વિવાદિત ‘શીશ મહેલ’ બનશે ‘સ્ટેટ ગેસ્ટ હાઉસ’: કેજરીવાલના પૂર્વ નિવાસને માટે દિલ્હી સરકારનો નિર્ણય
નવી દિલ્હી: 4 ઓક્ટબર, 2025: Delhi News: દિલ્હીના પૂર્વ મુખ્યમંત્રી અરવિંદ કેજરીવાલ માટે તૈયાર કરાયેલા અને કથિત ભ્રષ્ટાચાર તથા ખર્ચાના આરોપોને કારણે લાંબા સમયથી વિવાદમાં રહેલા બંગલાને હવે સ્ટેટ ગેસ્ટ હાઉસ (રાજ્ય અતિથિ ગૃહ) માં બદલવાની યોજના બનાવી રહી છે. સરકારી અધિકારીઓના જણાવ્યા મુજબ, સિવિલ લાઇન્સ સ્થિત ફ્લેગસ્ટાફ રોડ નંબર-6 પરનો આ બંગલો હવે સામાન્ય લોકો માટે ખુલ્લો મુકાઈ શકે છે.
સામાન્ય જનતા માટે ખુલશે કાફેટેરિયા
સૂત્રો પાસેથી મળતી માહિતી મુજબ, આ બંગલામાં ટૂંક સમયમાં એક કાફેટેરિયા અથવા કેન્ટીન ખોલવામાં આવશે, જ્યાં અન્ય રાજ્યોના ભવનો (Bhawans)ની જેમ જ પરંપરાગત ભારતીય વાનગીઓ પીરસવામાં આવશે. આ કાફેટેરિયા સામાન્ય જનતા માટે પણ ખુલ્લું રહેશે.
મંત્રીઓ અને અધિકારીઓ માટે રહેવાની વ્યવસ્થા
એક વરિષ્ઠ અધિકારીએ જણાવ્યું કે, સરકાર આ બંગલાને સ્ટેટ ગેસ્ટ હાઉસ તરીકે વિકસાવવાની યોજનાના અંતિમ તબક્કામાં છે. હાલમાં આ બંગલો પૂર્વ મુખ્યમંત્રીના નિવાસ તરીકે ખાલી પડ્યો છે. યોજના હેઠળ અહીં પાર્કિંગ સ્પેસ, વેઇટિંગ હોલ અને અન્ય સુવિધાઓ પણ બનાવવામાં આવશે.
અધિકારીએ વધુમાં કહ્યું કે, અન્ય રાજ્ય અતિથિ ગૃહોની જેમ જ આ બંગલામાં પણ અધિકારીઓ અને મંત્રીઓ નિર્ધારિત શુલ્ક ચૂકવીને રોકાણ કરી શકશે. જોકે, આ પ્રસ્તાવને લાગુ કરતાં પહેલાં ઉચ્ચ સ્તરે અંતિમ મંજૂરી મેળવવાની બાકી છે. હાલમાં આ બંગલાની દેખરેખ માટે લગભગ 10 કર્મચારીઓનો સ્ટાફ તૈનાત છે, જે સફાઈ અને ઉપકરણોની જાળવણી કરે છે.
‘શીશ મહેલ’ વિવાદ અને CBI તપાસ
નોંધનીય છે કે આ એ જ બંગલો છે જે કેજરીવાલ સરકારના કાર્યકાળમાં મોંઘા નવીનીકરણ (Renovation) ને લઈને વિવાદોમાં આવ્યો હતો. વિપક્ષ, ખાસ કરીને ભાજપે, તેને ‘શીશ મહેલ’ કહીને નિશાન બનાવ્યો હતો.
કથિત ગેરરીતિની તપાસ
વર્ષ 2022માં લેફ્ટનન્ટ ગવર્નર વી.કે. સક્સેનાના નિર્દેશ પર દિલ્હી સરકારના વિજિલન્સ વિભાગે આ બંગલાના નવીનીકરણમાં કથિત ગેરરીતિઓ અને ખર્ચમાં વધારાની તપાસ શરૂ કરી હતી.
CBI કરી રહી છે તપાસ
વર્તમાનમાં આ મામલો CBI (Central Bureau of Investigation) ની તપાસ હેઠળ છે. આ તપાસ દિલ્હી વિધાનસભાના તત્કાલીન વિપક્ષના નેતા વિજેન્દર ગુપ્તાની ફરિયાદ પર શરૂ થઈ હતી. સરકારી સૂત્રોનું કહેવું છે કે બંગલાને જાહેર ઉપયોગમાં લેવાનો આ નિર્ણય વિવાદમાંથી મિલકતને ઉપયોગી બનાવવા તરફનું એક પગલું છે.
આ પણ વાંચોઃ પાકિસ્તાનમાં એક હિન્દુ વ્યક્તિને ઢાબા પર ખાવા બદલ બાંધીને ક્રૂરતા પૂર્વક માર માર્યો
આ પણ વાંચોઃ ‘ગોળી મારી દઇશ, કોઈ બચાવશે પણ નહીં…’ ભાજપ કાર્યકર્તાની રામલીલામાં દરમિયાન ગુંડાગીરી, પોલીસે કરી ધરપકડ
