BCCI Makes Changes To U-19 Team : ભારતની અંડર-19 ટીમ ઓસ્ટ્રેલિયા સામે ઘરઆંગણે શ્રેણી રમવાની છે. આ શ્રેણીમાં ODI અને મલ્ટી-ડે બંને ફોર્મેટમાં ભાગ લેશે. આ શ્રેણી માટે ટીમ ઈન્ડિયાની જાહેરાત પહેલાથી જ થઈ ચૂકી છે, જેમાં રાહુલ દ્રવિડના પુત્ર અન્વય અને વીરેન્દ્ર સેહવાગના પુત્ર આર્યવીરને પણ તક મળી છે. જોકે, BCCIએ હવે શ્રેણી શરૂ થાય તે પહેલાં ટીમમાં ફેરફાર કર્યા છે.

રોહિત યાદવ દ્રવિડ અને સેહવાગના પુત્રો સાથે નહીં રમે

BCCIએ રોહિત યાદવને ટીમમાંથી બહાર કરી દીધો છે. બંગાળના લેગ-સ્પિનરને તાજેતરમાં ઉંમરની છેતરપિંડીના દોષી ઠેરવવામાં આવ્યો હતો, જેના પરિણામે તેને U19 ટીમમાંથી બહાર કરવામાં આવ્યો હતો. આનો અર્થ એ થયો કે, રોહિત યાદવ હવે ઓસ્ટ્રેલિયા સામેની શ્રેણીમાં દ્રવિડ અને સેહવાગના પુત્રો સાથે ખભા મિલાવીને રમતા જોવા મળશે નહીં. BCCIએ તેની પ્રેસ રિલીઝમાં રોહિત વિશે માહિતી આપી હતી. રોહિત યાદવ શ્રીલંકાના પ્રવાસે ગયેલી U19 ટીમનો પણ ભાગ હતો, જ્યાં તેણે છ વિકેટ લીધી હતી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

BCCIએ રોહિતને હટાવ્યો, આ બે ખેલાડીઓને આપી તક

ઓસ્ટ્રેલિયા U19 સામેની ઘરઆંગણે શ્રેણી માટે, રોહિતને ODI અને મલ્ટી-ડે બંને ફોર્મેટમાં પસંદ કરવામાં આવ્યો હતો. જોકે, BCCIએ તેના સ્થાને સૌરાષ્ટ્રના આર્યન સવસાણીને ODI ટીમમાં સ્થાન આપ્યું છે. જ્યારે બહુ-દિવસીય શ્રેણી માટે તેના સ્થાને હરિયાણાના તન્મય બલોડાનો સમાવેશ કરવામાં આવ્યો છે.

BCCI બદલાયા બાદ ઓસ્ટ્રેલિયા શ્રેણીની ટીમ

ભારતની U19 ODI ટીમ: લક્ષ્ય રાયચંદાની (કેપ્ટન), યશવર્ધન ચૌહાણ (વાઈસ-કેપ્ટન), રજત બઘેલ, આર્યવીર સેહવાગ, વી.કે. વિનીત, કુશાગ્ર ઓઝા, અર્જુન રાજપૂત, મનલ ચૌહાણ, અન્વય દ્રવિડ, વી. યશવીર, શવિન વિનોદ, મોહિત ઉલવા, સી. વેંકટા, કાવ્યા પટેલ, આર્યન સવસાણી

ભારતની U19 મલ્ટી-ડે ટીમઃ યશવર્ધન ચૌહાણ (કેપ્ટન), લક્ષ્ય રાયચંદાની (વાઈસ-કેપ્ટન), સાગર વિર્ક, કુશાગ્ર ઓઝા, મનલ ચૌહાણ, કુશ પટેલ, અયાન અકરમ, માનવ ક્રિષ્ના, અભિપ્રાય બિસ્વાસ, ઈશાન ઓમ, પ્રણવ રાઘવેન્દ્ર, મોહનસિંહ ઉલ્લુ, અરવિંદ, મોહન સિંહ, બાવડા.

આ પણ વાંચો : ગિલે અભિષેકની ઓવરમાં ફટકાર્યા 2 છગ્ગા-1 ચોગ્ગો, છેલ્લા બોલે અભિષેકે લીધો બદલો