‘લોકો મત આપે છે પણ ઉમેદવારને નથી ઓળખતા…’ રાહુલ ગાંધીના સમર્થનમાં રાજ ઠાકરે

મહારાષ્ટ્રઃ 24 ઓગસ્ટ, 2025: Maharashtra MNS Chief Raj Thackeray: મહારાષ્ટ્ર નવનિર્માણ સેના (મનસે)ના વડા રાજ ઠાકરેએ કોંગ્રેસ નેતા રાહુલ ગાંધીના ‘વોટ ચોરી’ના આરોપોને સમર્થન આપ્યું છે. શનિવારે (23 ઓગસ્ટ) પુણેમાં પાર્ટીના અધિકારીઓની બેઠકમાં રાજ ઠાકરેએ કહ્યું કે, ‘મતદાનમાં હેરાફેરીનો મુદ્દો નવો નથી. મેં આ વિશે 2016-17માં જ  ચેતવણી આપી હતી.’

વિપક્ષ પર કર્યા સવાલ

રાજ ઠાકરેએ કહ્યું કે, તે સમયે તેઓ શરદ પવાર, સોનિયા ગાંધી અને મમતા બેનર્જીને મળ્યા હતા. એક પ્રેસ કોન્ફરન્સ પણ યોજી હતી, પરંતુ વિપક્ષે કોઈ નક્કર પગલું ભર્યું ન હતું. મેં ત્યારે લોકસભા ચૂંટણીનો બહિષ્કાર કરવાનું કહ્યું હતું. આનાથી આ મુદ્દો વિશ્વભરમાં ચર્ચાનો વિષય બન્યો હોત અને આંતરરાષ્ટ્રીય દબાણ બન્યું હોત, પરંતુ બધા પાછળ હટી ગયા. આજે રાહુલ ગાંધીએ ફરીથી આ મુદ્દો ઉઠાવ્યો છે. લોકો મતદાન કરી રહ્યા છે, પરંતુ મત ઉમેદવારો સુધી પહોંચી નથી રહ્યા, તેમની ચોરી થઈ રહી છે.

2014થી ગેરરીતિથી બને છે સરકારઃ રાજ ઠાકરે

મનસેના પ્રમુખે વધુમાં કહ્યું કે, 2014થી આ ચૂંટણી ગેરરીતિનો લાભ લઈને સરકારો બનાવવામાં આવી છે.

મહારાષ્ટ્ર ચૂંટણીનું આપ્યું ઉદાહરણ

ઠાકરેએ મહારાષ્ટ્ર વિધાનસભા ચૂંટણીનું ઉદાહરણ આપતા કહ્યું કે, ભાજપને 132 બેઠકો, એકનાથ શિંદેને 56 અને અજિત પવારને 42 બેઠકો મળી. આટલા મોટા આંકડા હોવા છતાં, ન તો વિજેતાઓ ખુશ હતા કે ન તો હારનારા. કારણ કે આ આખો મામલો વોટ ગેરરીતિનો હતો.

આગામી ચૂંટણીમાં સાવધાન રહેવાની કરી અપીલ

રાજ ઠાકરેએ તેમના કાર્યકરોને ચેતવણી આપી હતી કે, આગામી નાગરિક ચૂંટણીઓમાં તેમણે સાવધાન રહેવું પડશે.  મતદાર યાદી પર વિગતવાર કામ કરવામાં આવે જેથી ભવિષ્યમાં આવી ગેરરીતિઓ અટકાવી શકાય.

ઠાકરેએ ચૂંટણી પંચની તાજેતરની પ્રેસ કોન્ફરન્સનો પણ ઉલ્લેખ કર્યો. તેમણે કહ્યું કે, ચૂંટણી પંચે રાહુલ ગાંધીને સોગંદનામું લખવા કહ્યું, ભલે રાહુલ વિપક્ષના નેતા હોય.

આ સિવાય, ભાજપ નેતા અનુરાગ ઠાકુરે પણ 6 બેઠકો પર ગોટાળાનો આરોપ લગાવ્યો હતો. તેનો અર્થ એ કે હવે શાસક પક્ષ અને વિપક્ષ બંને ચૂંટણી ગોટાળા વિશે વાત કરી રહ્યા છે. હજુ પણ ચૂંટણી પંચ ચૂપ છે, કારણ કે છેલ્લા 10-12 વર્ષની રમત ખુલ્લી પડી જશે.

મતદાર યાદીમાં સુધારાની માંગ

મનસેના પ્રમુખે સ્પષ્ટ શબ્દોમાં કહ્યું કે, જો આપણે ખરેખર ચૂંટણીમાં થયેલા ગોટાળાનો પર્દાફાશ કરવા માંગીએ છીએ અને સત્તામાં આવવા માંગીએ છીએ, તો પહેલા મતદાર યાદીમાં સુધારો કરવો પડશે. જ્યાં સુધી મતદાર યાદીમાં સુધારો ન થાય ત્યાં સુધી જીતવું મુશ્કેલ છે.

આ પણ વાંચોઃ ડ્રાઇવિંગ પ્રેક્ટિસમાં ‘8’ શા માટે આટલું મહત્વપૂર્ણ છે? જાણો તેની પાછળનું વિજ્ઞાન

આ પણ વાંચોઃ રશિયા-યુક્રેન યુદ્ધનો અંત ટ્રમ્પ નહીં, પણ PM મોદી કરાવશે? પુતિન અને ઝેલેન્સકી ભારત આવશે