કાશ્મીરના ડોડામાં આતંકવાદીઓ સાથેની અથડામણમાં અધિકારી સહિત 4 જવાનો શહીદ

• રાષ્ટ્રીય રાઈફલ્સ અને જમ્મુ-કાશ્મીર પોલીસના સ્પેશિયલ ઓપરેશન ગ્રુપ દ્વારા સંયુક્ત કોર્ડન અને સર્ચ ઓપરેશન કરવામાં આવ્યું 

જમ્મુ-કાશ્મીર, 16 જુલાઇ: ડોડા જિલ્લાના જંગલ વિસ્તારમાં સોમવારે રાત્રે આતંકવાદીઓ અને સુરક્ષા દળો વચ્ચે અથડામણ થઈ હતી. આ અથડામણમાં અધિકારી સહિત 4 જવાનો શહીદ છે. મળતી માહિતી મુજબ, આ ઘટનાની જવાબદારી કાશ્મીર ટાઈગર્સે લીધી છે. અધિકારીઓએ જણાવ્યું કે, રાષ્ટ્રીય રાઈફલ્સ અને જમ્મુ-કાશ્મીર પોલીસના સ્પેશિયલ ઓપરેશન ગ્રુપના જવાનોએ બપોરે લગભગ 2.45 વાગ્યે દેસા ફોરેસ્ટ વિસ્તારમાં ધારી ગોટે ઉરબાગીમાં સંયુક્ત કોર્ડન અને સર્ચ ઓપરેશન શરૂ કર્યું હતું. આ પછી અથડામણ શરૂ થયું હતું.

Four Indian Army soldiers including an officer have been killed in action during an encounter with terrorists in the Doda area of Jammu and Kashmir. The operations are still going on. More details awaited: Defence officials https://t.co/N7qxseN5jh pic.twitter.com/5fePA8Mihd

— ANI (@ANI) July 16, 2024

ચાર જવાનો શહીદ થયા

મળતી માહિતી મુજબ, જમ્મુ અને કાશ્મીરના ડોડા જિલ્લામાં ભારે સશસ્ત્ર આતંકવાદીઓ સાથે ગોળીબારમાં ગંભીર રીતે ઘાયલ થયેલા એક અધિકારી સહિત ચાર સૈનિકોએ આજે મંગળવારે વહેલી સવારે તેમની ઇજાઓથી દમ તોડ્યો હતો. અથડામણ ત્યારે થઈ જ્યારે રાષ્ટ્રીય રાઈફલ્સ અને જમ્મુ અને કાશ્મીર પોલીસના સ્પેશિયલ ઓપરેશન ગ્રુપના જવાનોએ સોમવારે મોડી સાંજે ડોડા શહેરથી લગભગ 55 કિમી દૂર દેસા જંગલ વિસ્તારમાં ધારી ગોટે ઉરારબાગીમાં સંયુક્ત કોર્ડન અને સર્ચ ઓપરેશન શરૂ કર્યું, અધિકારીઓએ જણાવ્યું હતું.

આતંકવાદીઓ સાથે અથડામણ

અધિકારીએ કહ્યું કે, થોડીક ગોળીબાર બાદ આતંકવાદીઓએ ભાગવાનો પ્રયાસ કર્યો પરંતુ એક અધિકારીની આગેવાની હેઠળના બહાદુર સૈનિકોએ પડકારરૂપ વિસ્તાર અને વૃક્ષોના ગાઢ આવરણ હોવા છતાં તેમનો પીછો કર્યો. આ પછી રાત્રે 9 વાગ્યાની આસપાસ જંગલમાં વધુ એક ગોળીબાર થયો હતો. અથડામણમાં પાંચ સૈનિકો ગંભીર રીતે ઘાયલ થયા હતા અને તેમાંથી ચાર અધિકારી સહિત ચાર જવાનોએ બાદમાં દમ તોડી દીધો હતો.

આ પણ જૂઓ: CM કેજરીવાલના PA બિભવ કુમાર સામેના કેસમાં 1000 પેજની ચાર્જશીટ તૈયાર