ટોપ ન્યૂઝટ્રેન્ડિંગનેશનલબિઝનેસ

ડિજીટલ ગોલ્ડ ખરીદવાની શું છે યોગ્ય રીત, SEBIની ચેતવણી બાદ વધી ચિંતા, જાણો સુરક્ષિત વિકલ્પ

નવી દિલ્હી, 24 નવેમ્બર, 2025: NPCIના અનુસાર પેટીએમ, ફોનપે, એમેજોન અને ગૂગલ જેવી પેમેન્ટ એપ્સ દ્વારા વેચવામાં આવી રહેલા ડિજીટલ ગોલ્ડમાં ભારે વૃદ્ધિ થઇ છે. ચાલુ વર્ષે જાન્યુઆરીમાં 762 કરોડ રૂપિયાથી વધીને ઓક્ટોબરમાં તે 2,290 કરોડ રૂપિયા સુધી પહોંચી ગયુછે. સોનાની ખરીદી લેવડદેવજની સંખ્યા પણ સપ્ટેમ્બરમાં 10.3 કરોડથી વધીને રૂ. 11.6 કરોડની થઇ ગઇ છે.

પરંતુ સેબીના તાજેતરના નિવદનથી રોકાણકારોની ચિંતા વધી છે. જે અનેક લોકો માટે ચેતવણી સમાન છે. ડિજીટલ ગોલ્ડ સાથે સંકળાયેલી સુરક્ષા, રેગ્યુલેશન અને લાંબા ગાળાની વિશ્વસનીયતાને લઇને સવાલો ઉઠ્યા છે.

ડિજિટલ સોનું શું છે?

Paytm, PhonePe અને Google Pay જેવા ઓનલાઈન પ્લેટફોર્મ ડિજિટલ સોનાની ખરીદી અને વેચાણ ઓફર કરે છે. સોનું ફક્ત એક રૂપિયામાં ખરીદી શકાય છે.

તે કેવી રીતે કાર્ય કરે છે?

અધિકૃત આયાતકારો અથવા સપ્લાયર્સ ફિઝીકલ સોનું ખરીદે છે અને તેને સુરક્ષિત, વીમાકૃત તિજોરીઓમાં સંગ્રહિત કરે છે. Paytm, PhonePe અને Google Pay જેવી ફિનટેક કંપનીઓ મોબાઇલ એપ્લિકેશન્સ દ્વારા ડિજિટલ રીતે સોનું વેચવા માટે આ સપ્લાયર્સ સાથે ભાગીદારી કરે છે. જ્યારે કોઈ ડિજિટલ સોનું ખરીદે છે, ત્યારે પ્લેટફોર્મ તેમના નામે 24-કેરેટ સોનાનો જથ્થો ફાળવે છે.

SEBI શેનાથી ડરે છે?

ડિજિટલ સોનાની ખરીદી અને વેચાણ SEBI અથવા RBI જેવા કોઈપણ નિયમનકાર દ્વારા સીધા નિયંત્રિત નથી. તે જ્વેલર્સ અથવા મેટલ ટ્રેડર્સ સાથે ભાગીદારી કરતા ફિનટેક પ્લેટફોર્મ દ્વારા વેચવામાં આવે છે. જો વેચાણ પ્લેટફોર્મ અથવા ભાગીદાર કંપની નાદાર થઈ જાય છે, તો તમારા સોનાની સલામતી માટે કોઈ સ્પષ્ટ કાનૂની રક્ષણ નથી.

હવે કયા વિકલ્પો છે?

સોનામાં રોકાણ કરવા માટેનો શ્રેષ્ઠ વિકલ્પ ગોલ્ડ એક્સચેન્જ-ટ્રેડેડ ફંડ્સ (ETFs) છે. આ મ્યુચ્યુઅલ ફંડ યોજનાઓ છે જે ફિઝીકલ સોનાની કિંમતને ટ્રેક કરે છે. તેમનું ટ્રેડિંગ સ્ટોક એક્સચેન્જ પર થાય છે અને SEBI દ્વારા નિયંત્રિત થાય છે. તેમને ડીમેટ ખાતામાં ઇલેક્ટ્રોનિક એકમો તરીકે રાખવામાં આવે છે, જે પારદર્શિતા અને રોકાણકારોની સુરક્ષા સુનિશ્ચિત કરે છે.

ગોલ્ડ મ્યુચ્યુઅલ ફંડ્સ બીજો વિકલ્પ છે. તેઓ ગોલ્ડ ETF અથવા સોનાના ખાણકામ અને રિફાઇનિંગમાં રોકાયેલી કંપનીઓમાં રોકાણ કરે છે. આ એવા રોકાણકારો માટે આદર્શ છે જેમની પાસે ડીમેટ ખાતું નથી પરંતુ ડિજિટલ સોનામાં રોકાણ કરવા માંગે છે.

આ પણ વાંચોઃ 24 નવેમ્બર, 2025: મીન રાશિના લોકો પારિવારિક જીવનમાં સહયોગ અને સંવાદ જાળવી રાખે

Back to top button