રથયાત્રા પહેલાં સતર્કતાઃ અમદાવાદ ક્રાઇમ બ્રાન્ચે બિશ્નોઇ ગેંગના સભ્યની કરી ધરપકડ

અમદાવાદઃ 18 જૂન, 2025: Ahmedabad Crime Branch Arrested Bishnoi Gang Member: અમદાવાદ ક્રાઈમ બ્રાન્ચે લોરેન્સ બિશ્નોઈ ગેંગના એક આરોપીની ધરપકડ કરી છે. રથયાત્રા પહેલા હાથ ધરવામાં આવેલા ખાસ સતર્કતા હેઠળ આરોપીની ધરપકડ કરવામાં આવી છે. આરોપી સામે પહેલાથી જ 12 ગુનાઈત કેસ નોંધાયેલા છે અને પોલીસ છેલ્લા બે વર્ષથી આર્મ્સ એક્ટના કેસમાં તેને શોધી રહી હતી.

પોલીસે હજુ સુધી આરોપીનું નામ જાહેર નથી કર્યું, પરંતુ તે કુખ્યાત બિશ્નોઈ ગેંગ સાથે સંકળાયેલો છે. રથયાત્રાની તૈયારીઓ દરમિયાન ખાસ દેખરેખ અભિયાન હેઠળ આરોપીની ધરપકડ કરવામાં આવી હતી. એવું કહેવામાં આવી રહ્યું છે કે, પોલીસને બાતમી મળી હતી કે લોરેન્સ બિશ્નોઈ ગેંગનો એક ગુનેગાર શહેરમાં ક્યાંક છુપાયેલો છે.

લોરેન્સ બિશ્નોઇ ગેંગનો સભ્ય ઝડપાયો

ધરપકડ બાદ તપાસમાં જાણવા મળ્યું કે આરોપી સુખદેવ ગોગામેદીની હત્યા અને તેના સંબંધિત કાવતરાના કેસમાં પહેલા પણ ઝડપાયો હતો. પોલીસ રેકોર્ડ મુજબ, તેની સામે અત્યાર સુધીમાં 12 ગુના નોંધાયા છે, જેમાંથી ઘણા ગંભીર પ્રકારના છે.

પોલીસનું કહેવું છે કે આરોપીની ધરપકડથી બિશ્નોઈ ગેંગની પ્રવૃત્તિઓ પર કાબૂ મેળવવામાં મદદ મળશે. આરોપીની પૂછપરછ કરવામાં આવી રહી છે અને તેના અન્ય સાથીઓ વિશે પણ માહિતી એકત્રિત કરવામાં આવી રહી છે.

અમદાવાદ પોલીસ સતર્ક

અમદાવાદ ક્રાઈમ બ્રાન્ચ રથયાત્રા પહેલા સુરક્ષા વ્યવસ્થા અંગે સતત સતર્ક છે અને શાંતિ ભંગ કરી શકે તેવા ગુનેગારો પર નજર રાખી રહી છે.

આ પણ વાંચોઃ ગુજરાત કેબિનેટ મીટિંગઃ વિજયભાઈ રૂપાણીને શ્રદ્ધાંજલિ આપતો શોક પ્રસ્તાવ પસાર કરાયો

આ પણ વાંચોઃ ગર્ભમાં બાળકનું મૃત્યુ, આંતરિક રક્તસ્ત્રાવ શરૂ પણ તબીબોની મહેનત રંગ લાવી, વાંચો ભુજની મહિલાને કેમ મળ્યું નવજીવન