EPFO Wage Limit Hike: જો તમારો બેસિક પગાર અને મોંઘવારી ભથ્થું (DA) મળીને ₹15,000 થી વધુ હોવાને કારણે તમે અત્યાર સુધી એમ્પ્લોઈઝ પ્રોવિડન્ટ ફંડ (EPF) ના દાયરામાંથી બહાર હતા, તો આ સમાચાર તમારા માટે ખૂબ જ મહત્વપૂર્ણ છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) ની વેતન મર્યાદા (Wage Limit) માં કરવામાં આવેલો વધારો તમારા ભવિષ્ય માટે લાભદાયી સાબિત થઈ શકે છે. પીએફ એ માત્ર દર મહિને પગારમાંથી કપાતી રકમ નથી, પરંતુ નિવૃત્તિ (Retirement) માટે એક મજબૂત ભંડોળ તૈયાર કરવાનું સાધન છે. જેમાં કર્મચારીની સાથે કંપની (માલિક) પણ યોગદાન આપે છે અને જમા રકમ પર વ્યાજ પણ મળે છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

કેન્દ્ર સરકારે અનિવાર્ય સામાજિક સુરક્ષા કવરેજ માટે ઈપીએફઓની માસિક વેતન સીમા ₹15,000 થી વધારીને ₹25,000 કરી દીધી છે. સરકારના અંદાજ મુજબ 17 સપ્ટેમ્બરથી અમલમાં આવેલા આ નિર્ણયથી આશરે 51 લાખ નવા કર્મચારીઓને લાભ થશે અને તેઓ પ્રથમ વખત પીએફ, પેન્શન અને ઈપીએફઓના ઈન્સ્યોરન્સ કવરેજનો લાભ મેળવશે. આથી જો તમે નવી વેતન મર્યાદા હેઠળ પાત્ર છો, તો તમારી કંપની સાથે સંપર્ક કરીને નામ નોંધણી (Enrollment) જરૂર તપાસી લો.

કોને મળશે નવી વેજ લિમિટનો ફાયદો?

આ ફેરફારનો ફાયદો ખાસ કરીને એવા કર્મચારીઓને મળશે જેઓનો મૂળ પગાર (Basic Pay) અને મોંઘવારી ભથ્થું (DA) મળીને પહેલા ₹15,000 થી વધુ હોવાથી તેઓ પીએફ કવરેજથી વંચિત હતા. હવે ₹15,000 થી ₹25,000 ની વચ્ચે વેતન મેળવતા કર્મચારીઓ સંબંધિત નિયમો અને શરતો પૂરી કરીને આ યોજનામાં સામેલ થઈ શકે છે. જોકે, માત્ર આ વેતન મર્યાદામાં હોવું એ પાત્રતાની ગેરંટી નથી, તેની યોગ્ય ચકાસણી જરૂરી છે.

શું ₹25,000 પગારવાળા તમામનો પીએફ કપાશે?

નવી વેતન મર્યાદા હેઠળ પાત્ર કર્મચારીઓને ઈપીએફ કવરેજમાં સામેલ કરી શકાય છે. પરંતુ દરેક કર્મચારી માટેની પરિસ્થિતિ અલગ હોઈ શકે છે. આ બાબત એ વાત પર નિર્ભર રહેશે કે કર્મચારી પહેલાથી ઈપીએફ સભ્ય છે કે નહીં અને યોજનાના કયા નિયમો તેના પર લાગુ પડે છે. તેથી તમારી પાત્રતા જાણવા માટે કંપનીની એચઆર (HR) અથવા પેરોલ ટીમનો સંપર્ક કરવો જરૂરી છે.

EPF, EPS અને EDLI માં કેવી રીતે એન્ટી લેશો?

કર્મચારીએ આ યોજનાઓ માટે અલગથી સીધી અરજી કરવાને બદલે પોતાની કંપની (નિયોક્તા) દ્વારા પ્રક્રિયા પૂરી કરવાની રહેશે:

• સૌથી પહેલા એચઆર કે એકાઉન્ટ્સ ટીમ પાસેથી તમારી પાત્રતા તપાસાવો.

  JPG

• ત્યારબાદ ઓળખકાર્ડ, રોજગાર, આધારકાર્ડ અને બેંક એકાઉન્ટ સંબંધિત જરૂરી વિગતો આપો.

  JPG

• નામાંકન પૂર્ણ થયા પછી પગાર સ્લિપ (Salary Slip) અને EPFO પાસબુક ચકાસીને સુનિશ્ચિત કરો કે તમારું પીએફ યોગદાન યોગ્ય રીતે જમા થઈ રહ્યું છે.

આ પણ વાંચોઃ ગુજરાત સરકારની મોટી જાહેરાત, હવે સસ્તામાં સોલાર લગાવી શકશો, કેબિનેટની બેઠકમાં લેવાયો મોટો નિર્ણય

EPF થી નિવૃત્તિ માટે ફંડ કેવી રીતે બનશે?

એમ્પ્લોઈઝ પ્રોવિડન્ટ ફંડ (EPF) માં કર્મચારી અને કંપની બંને યોગદાન આપે છે. આ રકમ પર મળતું વ્યાજ સમય જતાં રિટાયરમેન્ટ માટે સારું ફંડ તૈયાર કરવામાં મદદ કરે છે. જો તમે લાંબા સમય સુધી નોકરી કરો છો અને નિયમિત યોગદાન ચાલુ રહે છે, તો જમા રકમ ચક્રવૃદ્ધિ વ્યાજ સાથે ઝડપથી વધી શકે છે.

EPS થી કેવી રીતે મળે છે પેન્શન?

એમ્પ્લોઈઝ પેન્શન સ્કીમ (EPS) હેઠળ પાત્ર સભ્યોને નક્કી કરેલા નિયમો અને જરૂરી સેવા અવધિ (સર્વિસ પીરિયડ) પૂરો કરવા પર પેન્શન મળી શકે છે. કંપનીના યોગદાનનો એક ભાગ નિયમ મુજબ આ પેન્શન યોજનામાં જાય છે. જોકે, પેન્શનની પાત્રતા અને રકમ કર્મચારીની સભ્યપદાવધિ, પેન્શન યોગ્ય વેતન અને સર્વિસના વર્ષો પર આધાર રાખે છે.

EDLI યોજના હેઠળ શું લાભ મળે છે?

એમ્પ્લોઈઝ ડિપોઝિટ લિંક્ડ ઈન્સ્યોરન્સ (EDLI) એ પીએફ સભ્યપદ સાથે જોડાયેલું જીવન વીમા કવચ છે. જો પાત્ર સભ્યનું અવસાન થાય, તો નિયમ મુજબ તેના નોમિની અથવા પરિવારના સભ્યને ઓછામાં ઓછા ₹2.5 લાખ અને મહત્તમ ₹7 લાખ સુધીનો ક્લેમ મળી શકે છે. મૃત્યુના કિસ્સામાં વારસદારે ફોર્મ 5 IF (Form 5 IF) દ્વારા દાવો કરવાનો રહેશે. આ વીમા યોજનાનું પ્રીમિયમ કર્મચારીના પગારમાંથી કપાતું નથી, પરંતુ કંપની પોતે ભરે છે.

₹25,000 ના પગાર પર કેટલો PF કપાશે?

જો કોઈ પાત્ર કર્મચારીના સમગ્ર ₹25,000 ના વેતનના આધારે 12% કર્મચારી યોગદાન લાગુ થાય, તો દર મહિને પીએફ પેટે ₹3,000 કપાશે. કંપની પણ નિયમ મુજબ યોગદાન આપે છે, જેમાંથી 3.67% હિસ્સો EPF માં અને 8.33% હિસ્સો EPS (પેન્શન) માં જાય છે. EDLI નું પ્રીમિયમ કંપની અલગથી ચૂકવે છે. (નોંધ: આ એક ઉદાહરણ છે, વાસ્તવિક કપાત કંપનીના પેરોલ માળખા પર આધારિત હોઈ શકે છે)

આ પણ વાંચોઃ અમદાવાદમાં ₹400 કરોડના સ્ટ્રીટલાઇટ ટેન્ડર પર મોટો વિવાદ! કોંગ્રેસનો ₹100 કરોડના કૌભાંડની આશંકાનો આક્ષેપ