સરદાર વલ્લભભાઈ પટેલની 150મી જન્મજયંતિ નિમિત્તે બાળકોની કલાત્મક અર્પણાંજલિ

Art Exhibition: ભારતના લોહપુરુષ સરદાર વલ્લભભાઈ પટેલને હૃદયપૂર્વકની શ્રદ્ધાંજલિ સ્વરૂપે, આંધ્રપ્રદેશના વિશાખાપટ્ટનમ સ્થિત શ્રી પ્રકાશ વિદ્યાનિકેતનના વિદ્યાર્થીઓએ પોતાની સર્જનાત્મકતા અને દેશભક્તિ દ્વારા અમદાવાદમાં એક અનોખું કલા પ્રદર્શન યોજ્યું છે.

આ પ્રદર્શનમાં વિદ્યાર્થીઓએ સરદાર પટેલના 150 ચિત્રો બનાવ્યા છે. આ ચિત્રો હાલમાં અમદાવાદના કનોરિયા સેન્ટર ફોર આર્ટ્સમાં આવેલી ઉર્મિલા આર્ટ ગેલેરીમાં જોવા મળશે.

ધોરણ 4થી 10 સુધીના વિદ્યાર્થીઓએ આ કૃતિઓ તૈયાર કરી છે. દરેક ચિત્રમાં તેમની કલ્પના, મહેનત અને દેશપ્રેમની ઝલક જોવા મળે છે, જેમાં સરદાર પટેલના જીવન, સંઘર્ષ અને રાષ્ટ્રનિર્માણમાં તેમના યોગદાનને સુંદર રીતે રજૂ કરવામાં આવ્યું છે.

આ પ્રદર્શનનું ઉદ્ઘાટન મંગળવાર, તા. 7 એપ્રિલે પદ્મશ્રી એવોર્ડ વિજેતા શ્રી કાર્તિકેય સારાભાઈના હસ્તે થયું હતું. તેઓ સેન્ટર ફોર એન્વાયર્નમેન્ટ એજ્યુકેશનના સ્થાપક અને નિર્દેશક છે. આ પ્રસંગે પ્રીતિ નમ્બિયાર, અનિલ રેલિયા, મનન રેલિયા અને કુમાર મનીષ સહિતના મહાનુભાવો તેમજ કનોરિયા સેન્ટરના વિદ્યાર્થીઓ હાજર રહ્યા હતા. મહેમાનોએ વિદ્યાર્થીઓ સાથે ચર્ચા કરી અને તેમની કૃતિઓની પ્રશંસા કરી.

આ પ્રદર્શન શ્રી પ્રકાશ વિદ્યાનિકેતનના આર્ટ ક્લબ દ્વારા આયોજન કરવામાં આવ્યું છે. શાળા માને છે કે “મહાન વ્યક્તિઓ પણ ક્યારેય બાળકો જ હતા, અને આજના બાળકો આવતીકાલના મહાન વ્યક્તિઓ બની શકે છે.”

શ્રી પ્રકાશ વિદ્યાનિકેતનના ડિરેક્ટર ચિત્તુરી વાસુ પ્રકાશે તમામ વિદ્યાર્થીઓને તેમની પ્રતિભા અને મહેનત માટે અભિનંદન આપ્યા અને ઉપસ્થિત મહેમાનોનો આભાર માન્યો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

આ પ્રદર્શન તા. 9 એપ્રિલ, 2026 સુધી તમામ માટે ખુલ્લું રહેશે. અહીં આવીને તમે બાળકોની નજરે કલા, ઇતિહાસ અને દેશભક્તિનું અનોખું અને પ્રેરણાદાયક મિશ્રણ અનુભવી શકશો.

આ પણ વાંચો: ગુજરાત હવામાન આગાહી: આગામી 4 દિવસ તાપમાનમાં 4 ડિગ્રીનો વધારો, 11 થી 14 એપ્રિલ બફારાનું એલર્ટ