કારતક વદમાં આવતી ઉત્પન્ના એકાદશી ક્યારે? જાણો પૂજાનું મુહૂર્ત
- ધાર્મિક માન્યતાઓ અનુસાર જે વ્યક્તિ કારતક વદમાં આવતી ઉત્ત્પન્ના એકાદશીનું વ્રત કરે છે તેની બધી મનોકામનાઓ પૂર્ણ થાય છે
HD ન્યુઝ ડેસ્કઃ કારતક મહિનાના કૃષ્ણ પક્ષની એકાદશી તિથિ ઉત્પન્ના એકાદશી અથવા તો ઉત્પતિ એકાદશી તરીકે ઓળખાય છે. આ વર્ષે આ તારીખ 26 નવેમ્બર 2024 મંગળવારના રોજ આવી રહી છે. આ દિવસે ભગવાન વિષ્ણુની વિધિ-વિધાનથી પૂજા કરવામાં આવે છે. ધાર્મિક માન્યતાઓ અનુસાર ઉત્પન્ના એકાદશીના દિવસે જે પણ આ વ્રત કરે છે તેની બધી મનોકામનાઓ પૂર્ણ થાય છે. જાણો ઉત્પન્ના એકાદશીનો શુભ સમય અને પૂજા પદ્ધતિ
ઉત્પન્ના એકાદશીનું શુભ મુહૂર્ત
પંચાંગ અનુસાર કારતક માસના કૃષ્ણ પક્ષની એકાદશી તિથિ 26 નવેમ્બરના રોજ સવારે 01.01 કલાકે શરૂ થશે. તે જ સમયે બીજા દિવસે 27 નવેમ્બરના રોજ સવારે 03:47 વાગ્યે સમાપ્ત થશે. ઉદયાતિથિને ધ્યાનમાં રાખીને 26 નવેમ્બરે ઉત્પન્ના એકાદશી વ્રત રાખવામાં આવશે. ઉપવાસ તોડવાનો સમય 27મી નવેમ્બરે બપોરે 1:12 વાગ્યાથી શરૂ થશે અને બપોરે 3:18 વાગ્યે સમાપ્ત થશે.
ઉત્પન્ના એકાદશીની પૂજાવિધિ
ઉત્પન્ના એકાદશીના દિવસે સૌ પ્રથમ સ્નાન વગેરે કર્યા પછી ઘરના મંદિરની સફાઈ કરવી. ત્યારબાદ વિષ્ણુ ભગવાનનો પંચામૃત અને ગંગા જળથી અભિષેક કરો. હવે ભગવાનને પીળા ચંદન અને પીળા ફૂલ ચઢાવો. મંદિરમાં ભગવાનની સામે ઘીનો દીવો પણ પ્રગટાવો. આ પછી ઉપવાસની પ્રતિજ્ઞા લો.
હવે ઉત્પન્ના એકાદશીની વ્રત કથાનો પાઠ કરો અને ‘ઓમ નમો ભગવતે વાસુદેવાય’ મંત્રનો જાપ કરો. હવે વિષ્ણુ ભગવાન અને લક્ષ્મીજીની આરતી કરો. ભોગના ભાગરૂપે ભગવાનને તુલસીના પાન ચઢાવો. અંતમાં પૂજા દરમિયાન અજાણતા થયેલી ભૂલો માટે ક્ષમા માંગો.
આ પણ વાંચોઃ ઘરની નેગેટિવ એનર્જી ઘટાડવા માટે આ પ્લાન્ટ લગાવો, થશે ફાયદો
આ પણ વાંચોઃ અયોધ્યામાં રામના વિવાહોત્સવની ભવ્ય તૈયારીઓ, આજનો દિવસ એકદમ ખાસ; જાણો આખો પ્રોગ્રામ
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
