CM વિજયે AIADMKના બાગી નેતાઓ સાથે કરી મુલાકાત: શું વિધાનસભાના ફ્લોર ટેસ્ટમાં બદલાઈ જશે ચિત્ર?
Tamil Nadu politics: તમિલનાડુમાં રાજકીય ગરમાવો તેજ બન્યો છે. અભિનેતામાંથી નેતા બનેલા વિજયે મુખ્યમંત્રી પદના શપથ લીધા બાદ હવે તેમની સરકાર બચાવવા અને મજબૂત કરવા માટે કવાયત શરૂ કરી છે. સૂત્રોના જણાવ્યા અનુસાર, મુખ્યમંત્રી વિજયે AIADMKના વરિષ્ઠ નેતા સી.વી. શણમુગમ અને અન્ય બાગી નેતાઓ સાથે મુલાકાત કરી છે. ચર્ચા છે કે AIADMKના અંદાજે 30 જેટલા ધારાસભ્યોએ ફ્લોર ટેસ્ટમાં વિજયની પાર્ટી TVKને સમર્થન આપવાનું એલાન કર્યું છે.
AIADMKના બાગી જૂથ સાથે વધતી નિકટતા
તમિલનાડુમાં પહેલીવાર ચૂંટણી મેદાનમાં ઉતરેલી વિજયની પાર્ટી TVKએ મોટી જીત મેળવી છે, જેનાથી DMK અને AIADMK જેવા વર્ષો જૂના પક્ષો પાછળ રહી ગયા છે. હવે મુખ્યમંત્રી વિજય દ્વારા AIADMKના બાગી જૂથ સાથે કરવામાં આવેલી મુલાકાતે વિપક્ષી છાવણીમાં ખળભળાટ મચાવી દીધો છે. સી.વી. શણમુગમ જેવા દિગ્ગજ નેતાનું વિજય સાથે દેખાવું એ સંકેત આપે છે કે આગામી ફ્લોર ટેસ્ટ હવે માત્ર એક ઔપચારિકતા બની શકે છે.
કોંગ્રેસ અને IUML મુખ્યાલયની મુલાકાત
ફ્લોર ટેસ્ટ પહેલા મુખ્યમંત્રી જોસેફ વિજયે IUML અને કોંગ્રેસના મુખ્યાલયની પણ મુલાકાત લીધી હતી. સરકાર રચવામાં સમર્થન આપવા બદલ વિજયે આ બંને પક્ષોનો આભાર માન્યો હતો. આ દરમિયાન તેમણે લઘુમતીઓના અધિકારોની રક્ષા માટેની પોતાની પ્રતિબદ્ધતા દોહરાવી હતી. IUMLના અધ્યક્ષ કે.એમ. કાદર મોહિદીને રાજ્યમાં 700 થી વધુ TASMAC દારૂની દુકાનો બંધ કરવાના વિજયના નિર્ણયને આવકાર્યો છે.
દાયકાઓ સુધી ચાલેલી દ્રવિડિયન રાજનીતિના ગઢમાં વિજયનો ઉદય એક મોટું પરિવર્તન માનવામાં આવે છે. વિજયે કોંગ્રેસના નેતાઓ સાથે પણ મુલાકાત કરીને ગઠબંધનને મજબૂત કરવાના પ્રયાસો કર્યા છે. જો AIADMKના 30 ધારાસભ્યોનું સમર્થન સાચું સાબિત થાય છે, તો વિજય સરકાર વિધાનસભામાં કોઈ પણ અવરોધ વગર પોતાનું બહુમત સાબિત કરી શકશે.
આ પણ વાંચોઃ GSTમાં છૂટની અસર થઈ રહી છે ખતમ ! મોંઘી થશે ગાડી, વધી શકે છે કિંમત
આ પણ વાંચોઃ Google Down: ગૂગલ ડાઉન થયું, સર્ચમાં આવી રહ્યો છે એરરનો મેસેજ
અમારી WhatsApp ચેનલમાં જોડાવા આ લિંક પર ક્લીક કરો
