પૈતૃક સંપત્તિ મામલે સૈફ અલી ખાનને મોટી રાહતઃ સુપ્રીમ કોર્ટે હાઇકોર્ટના આદેશ પર લગાવી રોક
નવી દિલ્હીઃ 8 ઓગસ્ટ, 2025: Supreme Court: સુપ્રીમ કોર્ટે એક્ટર સૈફ અલી ખાનના પૂર્વજ અને ભોપાલના છેલ્લા શાસક નવાબ હમીદુલ્લા ખાનની મિલકત સંબંધિત જૂના વિવાદમાં હસ્તક્ષેપ કર્યો છે. સુપ્રીમ કોર્ટે મધ્ય પ્રદેશ હાઈકોર્ટના આદેશ પર વચગાળાનો સ્ટે મૂક્યો છે, જેમાં કેસને નવા નિર્ણય માટે ટ્રાયલ કોર્ટમાં પાછો મોકલવામાં આવ્યો હતો.
શું હતો કેસ?
જસ્ટિસ પી.એસ. નરસિમ્હા અને જસ્ટિસ અતુલ ચંદુરકરની ખંડપીઠે નવાબના મોટા ભાઈના વારસદારો ઉમર અને રાશિદ અલી દ્વારા દાખલ કરવામાં આવેલી અરજી પર નોટિસ જાહેર કરી હતી. આ અરજીમાં મધ્ય પ્રદેશ હાઈકોર્ટના 30 જૂન, 2025ના આદેશને પડકારવામાં આવ્યો હતો.
સુપ્રીમ કોર્ટનો વચગાળાનો સ્ટે
હાઈકોર્ટે પોતાના નિર્ણયમાં 14 ફેબ્રુઆરી, 2000ના રોજ આપેલા ટ્રાયલ કોર્ટના નિર્ણયને રદ કર્યો હતો. ટ્રાયલ કોર્ટે નવાબની પુત્રી સાજિદા સુલતાન અને તેમના પુત્ર મન્સૂર અલી ખાન (જે હવે આ દુનિયામાં નથી) તેમજ તેમના વારસદારો – સૈફ અલી ખાન, સોહા અલી ખાન, સબા સુલતાન અને શર્મિલા ટાગોરના મિલકત પરના વિશિષ્ટ અધિકારોને સમર્થન આપ્યું હતું. સુપ્રીમ કોર્ટના આ વચગાળાના સ્ટે પછી, કેસ હવે નવી દિશા લેશે.
આ પણ વાંચોઃ ‘પાયાવિહોણી અને જૂની પટકથા…’ રાહુલ ગાંધીના 5 સવાલ પર ચૂંટણી પંચનો વળતો જવાબ
આ પણ વાંચોઃ રક્ષાબંધનઃ મોટી બહેને ભાઈને બાંધ્યું અનોખું રક્ષાસૂત્ર, ભાઇને કિડની આપીને આપ્યું નવજીવન
