હવે શ્રેયા ઘોષાલે સુરતની કોન્સર્ટ કરી રદ: પહેલગામ આતંકવાદી હુમલા પર વ્યક્ત કર્યું દુઃખ
મુંબઈ, 26 એપ્રિલ, 2025: જમ્મુ અને કાશ્મીરના પહેલગામમાં થયેલા હૃદયદ્રાવક આતંકવાદી હુમલાથી દરેક વ્યક્તિ આઘાતમાં છે. આ હુમલામાં 27 નિર્દોષ લોકોએ જીવ ગુમાવ્યા, જેના કારણે સમગ્ર દેશમાં ગુસ્સો ફેલાયો છે. તેની અસર સમગ્ર દેશ તેમજ બોલિવૂડમાં જોવા મળી રહી છે. બોલિવૂડ ગાયકો તેમના કોન્સર્ટ રદ કરતા જોવા મળી રહ્યા છે. બાદશાહ અને અરિજિત સિંહ પછી, શ્રેયા ઘોષાલે પણ પોતાનો સુરત કોન્સર્ટ રદ કર્યો છે. ગાયકે સોશિયલ મીડિયા પર એક પોસ્ટ શેર કરીને તેના ચાહકો સાથે આ માહિતી શેર કરી. પહેલગામમાં થયેલી દુ:ખદ ઘટનાના શોકમાં તેના આગામી શો રદ કર્યા છે.
View this post on Instagram
શ્રેયાએ પોસ્ટ શેર કરી
આ હુમલાની અસર મનોરંજન ઉદ્યોગ પર પણ સ્પષ્ટપણે દેખાય છે. ઘણા મોટા ગાયકોએ તેમના કોન્સર્ટ રદ કર્યા છે. શ્રેયા ઘોષાલે પહેલગામ આતંકવાદી હુમલાને ધ્યાનમાં રાખીને આ નિર્ણય લીધો છે. કોન્સર્ટ આયોજકો સાથે મળીને, તેમણે આદર અને શોકમાં કોન્સર્ટ રદ કરવાનું મહત્વપૂર્ણ પગલું ભર્યું છે. શ્રેયાએ તેના ઇન્સ્ટાગ્રામ પર એક પોસ્ટ શેર કરીને સત્તાવાર નિવેદન જારી કર્યું છે.ગાયકે પોસ્ટમાં લખ્યું, ‘તાજેતરની દુ:ખદ ઘટના બાદ, આયોજકો સાથે પરામર્શ કરીને 26 એપ્રિલે સુરતમાં યોજાનાર કોન્સર્ટ રદ કરવાનો નિર્ણય લેવામાં આવ્યો છે. દરેકના ટિકિટના પૈસા પરત કરવામાં આવશે. બાકી કોઈપણ મૂંઝવણ માટે તમે [email protected] નો સંપર્ક કરી શકો છો. અહીં તમને તમારા બધા પ્રશ્નોના જવાબ મળશે. તમારી સમજ બદલ આભાર.
અરિજિત સિંહે પણ પોતાનો કોન્સર્ટ કર્યો રદ
ગુરુવારે, પહેલગામમાં થયેલા આતંકવાદી હુમલાને પગલે, અરિજિત સિંહે 27 એપ્રિલે ચેન્નાઈના નંદનમના YMCA ગ્રાઉન્ડ ખાતે યોજાનારા તેમના આગામી કોન્સર્ટને પણ રદ કર્યો હતો. તેમણે તેમના ઇન્સ્ટાગ્રામ હેન્ડલના સ્ટોરી સેક્શન દ્વારા આયોજકો તરફથી એક નોંધ શેર કરી, જેમાં ચાહકોને કોન્સર્ટ રદ થવા અંગે માહિતી આપવામાં આવી.
આ પણ વાંચો..Mission Impossible 8 : ભારતમાં ટોમ ક્રૂઝની ફિલ્મની રિલીઝ તારીખ બદલાઈ, હવે આ દિવસે ફિલ્મ સિનેમાઘરોમાં આવશે
