કડકડતી ઠંડીમાં પણ ગરમ રહે છે ભારતની આ જગ્યાઓ, આ મહિનાઓ ટ્રિપ માટે છે પરફેક્ટ ડેસ્ટિનેશન

• જો તમે આ શિયાળાની સીઝનમાં ક્યાંક હુંફાળા સ્થળોએ ફરવા જવા ઈચ્છતા હો તો ભારતના કેટલાક સૌથી ગરમ સ્થળોએ વેકેશન માણવાનું વિચારો

HD ન્યુઝ ડેસ્કઃ જાન્યુઆરી અને ફેબ્રુઆરીમાં સારી એવી ઠંડી હોય છે, જે ઘણા લોકોને ગમતી નથી. ઘણા લોકો શિયાળાના શોખીન હોય છે, જ્યારે કેટલાકને શિયાળાની ઋતુ નાપસંદ હોય છે. કડકડતી ઠંડીમાં કામ પર જવું અને ઉપરાઉપરી કપડાં પહેરવા એ ઘણા માટે પસંદગીનો વિષય નછી. જો તમે આ શિયાળાની સીઝનમાં ક્યાંક હુંફાળા સ્થળોએ ફરવા જવા ઈચ્છતા હો તો ભારતના કેટલાક સૌથી ગરમ સ્થળોએ વેકેશન માણવાનું વિચારો. અહીંનું તાપમાન 25 ડિગ્રીથી ઉપર રહે છે, તમે શાલ કે સ્વેટરની વગર અહીં આરામથી ફરી શકો છો. જાણો ભારતના આવા સ્થળો વિશે. perfect destination for a trip

1. ગોવા

જાન્યુઆરી અને ફેબ્રુઆરી દરમિયાન ગોવાનું હવામાન ખુશનુમા રહે છે. આ ઋતુ દરમિયાન ઘણા લોકો ગોવાની મુલાકાત લે છે અને દરિયાકિનારા પર કલાકો સુધી આરામ કરે છે. આ સમય દરમિયાન ગોવામાં તાપમાન 25 થી 30 ડિગ્રી સેલ્સિયસની વચ્ચે રહે છે. આ જ કારણ છે કે લોકો નવા વર્ષની પૂર્વ સંધ્યાની ઉજવણી કરવા માટે ગોવાની મુલાકાત લે છે.

2. મુંબઈ

મુંબઈ પણ સતત ગરમ રહે છે. અહીં તમારે શાલ કે સ્વેટર પહેરવાની જરૂર રહેશે નહીં. જો તમે જાન્યુઆરી-ફેબ્રુઆરીની ઠંડીથી બચવા માંગતા હો, તો મુંબઈની મુલાકાત લેવાનું વિચારો. મુંબઈના મરીન ડ્રાઇવ અથવા જુહુ બીચ પર બેસીને હવામાનનો આનંદ માણવો ખૂબ જ આરામદાયક રહેશે. તમે મુંબઈના સુંદર સ્થળો અને ખરીદીનો પણ આનંદ માણી શકો છો.

૩. પુડુચેરી

જાન્યુઆરી અને ફેબ્રુઆરી દરમિયાન પુડુચેરીમાં હવામાન ખૂબ જ સુખદ હોય છે. અહીં તાપમાન 18 થી 22 ડિગ્રી સેલ્સિયસની વચ્ચે હોય છે, જે દિવસને આરામદાયક બનાવે છે. દરિયાકાંઠાનો વિસ્તાર હોવાથી, સવારે અને સાંજે થોડો ભેજ હોય ​​છે.

4. લક્ષદ્વીપ

જો તમે ફેમિલી ટ્રિપનું આયોજન કરી રહ્યા છો, તો લક્ષદ્વીપનો વિચાર કરો. અહીંનું પાણી અને હવામાન એકદમ સ્વચ્છ છે અને ઉનાળો હળવો છે. તમે લક્ષદ્વીપમાં અગાત્તી, બંગારમ, કાવરત્તી, મિનિકોય અને કદમત જેવા સુંદર દ્વીપ પર ફરવાનો આનંદ માણી શકો છો. આ ટાપુઓની મુલાકાત લેવી એ દરેકનું સ્વપ્ન છે, તેથી એક વખત અહીં જરૂર જવું જોઈએ.

5. ગોકર્ણ

કર્ણાટકના ગોકર્ણમાં પણ 26 ડિગ્રી સેલ્સિયસ તાપમાન રહે છે અને તમારે અહીં સ્વેટર કે જેકેટ પહેરવાની જરૂર રહેશે નહીં. ગોકર્ણમાં તમે ઓમ બીચ, કુડલે બીચ અને ગોકર્ણ બીચની મુલાકાત લઈ શકો છો. તમે વિવિધ રમતગમતની પ્રવૃત્તિઓમાં પણ ભાગ લઈ શકો છો અને ખરીદી અને ભોજનનો આનંદ માણવાનું ભૂલશો નહીં.

આ પણ વાંચોઃ દક્ષિણ ભારતના આ શહેરમાં છે છુપો ખજાનો, તેને કહેવાય છે ‘ઈલાયચીની રાજધાની’