INDvsAF : ભારતીય ક્રિકેટ ચાહકો માટે, 17 જૂન એક મોટો તહેવાર બનવાનો છે. આ દિવસ ક્રિકેટના ઉત્સાહનો એવો માહોલ લાવશે જેનું ચાહકો સ્વપ્ન જ જોતા હોય છે. એક જ દિવસે ત્રણ અલગ-અલગ ભારતીય ટીમો અલગ-અલગ મેદાન પર સ્પર્ધા કરતી જોવા મળશે. સિનિયર પુરુષોની ટીમથી લઈને મહિલા ટીમ અને ઈન્ડિયા A, બધી જ ટીમો એક્શનમાં હશે. આમાંથી બે મેચ ભારત અને અફઘાનિસ્તાન વચ્ચે રમાશે.
ભારત A સવારે કરશે ધમાકેદાર શરૂઆત
ભારતની યુવા ટીમ ઈન્ડિયા A, દિવસની પહેલી મેચમાં મેદાનમાં ઉતરશે. શ્રીલંકામાં રમાઈ રહેલી ત્રિકોણીય શ્રેણીમાં ઈન્ડિયા Aનો મુકાબલો અફઘાનિસ્તાનની યુવા ટીમ સાથે થશે. આ મેચ ભારતીય સમય મુજબ સવારે 10:00 કલાકે શરૂ થશે, જે ચાહકોને દિવસની શરૂઆતમાં ક્રિકેટનો ઉત્તમ ડોઝ આપશે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
લખનૌમાં યોજાશે પાર્ટી
બપોર સુધીમાં સિનિયર પુરુષોની ટીમ કબજો સંભાળશે. શુભમન ગિલના નેતૃત્વમાં, ભારતીય ટીમ અફઘાનિસ્તાન સામે ત્રણ મેચની ODI શ્રેણીની બીજી મેચ રમશે. શ્રેણીની આ મહત્વપૂર્ણ મેચ લખનૌના અટલ બિહારી વાજપેયી એકાના સ્ટેડિયમ ખાતે રમાશે. આ મેચ બપોરે 1:30 કલાકે શરૂ થશે. ભારતીય ટીમ મેદાન પર પોતાની તાકાતનું પ્રદર્શન કરશે, જેનો ઉદ્દેશ્ય શ્રેણીમાં અજેય લીડ મેળવવાનો છે. ટીમ ઈન્ડિયાએ પહેલી મેચ 7 વિકેટથી જીતી હતી, જે વરસાદને કારણે 25-25 ઓવરની કરવામાં આવી હતી.
T20 વર્લ્ડ કપમાં ભારતની બીજી મેચ
આજની સાંજ મહિલા ક્રિકેટને સમર્પિત રહેશે. ભારતીય મહિલા ટીમ ઇંગ્લેન્ડમાં યોજાઈ રહેલા 2026 મહિલા T20 વર્લ્ડ કપમાં પોતાનો બીજો ગ્રુપ મેચ રમશે. આ મેચમાં ભારતનો મુકાબલો નેધરલેન્ડ્સ સામે થશે. લીડ્સના હેડિંગ્લી ક્રિકેટ ગ્રાઉન્ડ ખાતે રમાનારી આ મેચ ભારતીય સમય મુજબ સાંજે 7:00 કલાકે શરૂ થશે. ટીમ ઈન્ડિયા પોતાની સતત બીજી જીત પર નજર રાખશે, જેણે પહેલી મેચમાં પાકિસ્તાનને હરાવ્યું હતું.
આ પણ વાંચો : સારા સમાચાર : યુદ્ધ વિરામની વાત વચ્ચે ભારતમાં એક્સપોર્ટમાં થયો રેકોર્ડ વધારો
