સર, આ હોટ સીટ તો મારા કરતા પણ હોટ છે, KBC 17માં જઈને અનન્યાએ બિગ બીને બીજું શું કહ્યું?

• અનન્યાએ કહ્યું, આ ફક્ત મારું નહિ આખા પરિવારનું સામૂહિક સ્વપ્ન હતું કે પાંડે પરિવારનું ઓછામાં ઓછું એક સભ્ય KBC માં જાય

HD ન્યુઝ ડેસ્કઃ કોન બનેગા કરોડપતિની 17 (KBC 17)મી સીઝન ચાલી રહી છે. તાજેતરમાં આ શોમાં કાર્તિક આર્યન અને અનન્યા પાંડે ગેસ્ટ બનીને આવ્યા હતા. હોટ સીટ પર બેઠા બાદ કાર્તિક અને અનન્યાએ અમિતાભ બચ્ચન સાથે ખૂબ વાતો કરી. બિગ બીએ જ્યારે અનન્યાને પહેલીવાર હોટ સીટ પર બેસવાનો એક્સપિરિયન્સ પૂછે છે તો તે કહે છે કે તેણે વિચાર્યું હતું તેમજ આ હોટ સીટ તેના કરતા પણ હોટ છે.

અનન્યાએ કહ્યું કે પાંડે પરિવારનું સ્વપ્ન સાકાર થયું છે

અનન્યા બિગ બીને એમ પણ જણાવે છે કે તેનો આખો પરિવાર KBCનો ચાહક છે. તેણે કહ્યું કે જ્યારે મારા દાદા-દાદી દિલ્હીથી આવે છે, ત્યારે ખાસ કરીને સોમવારથી શુક્રવાર સુધી અમારે સાથે બેસીને KBC જોવાનો રિવાજ છે.

પછી બિગ બી તેને ચીડવે છે કે તેમનો પરિવાર આ શો ફક્ત ત્યારે જ જુએ છે જ્યારે તેમના દાદા-દાદી આવે છે, જેના પર અનન્યા કહે છે કે ના, તેઓ નિયમિતપણે આ શો જુએ છે.

અનન્યાએ આગળ કહ્યું, ‘આ ફક્ત મારું સ્વપ્ન નહોતું, તે આખા પરિવારનું સામૂહિક સ્વપ્ન હતું કે ઓછામાં ઓછું એક સભ્ય KBC માં જાય.’

અનન્યાએ બિગ બી માટે ખાસ સ્પીચ લખી

અનન્યા બિગ બીને કહે છે કે તેણે તેમના માટે એક ખાસ સ્પીચ લખી છે. તે વાંચે છે અને કહે છે કે તેનું સ્વપ્ન સાકાર થયું છે અને તે સમગ્ર પાંડે પરિવાર માટે મોટી વાત છે.

પછી બિગ બી અનન્યા અને કાર્તિકને તેમના વર્કઆઉટ અને ડાયેટ પ્લાન વિશે પૂછે છે. કાર્તિક જણાવે છે કે બેલેન્સ જાળવવા માટે, તે ફિલ્મ શરૂ થાય તેના એક કે બે મહિના પહેલા જંક ફૂડ અને અન્ય ખાદ્ય પદાર્થો છોડી દે છે. ચંદુ ચેમ્પિયન માટે તેણે બે વર્ષ સુધી ખાંડ છોડી દીધી હતી. બિગ બી આ સાંભળીને આશ્ચર્યચકિત થાય છે. અનન્યા જણાવે છે કે તે એક વીકમાં એક દિવસ ચીટ ડે રાખે છે અને રૂટિનમાં તે સાંજે 7 વાગ્યા પછી ખાતી નથી.

બિગ બી તેમની વાત સાંભળીને આશ્ચર્યચકિત થાય છે અને સમજાવે છે કે તેમણે ક્યારેય આટલી કડક દિનચર્યાનું પાલન કર્યું નથી. જ્યારે કાર્તિક અને અનન્યા તેમને તેમના ડાયેટ પ્લાન વિશે પૂછે છે, ત્યારે બિગ બી કંઈ કહેતા નથી. હું સવારે ઉઠીને ઘરે જ ખાઉં છું, શૂટિંગ પર આવું છું અને ફરી ખાઉં છું, પછી ઘરે જઈને ફરી ખાઉં છું અને સૂઈ જાઉં છું. અમે ક્યારેય આટલી ચિંતા કરી નથી. કાર્તિક જવાબ આપે છે, એટલે જ તમે અમિતાભ બચ્ચન છો સર.

આ પણ વાંચોઃ જો તમે પ્રાઈવેટ નોકરી કરો છો, તો કરી લો રિટાયરમેન્ટ પછી પેન્શનનો જુગાડ, આ યોજનામાં દર મહિને મળશે 5000