બેંગલુરુમાં નાસભાગ માટે RCB અને કોહલી જવાબદારઃ સરકારે હાઈકોર્ટમાં રજૂ કર્યો અહેવાલ
બેંગલુરુ, 17 જુલાઈ, 2025: RCB and Kohli responsible for stampede in Bengaluru કર્ણાટક સરકારે બેંગલુરુમાં IPL ટીમ રોયલ ચેલેન્જર્સ બેંગ્લોરના વિજયના ઉજવણી દરમિયાન થયેલી ભાગદોડ અંગે હાઇકોર્ટમાં વિગતવાર અહેવાલ રજૂ કર્યો છે. આ અહેવાલમાં, સરકારે ભાગદોડ માટે આરસીબીને સંપૂર્ણપણે જવાબદાર ઠેરવ્યું છે. તેમાં ટીમના અનુભવી ખેલાડી અને ભૂતપૂર્વ કેપ્ટન વિરાટ કોહલીનો પણ ઉલ્લેખ કરવામાં આવ્યો છે. કર્ણાટક સરકારનું કહેવું છે કે RCBએ વિજય ઉજવણી માટે પરવાનગી લીધી ન હતી.
રિપોર્ટમાં ગંભીર બેદરકારીનો ઉલ્લેખ કરવામાં આવ્યો છે. સેન્ટ્રલ એડમિનિસ્ટ્રેટિવ ટ્રિબ્યુનલે 4 જૂને ચિન્નાસ્વામી સ્ટેડિયમની બહાર થયેલી ભાગદોડ માટે RCBને જવાબદાર ઠેરવ્યું હતું. RCBએ અચાનક પોલીસની પરવાનગી વિના સોશિયલ મીડિયા પર વિજય પરેડનું આયોજન કરવાની જાહેરાત કરી હતી, જેના કારણે લાખો લોકો સ્ટેડિયમની બહાર એકઠા થયા હતા. ભાગદોડ દરમિયાન 11 લોકોએ જીવ ગુમાવ્યા હતા.
કર્ણાટક સરકારે રિપોર્ટમાં શું કહ્યું
કર્ણાટક સરકારે રિપોર્ટ દ્વારા કહ્યું છે કે વિજય પરેડ દરમિયાન ઘણી બેદરકારી થઈ હતી અને યોગ્ય વ્યવસ્થા નહોતી. કાર્યક્રમનું આયોજન કરનાર કંપની ડીએનએ નેટવર્ક પ્રાઇવેટ લિમિટેડે ફક્ત 3 જૂને પોલીસને જાણ કરી હતી, પરંતુ 2009ના આદેશ મુજબ પરવાનગી લીધી ન હતી. કોઈપણ પ્રકારની ઘટના ટાળવા માટે, પોલીસે મર્યાદિત કાર્યક્રમ માટે પરવાનગી આપી હતી, પરંતુ અપેક્ષા કરતાં વધુ લોકો કાર્યક્રમમાં પહોંચ્યા હતા.
આ પણ વાંચો: અમદાવાદમાં ગારમેન્ટ વેપારીને વોટ્સએપ કોલ દ્વારા ધમકી, ચાંદખેડા પોલીસે તપાસ શરૂ કરી
આ પણ વાંચોઃ બંધારણની પ્રસ્તાવનામાંથી ‘સમાજવાદી’ અને ‘ધર્મનિરપેક્ષ’ શબ્દો હટાવવા જોઈએ: કોણે ઉઠાવી માંગ?
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>
