બિહારમાં મોહરમ જુલુસ દરમિયાન બબાલઃ મહાવીર મંદિર પાસે થયો પથ્થરમારો

બિહારઃ 6 જુલાઈ, 2025: Bihar Muharram Conflict: બિહારના કટિહાર જિલ્લાના નગર પોલીસ સ્ટેશન વિસ્તારમાં રવિવારે (6 જુલાઈ) મોહરમના જુલુસ દરમિયાન અચાનક તણાવ ઊભો થયો હતો. જુલુસ દરમિયાન કેટલાક અસામાજિક તત્ત્વોએ મહાવીર મંદિર પાસે પથ્થરમારો કર્યો હતો. એટલું જ નહીં, રસ્તાની કિનારે ઊભેલા લોકો પર પણ પથ્થરમારો કરવામાં આવ્યો હતો, જેના કારણે અરાજકતા ફેલાઈ હતી.

પોલીસે સ્થિતિ કાબૂમાં લીધી

પ્રત્યક્ષદર્શીઓના જણાવ્યા અનુસાર, પથ્થરમારા ઉપરાંત, નજીકમાં પાર્ક કરેલી બાઇકોને પણ નિશાન બનાવવામાં આવી હતી અને તોડફોડ કરવામાં આવી હતી. હુમલા બાદ, પોલીસ અને વહીવટીતંત્રની ટીમ ઘટનાસ્થળે પહોંચી હતી અને પરિસ્થિતિને કાબૂમાં લીધી હતી.

ઘટનાની પુષ્ટિ કરતા બજરંગ દળના જિલ્લા સંયોજક પવન પોદ્દારે જણાવ્યું હતું કે, આ એક સુનિયોજિત હુમલો હતો અને મંદિરને નિશાન બનાવવામાં આવ્યું હતું. તેમણે વહીવટીતંત્ર પાસેથી કડક કાર્યવાહીની માંગ કરી છે.

પૂર્વ નાયબ મુખ્યમંત્રીએ કરી ટીકા

ઘટનાની ગંભીરતાને જોઈને, પૂર્વ નાયબ મુખ્યમંત્રી અને કટિહાર સદર ધારાસભ્ય તારકિશોર પ્રસાદે એક નિવેદન બહાર પાડીને આ ઘટનાની સખત નિંદા કરી છે. તેમણે કહ્યું કે, ‘મહાવીર મંદિર જેવા ધાર્મિક સ્થળ પર હુમલો કરવો અસહ્ય છે, ગુનેગારો સામે કડક કાર્યવાહી થવી જોઈએ.’

હાલમાં, કટિહાર પોલીસ સમગ્ર વિસ્તારમાં પેટ્રોલિંગ કરી રહી છે અને તણાવને ધ્યાનમાં રાખીને, વધારાના ટીમ તૈનાત કરવામાં આવી છે. વહીવટીતંત્રે કહ્યું કે, આ મામલાની તપાસ શરૂ કરવામાં આવી છે અને સીસીટીવી ફૂટેજના આધારે અસામાજિક તત્ત્વોની ઓળખ કરવામાં આવી રહી છે.

આ પણ વાંચોઃ આ બેંકો FD પર આપી રહી છે 8.30% સુધી વ્યાજ, જાણો 10 મોટી બેંકો વિશે

આ પણ વાંચોઃ સુરક્ષિત રીતે પૈસા ડબલ કરવા છે, તો આજે જ આ સરકારી યોજનામાં કરો રોકાણ