અમદાવાદ: રેલવેમાં ગાર્ડની નોકરીની લાલચમાં 11 યુવાનો છેતરાયા

- મોબાઇલ બંધ કરીને આરોપી ગુમ થઇ ગયો હતો
- વટવા જીઆઇડીસી પોલીસે ગુનો નોંધ્યો
- પોલીસે આરોપીની શોધખોળ હાથ ધરી છે
દિલ્હી રેલવેમાં ઉચ્ચ અધિકારી હોવાની વાત કરીને રેલવેમાં ગાર્ડ તરીકેની નોકરી અપાવવાની લાલચ આપીને ૧૧ શ્રમજીવી યુવકો પાસેથી લોકો પાસેથી રૂપિયા ૬૧ હજાર પડાવી લીધા છે. દસ મહિના સુધી નોકરી આપવાની નહી અને મોબાઇલ બંધ કરીને આરોપી ગુમ થઇ ગયો હતો. વટવા જીઆઇડીસી પોલીસે ગુનો નોંધી આરોપીની શોધખોળ કાર્યવાહી હાથ ધરી છે.
યુવકો પાસેથી રૂપિયા પડાવી મોબાઇલ બંધ કર્યો અનેક લોકો સાથે ઠગાઇની શંકા
વિનોબાભાવેનગરમાં રહેતા અને રિક્ષા ડ્રાઇવિંગ કરીને પરિવારનું ગુજરાન ચલવાતા યુવકે વટવા જીઆઇડીસી પોલીસ સ્ટેશનમાં જયેશભાઇ સામે ફરિયાદ નોંધાવી છે કે ગત તા. ૧૫ જાન્યુઆરી ૨૦૨૫ના રોજ યુવક રાયપુરમાં તેના માસીના ઘરે ગયો હતો. ત્યારે તેમણે આરોપી તેમના સગા થાય છે અને તે રેલવે વિભાગમાં નોકરી કરતા હોવાથી તેમને નોકરી અપાવશે તેવી વાત કરી હતી.
૧૧ લોકોના ઓનલાઇન ૬૧ હજાર પેમેન્ટ કર્યા
યુવકે ફોન કરતા આરોપીએ પોતે દિલ્હી ખાતે રેલવેમાં ઉચ્ચ અધિકારી હોવાની વાત કરી હતી અને અભ્યાસ વિશે પૂછીને રેલવેમાં ગાર્ડ તરીકેની નોકરી રૂ. ૫૫૦૦માં અપાવવાની વાત કરીને ફોર્મ ભરી દઉ છું તેમજ યુવકના મિત્રોને જોઇતી હોય તો અપાવીશ તેમ કહ્યું હતું જેથી યુવકે તેના ૧૦ મિત્રોને આ અંગે જાણ કરી ૧૧ લોકોના ઓનલાઇન ૬૧ હજાર પેમેન્ટ કર્યા બાદ મિત્રોના ડોક્યુમેન્ટ મોકલી આપ્યા હતા. આરોપીએ ત્રણ દિવસમાં અમદાવાદ આવવાનું કહીને મોબાઇલ સ્વીચ ઓફ કરીને ઠગાઇ આચરી હતી. પોલીસે ગુનો નોંધી અનેક બેરોજગારો સાથે ઠગાઇની આશંકા આધારે તપાસ શરુ કરી છે.
આ પણ વાંચો: જુનાગઢ: ગિરનાર લીલી પરિક્રમા મોકૂફ, છતાં ભાવિકોનું ઘોડાપૂર દર્શન માટે ઉમટી પડ્યું












