સૂર્યવંશી અને ઇશાન જેવા દિગ્ગજ વચ્ચે 21 વર્ષીય આ બેટ્સમેને ડેબ્યૂમાં મચાવી ધૂમ
Duleep Trophy Final: દલીપ ટ્રોફી ફાઇનલમાં એક તરફ જ્યાં 15 વર્ષીય વૈભવ સૂર્યવંશી (Vaibhav Suryavanshi) અને વાપસી કરી રહેલા ઈશાન કિશન (Ishan Kishan) ની ચર્ચા થઈ રહી હતી, ત્યાં એક ત્રીજા નામે શાંતિથી સૌનું ધ્યાન પોતાના તરફ ખેંચી લીધું. આ ખેલાડીનું નામ શિખર મોહન છે. 21 વર્ષના આ યુવા બેટ્સમેને પોતાની પ્રથમ જ દલીપ ટ્રોફી (Duleep Trophy) મેચમાં એવી ઇનિંગ રમી કે મોટા-મોટા દિગ્ગજો પણ જોતા જ રહી ગયા. વાસ્તવમાં શિખર આ ફાઇનલમાં પ્લેઇંગ 11નો ભાગ પણ નહોતો; તે રિઝર્વ ઓપનર તરીકે ટીમ સાથે જોડાયેલો હતો. પરંતુ જેવી તક મળી, તેણે બંને હાથે ઝડપી લીધી.
21 વર્ષના શિખર મોહનનો કમાલ
વૈભવના 44 રન અને અભિમન્યુ ઈશ્વરનના 72 રનના સ્કોર પર રનઆઉટ થયા બાદ ઇસ્ટ ઝોને 147 રનમાં 3 વિકેટ ગુમાવી દીધી હતી. સાઉથ ઝોન વાપસી કરવાનો પૂરતો પ્રયાસ કરી રહ્યું હતું, ત્યારે જ ક્રિઝ પર રાંચીના શિખર મોહનની એન્ટ્રી થઈ. શિખરે આવતાની સાથે જ પોતાની પરિપક્વતા દર્શાવી દીધી.
Watch 🎥
Shikhar Mohan’s stroke-filled knock of 85(120) 🆚 South Zone 🙌https://t.co/VrqSnwKiSR#DuleepTrophy | #SZvEZ
— BCCI Domestic (@BCCIdomestic) September 6, 2026
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
ચેપોકની પિચ જ્યાં સ્પિનરોને મદદ કરી રહી હતી, ત્યાં તેણે ત્રિપુરાના વિજય અને પોતાની 100મી ફર્સ્ટ ક્લાસ મેચ રમી રહેલા શ્રેયસ ગોપાલ જેવા અનુભવી સ્પિનરોનો શાનદાર રીતે સામનો કર્યો. અન્ય બેટ્સમેનો જ્યાં સ્પિન સામે મુશ્કેલીમાં મુકાઈ રહ્યા હતા, ત્યાં શિખરે 120 બોલની પોતાની ઇનિંગમાં 81 ડોટ બોલ રમીને અદ્ભુત સંયમ દાખવ્યો અને ખરાબ બોલ પર સહેજ પણ દયા બતાવી નહીં.
આ પણ વાંચો:Bigg Bossના હોસ્ટને કેટલો મળે છે પગાર? સલમાનથી લઈને સુદીપ સુધી જાણો ફી
શિખરે રમી 85 રનની ઇનિંગ
શિખરે પોતાની 85 રનની ઇનિંગમાં 54 રન માત્ર ચોગ્ગા અને છગ્ગા ફટકારીને બનાવ્યા હતા. એક ઓવરમાં તો તેમણે વિજયને એક છગ્ગો અને બે ચોગ્ગા ફટકારીને પોતાના ઇરાદા સ્પષ્ટ કરી દીધા હતા. ઓફ-સ્ટમ્પ બહાર જતા બોલને લીવ કરવાની તેમની રીત જોઈને બિલકુલ લાગતું નહોતું કે આ તેમની પ્રથમ મોટી ફાઇનલ મેચ છે. કેપ્ટન ઇશાન કિશન સાથે મળીને તેમણે ચોથી વિકેટ માટે 94 રનની મહત્વપૂર્ણ ભાગીદારી નોંધાવી અને ટીમને 241 રનના મજબૂત સ્કોર સુધી પહોંચાડી દીધી. તેઓ સદીની નજીક હતા પરંતુ સીવી મિલિંદના અંદર આવતા બોલ પર બોલ્ડ થઈ ગયા.
અત્યાર સુધી કેવું રહ્યું શિખરનું પ્રદર્શન?
શિખરનો રેકોર્ડ અગાઉ પણ શાનદાર રહ્યો છે:
સી. કે. નાયડુ ટ્રોફી (2023-24): 9 ઇનિંગ્સમાં 77.88 ની પ્રભાવશાળી સરેરાશ સાથે 623 રન બનાવ્યા હતા.
રણજી ટ્રોફી: પોતાની પ્રથમ જ રણજી સીઝનમાં 12 ઇનિંગ્સમાં 613 રન ફટકાર્યા હતા.
ફાઇનલની આ 85 રનની ઇનિંગે સાબિત કરી દીધું કે ઝારખંડે ભારતીય ક્રિકેટ માટે વધુ એક અસલી હીરો ઘડી કાઢ્યો છે.
આ પણ વાંચો:22 કિલો સામે માત્ર 4 કિલો! કયા દેશમાં કેટલું મીટ ખવાય છે? આંકડા ચોંકાવશે












