Air India: યુદ્ધ વચ્ચે એર ઇન્ડિયાનો મોટો નિર્ણય, દુબઈ જતા મુસાફરો ખાસ વાંચે

Air India Flight Cancelled: મધ્ય પૂર્વમાં ઘેરાતાં યુદ્ધના વાદળોએ આંતરરાષ્ટ્રીય હવાઈ ટ્રાફિકને ગંભીર અસર કરી છે. ઘણા દેશો દ્વારા તેમના હવાઈ ક્ષેત્ર પર બંધ અથવા પ્રતિબંધો લાદવાથી સમગ્ર વૈશ્વિક ફ્લાઇટ શેડ્યૂલ ખોરવાઈ ગયું છે. સંયુક્ત આરબ અમીરાત (UAE) એરપોર્ટ ઓથોરિટી દ્વારા જાહેર કરાયેલા નવા નિર્દેશોએ એર ઇન્ડિયા અને એર ઇન્ડિયા એક્સપ્રેસ ફ્લાઇટ્સને પણ ભારે અસર કરી છે.

#ImportantUpdate

In view of the latest instructions from Airport Authorities in the UAE, Air India and Air India Express are compelled to curtail their ad‑hoc operations for 15 March 2026.

For details read: https://t.co/jV0rbj8wIR

— Air India (@airindia) March 14, 2026

આજે (15 માર્ચ, 2026) નિર્ધારિત ઘણી એડ-હોક ફ્લાઇટ્સ રદ કરવામાં આવી છે, જેના કારણે ભારત અને UAE વચ્ચે મુસાફરી કરી રહેલા સેંકડો મુસાફરો અટવાઈ ગયા છે. એર ઇન્ડિયાએ સ્પષ્ટતા કરી છે કે દુબઈ એરપોર્ટ ઓથોરિટીના નિર્દેશોને કારણે તેને તેની ફ્લાઇટ્સ ઘટાડવાની ફરજ પડી છે. દિલ્હી-દુબઈ રૂટ પર ફક્ત એક જ રિટર્ન ફ્લાઇટ કાર્યરત થશે, જ્યારે તેની પાંચ શેડ્યૂલ ફ્લાઇટ્સમાંથી ચાર રદ કરવામાં આવી છે.

એર ઇન્ડિયા એક્સપ્રેસની દુબઈ જતી 6 ફ્લાઇટ્સમાંથી પાંચ રદ કરવામાં આવી છે, અને ફક્ત એક જ દિલ્હી-દુબઈ રિટર્ન ફ્લાઇટ કાર્યરત રહેશે. અબુ ધાબી જતી પાંચ પણ એર ઇન્ડિયા એક્સપ્રેસ ફ્લાઇટ્સ રદ કરવામાં આવી છે. શારજાહ, એર ઇન્ડિયા એક્સપ્રેસ દિલ્હી, કન્નુર, કોચી, કોઝિકોડ, મુંબઈ અને તિરુવનંતપુરમ માટે ફ્લાઇટ્સ સંચાલિત કરવાની યોજના છે. રાસ અલ ખૈમાહ, કોઝિકોડ અને કોચી માટે ફ્લાઇટ્સ કાર્યરત રહેશે.

કંપનીએ સ્પષ્ટતા કરી કે આ ફ્લાઇટ્સ સ્લોટની ઉપલબ્ધતા અને સંચાલનની સ્થિતિ પર પણ આધાર રાખશે. મુસાફરોને એરપોર્ટ છોડતા પહેલા તેમની ફ્લાઇટ સ્ટેટ્સ જરુરથી ચેક કરે જેથી કરીને મુશ્કેલી ન પડે.

આ પણ વાંચો : ગેસ સંકટ વચ્ચે સરકારનો ધડાકો, હવે આ લોકોને LPG નહીં મળે!