પીટીઆઈ સાથેની વાતચીતમાં કહ્યું કે, “રોહિત શર્માના ભવિષ્યને લઈને મીડિયામાં ઘણી અટકળો ચાલી રહી છે, પરંતુ લોર્ડ્સમાં રોહિત પોતાની છેલ્લી મેચ રમશે તેવી કોઈ ચર્ચા જ થઈ નથી.”

STORY | BCCI rubbishes speculation about Rohit Sharma, says he will continue to play after Lords ODI

The BCCI on Friday rubbished speculation about Rohit Sharma’s future, stating he will continue to play for India after the series-deciding third and final ODI against England at… pic.twitter.com/4iGOvaSxpo

— Press Trust of India (@PTI_News) July 17, 2026

“રોહિત વનડેમાં નિયમિત સભ્ય છે”

સૈકિયાએ વધુમાં જણાવ્યું કે રોહિત શર્મા હજુ પણ વનડે ટીમનો મહત્વનો અને નિયમિત સભ્ય છે. “જ્યાં સુધી તે ટીમની યોજનાઓમાં સામેલ છે, ત્યાં સુધી તે દેશ માટે રમતો રહેશે,”

રવિવારે ઈંગ્લેન્ડ સામે લોર્ડ્સના પ્રસિદ્ધ મેદાન પર રમાનારી ત્રીજી વનડે મેચને લઈને પણ અફવાઓ ફેલાઈ હતી કે આ મેચ રોહિતની આંતરરાષ્ટ્રીય ક્રિકેટ કારકિર્દીની છેલ્લી મેચ હશે. BCCIએ આ વાતને પણ સ્પષ્ટપણે ખોટી ગણાવી છે.

અફવાઓ ક્યાંથી શરૂ થઈ?

આ ચર્ચાનો મુખ્ય આધાર એ અહેવાલો પર હતો કે રાષ્ટ્રીય પસંદગીકારોએ રોહિતને 2027 ODI વર્લ્ડ કપની લાંબા ગાળાની યોજનાઓમાંથી બહાર રાખવાનો નિર્ણય લીધો છે. ટેસ્ટ અને T20 ક્રિકેટમાંથી પહેલેથી જ નિવૃત્તિ લઈ ચૂકેલા રોહિતની વનડેમાંથી પણ વિદાયની અટકળોને આ અહેવાલોએ વેગ આપ્યો હતો.

પરંતુ BCCI સચિવે આ તમામ અટકળોને માત્ર અને માત્ર અફવાઓ જ ગણાવી છે અને રોહિતના સ્થાનને લઈને બોર્ડની સ્પષ્ટ સ્થિતિ રજૂ કરી છે.

હાલમાં શું છે સ્થિતિ?

રોહિત શર્મા હાલમાં ઈંગ્લેન્ડ સામેની વનડે સિરીઝમાં ભારતીય ટીમનું નેતૃત્વ કરી રહ્યા છે. તેમના અનુભવ અને નેતૃત્વ ક્ષમતાને ધ્યાનમાં રાખીને BCCI તેમને આગામી સમયમાં પણ મહત્વની જવાબદારીઓ સોંપવા તૈયાર છે.

રોહિત શર્મા હજુ ભારતીય વનડે ટીમનો અનિવાર્ય ભાગ છે. અફવાઓ અને અટકળો વચ્ચે BCCIનો આ ખુલાસો રોહિતના ચાહકો માટે રાહતના સમાચાર સમાન છે. હિમાચલી હિટમેન હજુ ઘણી મેચોમાં ભારતને જીત અપાવતો જોવા મળશે તેવી આશા વધારી દેવાઈ છે.

આ પણ વાંચો: એક ઘરમાં એક સાથે 5 લોકોના મૃતદેહ મળ્યા, સામૂહિક આત્મહત્યાની આશંકા