રેલવેમાં નોકરી કરવા માગતા ઉમેદવારો માટે ખુશખબર આવી, આસિસ્ટંટ લોકો પાયલટ ભરતી પરીક્ષાની તારીખ જાહેર થઈ

Railway assistant loco pilot recruitment 2025: રેલવે ભરતી બોર્ડ (RRB) એ આસિસ્ટન્ટ લોકો પાયલટ (ALP) 2025 ભરતી પરીક્ષાની તારીખ જાહેર કરી છે. પરીક્ષાની તારીખ સત્તાવાર વેબસાઇટ પર જાહેર કરવામાં આવી છે. જે ઉમેદવારોએ પરીક્ષા માટે અરજી કરી છે અને તેમાં બેસશે તેઓ તમામ પ્રાદેશિક RRB ની સત્તાવાર વેબસાઇટની મુલાકાત લઈને પરીક્ષાની તારીખ ચકાસી શકે છે. જાહેર કરાયેલા સત્તાવાર સમયપત્રક મુજબ, કમ્પ્યુટર આધારિત એપ્ટિટ્યુડ ટેસ્ટ (CBAT) 15 જુલાઈ 2025 ના રોજ લેવામાં આવશે.

નોટિફિકેશનમાં જણાવાયું છે કે SC/ST ઉમેદવારો માટે પરીક્ષાનું શહેર અને તારીખ જોવા અને ટ્રાવેલ ઓથોરિટી ડાઉનલોડ કરવા માટેની લિંક પરીક્ષાની તારીખના 10 દિવસ પહેલા તમામ RRB ની સત્તાવાર વેબસાઇટ પર લાઇવ કરવામાં આવશે. આ ઉપરાંત, ઈ-કોલ લેટર ડાઉનલોડ કરવાની લિંક પરીક્ષાની તારીખના ચાર દિવસ પહેલા એક્ટિવ કરવામાં આવશે.

એડમિટ કાર્ડ કેવી રીતે ડાઉનલોડ કરવું?

• સૌ પ્રથમ, ઉમેદવારોએ રિઝનલ વેબસાઇટની મુલાકાત લેવી.
• આ પછી, ઉમેદવારોએ હોમપેજ પર સંબંધિત લિંક પર ક્લિક કરવું જોઈએ.
• આ પછી, ઉમેદવારની સામે એક અલગ વિન્ડો ખુલશે, જ્યાં ઉમેદવારે જરૂરી વિગતો દાખલ કરવી જોઈએ.
• આ કર્યા પછી, એડમિટ કાર્ડ તમારી સામે એક અલગ વિન્ડોમાં ખુલશે.
• હવે ઉમેદવારોએ તેને ચેક કરી ડાઉનલોડ કરવું જોઈએ.
• અંતે, ઉમેદવારોએ પ્રિન્ટઆઉટ લઈ લેવી.

ભરતી પ્રક્રિયા

RRB ALP ભરતી પ્રક્રિયામાં નીચેના તબક્કાઓનો સમાવેશ થાય છે-

• પ્રથમ તબક્કો CBT (CBT-1)
• બીજો તબક્કો CBT (CBT-2)
• કમ્પ્યુટર આધારિત યોગ્યતા પરીક્ષણ (CBAT)
• ડોક્યુમેન્ટ વેરિફિકેશન
• મેડિકલ પરીક્ષણ (ME)

ઉમેદવારોએ નોંધ લેવી જોઈએ કે પરીક્ષા ખંડમાં પ્રવેશતા પહેલા પરીક્ષા કેન્દ્ર પર આધાર લિંક્ડ બાયોમેટ્રિક પ્રમાણીકરણ કરવામાં આવશે. તેથી, તેમણે પોતાનું મૂળ આધાર કાર્ડ અથવા ઇ-વેરિફાઇડ આધારનું પ્રિન્ટઆઉટ લાવવાનું રહેશે. આ ભરતી ઝુંબેશ દ્વારા 9 હજારથી વધુ ALP ખાલી જગ્યાઓ ભરવામાં આવશે. ઉમેદવારોને નવીનતમ અપડેટ્સ માટે સત્તાવાર વેબસાઇટ પર નજર રાખવાની સલાહ આપવામાં આવે છે.

આ પણ વાંચો: વૈભવ સૂર્યવંશીએ ઈંગ્લેન્ડની ટીમના ભુક્કા કાઢી નાખ્યા, ખાલી 24 ઓવરમાં મેચ જીતાડી દીધી