એલ્વિશ યાદવના ઘરે ફાયરિંગ કરનારો ઝડપાયો, એન્કાઉન્ટરમાં ઘાયલ થતાં પકડાઈ ગયો

ગુરુગ્રામ: પ્રખ્યાત યૂટ્યૂબર અને બિગ બોસ ઓટીટી 2ના વિજેતા એલ્વિશ યાદવના ગુરુગ્રામવાળા ઘર પર 17 ઓગસ્ટના રોજ થયેલા ફાયરિંગ કેસમાં ફરીદાબાદ ક્રાઈમ બ્રાન્ચે એક આરોપીની ધરપકડ કરી છે. ધરપકડ આરોપીની ઓળખ ઈશાંત ઉર્ફ ઈશૂ ગાંધી તરીકે થઈ ગઈ છે. પોલીસ સાથે થયેલા એન્કાઉન્ટર દરમ્યાન ઈશૂ ગાંધીના પગમાં ગોળી વાગી, જે બાદ તેની ધરપકડ કરવામાં આવી હતી.

એન્કાઉન્ટર અને ધરપકડ

ફરીદાબાદ ક્રાઈમ બ્રાન્ચને સૂચના મળી હતી કે ફાયરિંગ કેસમાં એક શંકાસ્પદ ઈશાંત ઉર્ફ ઈશૂ ગાંધી ફરીદાબાદ વિસ્તારમાં છૂપાયેલો છે. ક્રાઈમ બ્રાન્ચની ટીમે તેને પકડવા માટે ઓપરેશન શરુ કરી દીધું. આ દરમ્યાન એક એન્કાઉન્ટર થયું, જેમાં ઈશૂ ગાંધીએ પોલીસ પર ગોળી ચલાવવાની કોશિશ કરી, જવાબી કાર્યવાહીમાં પોલીસે પણ ગોળી ચલાવી, જે ઈશૂના પગમાં જઈને વાગી. ઘાયલ થયા બાદ તેની ધરપકડ કરી લીધી. પોલીસે તેના કબ્જામાંથી હથિયારો પણ જપ્ત કર્યા છે.

એ દિવસે શું થયું હતું

17 ઓગસ્ટની સવારે લગભગ 5.30થી 6.00 વાગ્યાની વચ્ચે, ગુરુગ્રામના સેક્ટર 57માં આવેલા એલ્વિશ યાદવના ઘર પર ત્રણ બુકાનીધારી બાઈક પર સવાર થઈને 20-25 રાઉન્ડ ગોળીઓ ચલાવી હતી. આ હુમલામાં ઘરના ગ્રાઉન્ડ અને ફર્સ્ટ ફ્લોરની દીવાલો, બાલ્કની અને બારીઓને ટાર્ગેટ કર્યો હતો. આ ઘટનાના સમયે એલ્વિશ યાદવ ઘર પર હાજર નહોતો અને તેના પરિવારના સભ્યો તથા કેરટેકર સુરક્ષિત હતા. આ હુમલામાં કોઈ હતાહતના સમાચાર નહોતા. ઘટનાના સીસીટીવી ફુટેજ પણ સામે આવ્યા હતા, જેમાં બે બુકાનીધારી ગુંડાઓએ ફાયરિંગ કરતા જોવા મળ્યા હતા.

આ પણ વાંચો: સાવધાન: દેશના 15 રાજ્યોમાં ભારે વંટોળ સાથે તોફાનની સંભાવના, જાણો ક્યાં ધોધમાર વરસશે