વૈશાખની અમાસ પર સ્નાન-દાનનું શું છે મહત્ત્વ? જાણો મુહૂર્ત
- અમાવસ્યા તિથિએ પિતૃઓ માટે પિંડદાન, શ્રાદ્ધ અને તર્પણ વગેરે કરવામાં આવે છે. એવું માનવામાં આવે છે કે આ દિવસે આમ કરવાથી પૂર્વજો પ્રસન્ન થાય છે
HD ન્યુઝ ડેસ્કઃ અમાસની તિથિનું હિન્દુ ધર્મમાં વિશેષ મહત્ત્વ છે. સનાતન ધર્મમાં દર મહિને અમાવસ્યા તિથિ આવે છે પરંતુ વૈશાખ મહિનાની અમાસ ખાસ માનવામાં આવે છે. અમાવસ્યા તિથિએ પિતૃઓ માટે પિંડદાન, શ્રાદ્ધ અને તર્પણ વગેરે કરવામાં આવે છે. એવું માનવામાં આવે છે કે આ દિવસે આમ કરવાથી પૂર્વજો પ્રસન્ન થાય છે અને સુખ, સમૃદ્ધિ અને સંતાન સુખના આશીર્વાદ આપે છે. વૈશાખ અમાવસ્યા પર, પવિત્ર નદીમાં સ્નાન અને દાન કરવાનું પણ ખાસ મહત્વ છે. આ વર્ષે વૈશાખ અમાસ 27 એપ્રિલે છે. વૈશાખ અમાસ પર સ્નાન અને દાન માટે શુભ મુહૂર્ત અને ઉપાય જાણો
વૈશાખ અમાસ ક્યારે શરૂ થશે?
વૈશાખ અમાસ 27 એપ્રિલ 2025ના રોજ સવારે 04:49 વાગ્યે શરૂ થશે અને 28 એપ્રિલ 2025ના રોજ સવારે 01 વાગ્યે સમાપ્ત થશે.
વૈશાખ અમાસનો સ્નાન-દાનનો સમય
વૈશાખ અમાસ પર, સ્નાન-દાન માટેનું બ્રહ્મ મુહૂર્ત સવારે 04:17 થી 05 વાગ્યા સુધીનું રહેશે. અભિજીત મુહૂર્ત સવારે 11.53 થી બપોરે 12.45 સુધી રહેશે. સવારે 05:44 વાગ્યાથી સર્વાર્થ સિદ્ધિ યોગ દિવસભર રહેશે.
વૈશાખ અમાવસ્યાના ઉપાયો
- અમાસના દિવસે આર્થિક સ્થિતિ મજબૂત કરવા માટે, વ્યક્તિએ તુલસીની માળાનો ઉપયોગ કરીને 108 વખત ગાયત્રી મંત્રનો જાપ કરવો જોઈએ.
- સાંજે પીપળાના ઝાડ નીચે તલના તેલનો દીવો પ્રગટાવવો જોઈએ.
- નકારાત્મકતા દૂર કરવા માટે, પાણીમાં મીઠું ભેળવીને ફ્લોર સાફ કરવો જોઈએ.
- જીવનમાં સુખ અને શાંતિ મેળવવા માટે, અમાસના દિવસે ગાયોની સેવા કરવી જોઈએ.
- અમાસના દિવસે ગરીબ અને જરૂરિયાતમંદ લોકોને મદદ કરવી જોઈએ.
આ પણ વાંચોઃ હવે ઓફિસમાં આવો અને કામ કરો, ફ્લિપકાર્ટે વર્ક ફ્રોમ હોમનો ઓપ્શન ખતમ કર્યોં
