સ્વતંત્રતા દિવસની ઉજવણી: સુરતમાં આવતીકાલે ભવ્ય તિરંગા યાત્રા યોજાશે
સુરત, તા. 9 ઓગસ્ટ, 2025: સ્વતંત્રતા દિવસ 2025 નિમિત્તે સુરત મહાનગરપાલિકા દ્વારા એક ભવ્ય તિરંગા યાત્રાનું આયોજન કરવામાં આવ્યું છે. આ યાત્રા રવિવારે સાંજે 6 વાગ્યે સુરત-ડુમસ રોડ પરના વાય જંક્શનથી શરૂ થશે અને લાલભાઈ કોન્ટ્રાક્ટર સ્ટેડિયમ સુધી જશે. આ યાત્રાનો મુખ્ય હેતુ દેશભક્તિની ભાવનાને ઉજાગર કરવાનો છે.
કોણ કોણ જોડાશે?
🇮🇳 Har Ghar Tiranga Yatra 2025 🇮🇳
Date: 10th August 2025 @ 6:00 pm
Venue: Y Junction, Dumas RoadThe spirit of unity. The colours of pride. The heartbeat of our nation.
Last year, thousands came together to paint Surat in the tricolour – this year, let’s make it even bigger!… pic.twitter.com/93saEt1pKH
— My Surat (@MySuratMySMC) August 9, 2025
આ કાર્યક્રમમાં મુખ્ય પ્રધાન ભૂપેન્દ્ર પટેલ, પ્રદેશ ભાજપ પ્રમુખ સી.આર. પાટીલ, ગૃહ રાજ્યપ્રધાન હર્ષ સંઘવી અને અન્ય નેતાઓ હાજર રહેશે. આ યાત્રામાં માત્ર રાજકીય નેતાઓ જ નહીં, પરંતુ સમાજના દરેક વર્ગના લોકો, વિવિધ રાજ્યો અને ધર્મના લોકો, અને ઉદ્યોગપતિઓ પણ જોડાશે. આ યાત્રા ‘એક ભારત, શ્રેષ્ઠ ભારત’ની ભાવનાને સાકાર કરશે.
યાત્રામાં શું ખાસ હશે?
કાર્નિવલ જેવો માહોલ: આ યાત્રા માત્ર એક કાર્યક્રમ નહીં, પરંતુ એક ઉત્સવ જેવો માહોલ સર્જશે.
વિવિધ બેન્ડ અને ટેબ્લો: યાત્રામાં 20 જેટલા બેન્ડ, કલાકારો અને રંગબેરંગી ટેબ્લો જોડાશે, જે દેશભક્તિના ગીતો અને પ્રદર્શનથી વાતાવરણને ઉત્સાહથી ભરી દેશે.
સાંસ્કૃતિક ઝાંખી: યાત્રાના રૂટ પર 12 જેટલા સ્ટેજ પર અલગ-અલગ રાજ્યોની સંસ્કૃતિ રજૂ કરવામાં આવશે.
દોઢ કિલોમીટરનો તિરંગો: પાલિકાના માર્શલ પગપાળા દોઢ કિલોમીટર લાંબો તિરંગો લઈને ચાલશે, જે એક અનોખો રેકોર્ડ હશે.
આ યાત્રામાં 50,000 થી વધુ લોકો જોડાવાનો અંદાજ છે, જે સુરત માટે ગૌરવપૂર્ણ ક્ષણ હશે.
આ પણ વાંચોઃ‘જગદીપ ધનખર ક્યાં છે, શું તે સુરક્ષિત છે? તેમનો સંપર્ક થઈ શકતો નથી’, કપિલ સિબ્બલે પ્રશ્ન પૂછ્યો












