અમિતાભ બચ્ચનની પૌત્રી સાથે ખૂબ નાચી શાહરૂખની લાડલી સુહાના, ઐશ્વર્યાના ગીત પર લીધા ઠુમકા
- આ ઉજવણીનો એક ખાસ વીડિયો ઓનલાઈન વાયરલ થઈ રહ્યો છે, જેમાં સુહાના ખાન અને અગસ્ત્ય નંદા સાથે ડાન્સ કરતા જોવા મળે છે
HD ન્યુઝ ડેસ્કઃ દિવાળી નજીક આવતાની સાથે જ બોલિવૂડનો માહોલ વધુ જીવંત બની ગયો છે. દર વર્ષની જેમ ડિઝાઈનર મનીષ મલ્હોત્રાએ તેમના ઘરે એક ભવ્ય દિવાળી પાર્ટીનું આયોજન કર્યું હતું, જેમાં બી-ટાઉન સ્ટાર્સ ખૂબ જ ચમક્યા હતા. આ ઉજવણીનો એક ખાસ વીડિયો ઓનલાઈન વાયરલ થઈ રહ્યો છે, જેમાં સુહાના ખાન Suhana Khan અને અગસ્ત્ય નંદા Agstya Nanda સાથે ડાન્સ કરતા જોવા મળે છે. વધુમાં શ્વેતા નંદા Sweta Nanda પણ વીડિયોમાં ડાન્સ કરતી જોવા મળી રહી છે.
બંનેએ જોરશોરથી નાચ્યા
ફેશન ઇન્ફ્લુએન્સર સાક્ષી સિંધવાની દ્વારા તેની ઇન્સ્ટાગ્રામ સ્ટોરી પર શેર કરાયેલ આ વીડિયોમાં સુહાના, અગસ્ત્ય અને શ્વેતા બચ્ચન ડાન્સ ફ્લોર પર મસ્તી કરતા જોવા મળે છે. ખાસ વાત એ છે કે ત્રણેય ઐશ્વર્યા રાય બચ્ચનની ફિલ્મ બંટી ઔર બબલીના ક્લાસિક ગીત કજરા રે પર ડાન્સ કરી રહ્યા છે, જેમાં અમિતાભ, અભિષેક અને ઐશ્વર્યા રાય બચ્ચન હતા. વીડિયોમાં ત્રણેય ખૂબ જ ઉત્સાહિત દેખાય છે. અગસ્ત્ય અને સુહાનાનું બોન્ડિંગ સ્પષ્ટ દેખાય છે અને તેમની કેમેસ્ટ્રી પણ શાનદાર છે.
View this post on Instagram
આ ડાન્સ વીડિયોમાં સુહાના ખાન જાંબલી સાડીમાં ખૂબ જ સુંદર દેખાતી હતી અને કજરા રેના પરંપરાગત સ્ટેપ્સ પરફોર્મ કરતી હતી. આ દરમિયાન અગસ્ત્ય નંદા કાળા કુર્તા-પાયજામામાં ખૂબ જ સુંદર દેખાતો હતો અને તેની માતા શ્વેતા બચ્ચન પણ ખૂબ જ ઉત્સાહથી ડાન્સમાં તેની સાથે જોડાઈ હતી. આ વીડિયોમાં સુહાના અને અગસ્ત્યની કેમેસ્ટ્રી એટલી અદ્ભુત હતી કે ચાહકો તેને વારંવાર જોઈ રહ્યા છે. આ વીડિયો જોયા પછી એક ચાહકે કહ્યું કે તેઓ ઐશ્વર્યાના ગીત પર ડાન્સ કરી રહ્યા છે.બીજા વ્યક્તિએ લખ્યું, અગસ્ત્ય અને સુહાનાનું અફેર ચાલી રહ્યું છે. બીજાએ લખ્યું કે શાહરુખની દીકરી અમિતાભના ઘરની વહુ બનશે.
આ સ્ટાર્સે પાર્ટીમાં હાજરી આપી હતી
આ ગ્લેમરસ દિવાળી પાર્ટીમાં ફક્ત આ કપલ જ હાજર નહોતા, પરંતુ ઘણા અન્ય સ્ટાર્સ પણ હાજર હતા. કરીના કપૂર, રેખા, કરણ જોહર, બોબી દેઓલ, ગૌરી ખાન, અનન્યા પાંડે, કૃતિ સેનન, પ્રીતિ ઝિન્ટા, મલાઈકા અરોરા, જેકલીન ફર્નાન્ડીઝ, કાજોલ, સાન્યા મલ્હોત્રા અને અભય વર્મા જેવા સ્ટાર્સે પણ પોતાની હાજરીથી ગ્લેમરમાં વધારો કર્યો હતો.
બંને વચ્ચેના સંબંધોની ચર્ચા
સુહાના ખાન અને અગસ્ત્ય નંદાએ ગયા વર્ષે ઝોયા અખ્તરની ફિલ્મ ધ આર્ચીઝ થી બોલિવૂડમાં પ્રવેશ કર્યો હતો. આ ફિલ્મમાં સુહાનાએ વેરોનિકા લોજની ભૂમિકા ભજવી હતી અને અગસ્ત્યએ આર્ચી એન્ડ્રુઝની ભૂમિકા ભજવી હતી. દર્શકોને તેમની ઓનસ્ક્રીન કેમેસ્ટ્રી ખૂબ ગમી હતી. સુહાના અને અગસ્ત્યના સંબંધો વિશે અફવાઓ સમયાંતરે સામે આવી છે, જોકે બંનેમાંથી કોઈએ પણ કોઈ પુષ્ટિ આપી નથી. તેઓ અનેક પાર્ટીઓમાં સાથે જોવા મળ્યા છે અને તેમના જન્મદિવસ પણ સાથે ઉજવે છે.
આ પણ વાંચોઃ દુલ્હન જેવા લાલ ડ્રેસમાં ઐશ્વર્યા હસતી હસતી આવી અભિષેકની સામે, વાયરલ થયો વીડિયો
