ઝારખંડમાં વિરોધ વચ્ચે રાહુલ ગાંધીનું મોટું નિવેદન, સરકારને આપી સલાહ

Jarkhand: લોકસભામાં વિપક્ષના નેતા રાહુલ ગાંધીએ ઝારખંડમાં JPSC-JSSC પરીક્ષામાં ગેરરીતિને લઈને વિરોધ પ્રદર્શન કરી રહેલા વિદ્યાર્થીઓ પર થયેલા લાઠીચાર્જને અયોગ્ય ગણાવ્યો હતો. રાહુલ ગાંધીએ કહ્યું કે સરકારે આ મુદ્દાનો તાત્કાલિક ઉકેલ લાવવો જોઈએ.

વિદ્યાર્થીઓ પર લાઠીચાર્જ કરાયો, અશ્રુવાયુ (ટીઅર ગેસ) ના ગોળા છોડાયા

ઝારખંડમાં વિદ્યાર્થીઓનું વિરોધ પ્રદર્શન વધુ ઉગ્ર બન્યું છે. સોમવારે હજારો વિદ્યાર્થીઓ ઝારખંડ વિધાનસભાનો ઘેરાવ કરવા માટે નીકળ્યા હતા. વિરોધ કરી રહેલા વિદ્યાર્થીઓ બેરિકેડ્સ તોડીને વિધાનસભા પરિસર તરફ આગળ વધી રહ્યા હતા. ત્યારબાદ પોલીસે તેમને રોકવા માટે અશ્રુવાયુ (ટીઅર ગેસ) ના ગોળા છોડ્યા હતા.

વિદ્યાર્થીઓ સામે બળપ્રયોગ કરવો અયોગ્ય

‘X’ (ટ્વિટર) પર રાહુલ ગાંધીએ લખ્યું કે, ઝારખંડમાં વિરોધ દર્શાવી રહેલા વિદ્યાર્થીઓ સામે બળપ્રયોગ કરવો ખોટો છે. વિદ્યાર્થીઓને શાંતિપૂર્ણ વિરોધ કરવાનો અધિકાર છે, અને વાતચીતથી જ ઉકેલ લાવી શકાય છે. ઝારખંડ સરકારે આ વિદ્યાર્થીઓની વાત સાંભળવી જોઈએ અને તેમની સમસ્યાઓનો તાત્કાલિક ઉકેલ લાવવો જોઈએ.

રાહુલ ગાંધીનું આ નિવેદન ત્યારે આવ્યું છે જ્યારે ભાજપ સતત તેમની ચુપકીદીને લઈને તેમની ટીકા કરી રહી હતી. ઉલ્લેખનીય છે કે ઝારખંડમાં JMM ની સરકાર છે, જે INDIA ગઠબંધનમાં કોંગ્રેસની સહયોગી પાર્ટી છે.

વિદ્યાર્થીઓ શા માટે કરી રહ્યા છે વિરોધ પ્રદર્શન?

ઝારખંડમાં વિદ્યાર્થીઓ ભરતી પ્રક્રિયામાં પારદર્શિતા, જવાબદેહી અને નિષ્પક્ષતાની માંગ કરી રહ્યા છે. તેમનો આક્ષેપ છે કે ભરતી પરીક્ષાઓમાં ગેરરીતિઓ થઈ છે. વિરોધ ઉગ્ર બનવાને કારણે વિસ્તારમાં કડક સુરક્ષા હોવા છતાં વિદ્યાર્થીઓ વિધાનસભા તરફ આગળ વધ્યા હતા.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

પ્રદર્શનકારીઓ નજીક પહોંચતાં પોલીસે લાઠીચાર્જ કર્યો, અશ્રુવાયુ (ટીઅર ગેસ) ના ગોળા છોડ્યા અને વોટર કેનનનો ઉપયોગ કર્યો હતો. વિદ્યાર્થીઓએ પોલીસ દ્વારા લગાવવામાં આવેલા અનેક બેરિકેડ્સ તોડી નાખ્યા હતા, ત્યારબાદ વોટર કેનન ચલાવવામાં આવ્યું હતું.

વિદ્યાર્થીઓનું કહેવું- આંદોલન ચાલુ રહેશે

વિદ્યાર્થીઓનું કહેવું છે કે તેમનું આંદોલન ત્યાં સુધી ચાલુ રહેશે જ્યાં સુધી ભરતી પરીક્ષાઓ સંબંધિત માંગણીઓ પૂરી નહીં થાય અને ગેરરીતિ માટે જવાબદાર લોકો સામે કડક કાર્યવાહી કરવામાં નહીં આવે.

CID એ JPSC ના પૂર્વ અધ્યક્ષની કરી ધરપકડ

વિદ્યાર્થીઓના વિરોધ પ્રદર્શન વચ્ચે એક મોટી કાર્યવાહી પણ સામે આવી છે. ઝારખંડ પોલીસની CID એ સોમવારે JPSC ના પૂર્વ અધ્યક્ષ એલ. ખિયાંગતેની ધરપકડ કરી લીધી છે. પરીક્ષામાં કથિત ગેરરીતિઓની તપાસના ભાગરૂપે આ ધરપકડ કરવામાં આવી છે.

આ પણ વાંચો:રાહુલ ગાંધીના દાવા પર નડ્ડાનો પલટવાર, જાણો શું કહ્યું