અરવિંદ કેજરીવાલ અને મનીષ સિસોદિયાને HCની નોટિસ, જજ વિરુદ્ધ સોશિયલ મીડિયા કેમ્પેઇન ચલાવવાના મામલે કાર્યવાહી

Delhi High Court Notice Kejriwal: દિલ્હી એક્સાઇઝ પોલિસી (કથિત દારૂ કૌભાંડ) મામલે આમ આદમી પાર્ટી (AAP)ના ટોચના નેતૃત્વની મુશ્કેલીઓ વધી ગઈ છે. દિલ્હી હાઈકોર્ટની ડિવિઝન બેન્ચે AAPના રાષ્ટ્રીય સંયોજક અરવિંદ કેજરીવાલ, ભૂતપૂર્વ નાયબ મુખ્યમંત્રી મનીષ સિસોદિયા અને પાર્ટીના અન્ય વરિષ્ઠ નેતાઓને ફોજદારી અવમાનના (Criminal Contempt) મામલે કારણ બતાવો નોટિસ જારી કરી છે. અદાલતે અવમાનના કેસમાં તમામ નેતાઓને પોતાનો જવાબ દાખલ કરવા માટે ચાર અઠવાડિયાનો સમય આપ્યો છે. આ મામલાની આગામી સુનાવણી 4 ઓગસ્ટે થશે.

આ નોટિસ જસ્ટિસ સ્વર્ણકાંતા શર્મા દ્વારા શરૂ કરવામાં આવેલી સુઓમોટો કાર્યવાહી હેઠળ જારી કરવામાં આવી છે. તેમના પર આરોપ છે કે તેમણે દારૂ નીતિ કેસની સુનાવણી દરમિયાન જસ્ટિસ શર્મા અને ન્યાયપાલિકાની છબીને ખરડવા માટે સોશિયલ મીડિયા પર એક સુનિયોજિત અપમાનજનક અભિયાન ચલાવ્યું હતું.

Delhi HC issues notice to Kejriwal, Sisodia, other AAP leaders on contempt case over ‘vilifying’ social media posts against judge.

Contempt case: HC gives 4 weeks to Kejriwal, Sisodia and other AAP politicians to file their response; next hearing on August 4. pic.twitter.com/wHSZi45NPF

— Press Trust of India (@PTI_News) May 19, 2026

ડિવિઝન બેન્ચે નોટિસ આપી, AAP નેતાઓ પાસેથી માંગ્યો જવાબ

જસ્ટિસ સ્વર્ણકાંતા શર્મા દ્વારા મામલો રેફર કરવામાં આવ્યા બાદ, જસ્ટિસ નવીન ચાવલા અને જસ્ટિસ રવિન્દર દુડેજાની ડિવિઝન બેન્ચે આજે (19 મે 2026, મંગળવાર) આ ફોજદારી અવમાનના મામલે સુનાવણી કરી હતી. અદાલતે મામલાની ગંભીરતાને ધ્યાનમાં રાખીને અરવિંદ કેજરીવાલ, મનીષ સિસોદિયા, સંજય સિંહ અને સૌરભ ભારદ્વાજ સહિત તમામ નામાંકિત AAP નેતાઓને નોટિસ જારી કરીને જવાબ માંગ્યો છે.

ફોજદારી અવમાનનાની કાર્યવાહી કેમ શરૂ થઈ?

આ સમગ્ર વિવાદ ત્યારે શરૂ થયો હતો જ્યારે આબકારી નીતિ મામલે CBI અને EDની અરજીઓ પર સુનાવણી દરમિયાન જસ્ટિસ સ્વર્ણકાંતા શર્માએ પોતાને કેસમાંથી અલગ કરવાની AAP નેતાઓની માંગને નકારી કાઢી હતી. જસ્ટિસ શર્માનો આરોપ છે કે આ નિર્ણય બાદ AAPના નેતાઓ અને તેમની સોશિયલ મીડિયા વિંગે જજોની નિષ્પક્ષતા પર સવાલો ઉઠાવતા સોશિયલ મીડિયા પ્લેટફોર્મ્સ પર અત્યંત અપમાનજનક અને વાંધાજનક પોસ્ટ્સ શેર કરી હતી.

નોટિસમાં AAP ના આ 7 મોટા વ્યક્તિઓના નામ

હાઈકોર્ટ દ્વારા જારી કરાયેલી ફોજદારી અવમાનના નોટિસમાં પક્ષકારો તરીકે નામ આપવામાં આવેલા સાત અગ્રણી AAP નેતાઓમાં પાર્ટીના રાષ્ટ્રીય કન્વીનર અરવિંદ કેજરીવાલ, દિલ્હીના ભૂતપૂર્વ નાયબ મુખ્ય પ્રધાન મનીષ સિસોદિયા, રાજ્યસભાના સાંસદ સંજય સિંહ, દિલ્હી AAPના પ્રમુખ અને મંત્રી સૌરભ ભારદ્વાજ, ભૂતપૂર્વ ધારાસભ્ય દુર્ગેશ પાઠક, ભૂતપૂર્વ ધારાસભ્ય વિનય મિશ્રા અને પાર્ટીના સોશિયલ મીડિયા ઓપરેશન હેડ દેવેશ વિશ્વકર્માનો સમાવેશ થાય છે.

આ પણ વાંચો: રેપ કેસનો આરોપી જેલમાંથી છુટ્યો તો સમર્થકોએ ફુલહારથી સ્વાગત કર્યું