સેન્સેક્સ અને નિફ્ટી વધારા સાથે ખુલ્યા, 25Kની નજીક સરકતી નિફ્ટી

મુંબઇ, 2, સપ્ટેમ્બર, 2025: વિશ્વ બજારોને અનુસરતા આજે ભારતીય ઇક્વિટી બજારમાં પણ પોઝીટીવ પ્રારંભ થયો હતો. જેમાં નિફ્ટી પાછલા બંધ 24,625 સામે 28 પોઇન્ટ વધીને 24,653 પર ખુલીને હાલમા 33 પોઇન્ટના વધારા સાથે 25,000ના મથાળા તરફ આગળ વધી રહેલી દેખાય છે. જ્યારે બીએસઇ સેન્સેક્સ પાછલા બંધ 79,810 સામે 20 પોઇન્ટ ઉપર 79,829 પર ખુલ્યો હતો અને હાલમાં 100 પોઇન્ટથી ઉપર ચાલી રહ્યો છે.

દરમિયાનમાં આજે સવારે 9.06 કલાકે ગિફ્ટ નિફ્ટી 19 પોઇન્ટ પ્લસ ક્વોટ થઇ હતી. નોંધનીય છે કે ગઇકાલે નિફ્ટી 50 200 પોઇન્ટ અને સેન્સેક્સ  550 વધીને બંધ આવ્યા હતા.

એશિયન માર્કેટ

હજુ પણ ટેરિફની તલવાર લટકી રહી છે ત્યારે તિયાન્જિનમાં યોજાયેલ શાંઘાઇ કોઓપરેશન ઓર્ગેનાઇઝેશન (SCO)ની બેઠકનું રોકાણકારોએ મુલ્યાંકન કર્યું હતુ અને રોકાણકારોની મનોવૃત્તિ પોઝીટીવ થઇ હતી. જોકે ફેડરલ કોર્ટે ટ્રમ્પના ટેરિફ વધારાને ફગાવી દીધો હોવાથી પણ બજારમાં પોઝીટીવ વાતાવરણ જોવા મળ્યું હતું. જેના પગલે જાપાનનો નિક્કેઇ 225 ઇન્ડેક્સ 0.31 ટકા અને બ્રોડર ટોપીક્સ 0.28 ટકા વધ્યો હતો. જ્યારે કોસ્પી 0.45 ટકા અને સ્મોલકેપ કોસડેક 0.14 ટકા વધ્યો હતો.

અમેરિકન બજારો

એશિયન બજારો જેવા પોઝીટાવ સંકેતો અમેરિકન બજારમાં પણ જોવા મળ્યા હતા. જેના પગલે ડાઉ જોન્સ ઇન્ડસ્ટ્રીયલ એવરેજ 0.09 ટકા, એસએન્ડપી 500 ઇન્ડેક્સ 0.12 ટકા અને નાસડેક 100 ફ્યુચર્સ પણ 0.13 ટકા વધ્યો હતો.

આજે આ શેર રહેશે ફોકસમાં

આજે આ કંપનીના પરિણામો

JSW સિમેન્ટ, ઓલ ટાઈમ પ્લાસ્ટિક, ઓરિસ્સા મિનરલ્સ ડેવલપમેન્ટ કંપની, સેવન હિલ ઇન્ડસ્ટ્રીઝ અને વ્હાઇટ ઓર્ગેનિક રિટેલ 2 સપ્ટેમ્બરના રોજ તેમના ત્રિમાસિક પરિણામો જાહેર કરશે.

સિયેટ

કંપનીએ મિશેલિન ગ્રુપના કેમસો કન્સ્ટ્રક્શન કોમ્પેક્ટ લાઇન બિઝનેસને હસ્તગત કર્યો છે, જેમાં શ્રીલંકામાં મિડિગામા પ્લાન્ટ અને કોટુગોડામાં કાસ્ટિંગ પ્રોડક્ટ્સ પ્લાન્ટનો સમાવેશ થાય છે. તેણે શ્રીલંકામાં 171 મિલિયન ડોલરના રોકાણની જાહેરાત કરી છે.

આદિત્ય બિરલા કેપિટલ

બોર્ડે પાંચ વર્ષના સમયગાળા માટે કંપનીના MD અને CEO તરીકે વિશાખા મુલયેની નિમણૂકને મંજૂરી આપી છે.

ઇન્દ્રપ્રસ્થ ગેસ

કંપનીએ સૌર ઉર્જા પ્રોજેક્ટ સ્થાપવા માટે રાજસ્થાન રાજ્ય વિદ્યુત ઉત્પાદન નિગમ (RVUNL) સાથે સંયુક્ત સાહસ કરાર કર્યો છે.

ભારત ઇલેક્ટ્રોનિક્સ

કંપનીને 30 જુલાઈથી 644 કરોડ રૂપિયાના વધારાના ઓર્ડર મળ્યા છે. પ્રાપ્ત થયેલા મુખ્ય ઓર્ડરમાં ડેટા સેન્ટર, શિપ ફાયર કંટ્રોલ સિસ્ટમ્સ, ટાંકી નેવિગેશન સિસ્ટમ્સ, કોમ્યુનિકેશન સાધનો, સીકર્સ, જામર, સિમ્યુલેટર અને ઇલેક્ટ્રોનિક વોટિંગ મશીનોનો સમાવેશ થાય છે.

પુર્વાંકરા

રિયલ એસ્ટેટ ડેવલપર, તેની પેટાકંપની પુર્વાંકરા બ્લુ એગેટ દ્વારા, મુંબઈના મલબાર હિલમાં એક પ્રાઇમ રેસિડેન્શિયલ સોસાયટીના રિ-ડેવલપમેન્ટ અધિકારો હસ્તગત કર્યા છે. 1.43 એકરના આ પ્રોજેક્ટમાં 0.7 મિલિયન ચોરસ ફૂટની વિકાસ ક્ષમતા છે અને તેમાંથી અંદાજિત આવક રૂ. 2,700 કરોડ થવાની સંભાવના છે.

સિરમા એસજીએસ ટેકનોલોજી

ઈલેક્ટ્રોનિક્સ સિસ્ટમ ડિઝાઇન અને મેન્યુફેક્ચરિંગ કંપનીએ ઈટાલીમાં મુખ્ય મથક ધરાવતી વૈશ્વિક ઇલેક્ટ્રોનિક્સ ડિઝાઇન અને મેન્યુફેક્ચરિંગ કંપની એલેમાસ્ટર એસ.પી.એ. ટેક્નોલોજી ઇલેક્ટ્રોનિક સાથે સંયુક્ત સાહસ કરાર પર હસ્તાક્ષર કર્યા છે.

આ પણ વાંચોઃ ભારતીય રેલવેના કર્મચારીઓ માટે 1 કરોડ રૂપિયાનો દુર્ઘટના મૃત્યુ કવર પ્રદાન કરવા માટે SBIએ કર્યા MOU