બોલિવૂડ અભિનેત્રી ઉર્વશી રૌતેલા સોશિયલ મીડિયા પર છવાયેલી રહે છે. તે હંમેશા કોઈને કોઈ કારણસર લોકોમાં ચર્ચાનો વિષય બની રહે છે. હાલમાં જ ઉર્વશી અમદાવાદ પહોંચી હતી. આ દરમિયાન તે શનિવારે ભારત અને પાકિસ્તાન વચ્ચેની મેચ જોવા માટે નરેન્દ્ર મોદી સ્ટેડિયમ પહોંચી હતી. જો કે આ દરમિયાન ઉર્વશી રૌતેલા અકસ્માતનો શિકાર બની હતી. ખરેખર, અભિનેત્રીએ નરેન્દ્ર મોદી સ્ટેડિયમમાં તેનો સોનાનો આઈફોન ગુમાવ્યો છે. અભિનેત્રીએ પોતે આ અંગેની માહિતી સોશિયલ મીડિયા પર આપી છે.
અભિનેત્રીએ Twitter ઉપર આ અંગે કરી અપીલ
ઉર્વશીએ તેના ઇન્સ્ટાગ્રામ પર એક પોસ્ટ શેર કરી છે. આ પોસ્ટમાં તેણે માહિતી આપી છે કે તેણે પોતાનો 24 કેરેટ સોનાનો આઈફોન ગુમાવ્યો છે. પોસ્ટ શેર કરતી વખતે અભિનેત્રીએ કેપ્શનમાં લખ્યું – મારો 24 કેરેટનો આઈફોન નરેન્દ્ર મોદી સ્ટેડિયમમાં ખોવાઈ ગયો છે. કૃપા કરીને જો કોઈને તે મળે, તો તરત જ સંપર્ક કરો. આ સાથે અભિનેત્રીએ X (Twitter) પર પણ આ માહિતી શેર કરી છે.
ઉર્વશી ભારત-પાક મેચમાં પહોંચી હતી
ઉલ્લેખનીય છે કે, ગઈકાલે સાંજે ભારત-પાકિસ્તાન મેચમાં ભારતની જીત બાદ અભિનેત્રીએ નરેન્દ્ર મોદી સ્ટેડિયમમાંથી એક વીડિયો પણ પોસ્ટ કર્યો હતો. આ દરમિયાન તે બ્લુ કલરના ટોપ અને જીન્સમાં ખૂબ જ સુંદર દેખાઈ રહી છે. આ દરમિયાન અભિનેત્રી ભારતની જીતનો આનંદ માણતી જોવા મળે છે.
