પુરીના જગન્નાથ મંદિરમાં 48 વર્ષ બાદ પહોંચ્યા RBI અધિકારીઓ, જાણો શું શોધી રહ્યા છે

National News: ઓડિશાના પુરીમાં ભગવાન જગન્નાથ મંદિરના ખજાનાના રહસ્યો ખુલવાના છે. ખજાનામાં સોનું, ચાંદી, હીરા અને ઝવેરાતના જથ્થાને લઈને હંમેશા દિલચશ્પી રહી છે. હવે બુધવારે બપોરે 12 વાગ્યાથી શુભ મુહૂર્ત દરમિયાન ખજાનામાં શું શું છે તેનું લિસ્ટિંગ કરવાનું કામ શરૂ ગયું છે.

શુભ મુહૂર્તમાં શરૂ થઈ ગણતરી

શુભ સમય બપોરે 12.09 થી 1.40 વાગ્યાની વચ્ચે શરૂ થઈ હતી. મંદિરની પરંપરાઓનું પાલન કરીને, આ સમય દરમિયાન ઘરેણાંની ગણતરી શરૂ થઈ હતી. અગાઉની ગણતરી 1978 માં કરવામાં આવી હતી. 48 વર્ષ પછી ગણતરીનું પુનરાવર્તન કરવામાં આવી રહ્યું છે. તે સમયે 128 કિલો સોનાના દાગીના અને 221 કિલો ચાંદીના દાગીના હતા. અધિકારીઓએ માહિતી આપી હતી કે જગન્નાથ મંદિરના ખજાનાની મોસ્ટ અવેઈટેડ ઈન્વેન્ટ્રી 48 વર્ષ પછી બુધવારે શરૂ થઈ હતી.

પારંપરિક કપડામાં જ અંદર જઈ શકાય

શ્રી જગન્નાથ મંદિર પ્રશાસનના જણાવ્યા અનુસાર નિયુક્ત કર્મચારીઓ સવારે 11.30 વાગ્યાની આસપાસ પરંપરાગત ધોતી અને ટુવાલ પહેરીને મંદિરમાં પ્રવેશ્યા હતા. ઈન્વેન્ટ્રી પ્રક્રિયા બપોરે 12.09 થી 1.45 વાગ્યાના નિર્ધારિત શુભ સમયે શરૂ થઈ હતી. ફક્ત આ ગણતરી અને યાદી કરવા માટે અધિકૃત લોકોને જ અંદર જવા દેવામાં આવ્યા હતા .

SOP તૈયાર કરાઈ

અધિકારીઓએ જણાવ્યું હતું કે આ પ્રક્રિયા દરમિયાન 12મી સદીના આ મંદિરમાં દૈનિક પૂજા વિધિઓ પર કોઈ અસર થશે નહીં. ભક્તોને ‘બહાર કથા’ (મંદિરની અંદર બાહ્ય બેરિકેડ) થી દર્શન કરવાની મંજૂરી આપવામાં આવી છે, જ્યારે આ સમયગાળા દરમિયાન ‘ભિતરા કથા’ વિસ્તારમાં પ્રવેશ પર પ્રતિબંધ રહેશે. શ્રી જગન્નાથ મંદિર વ્યવસ્થાપન સમિતિ દ્વારા તૈયાર કરાયેલ SOP અનુસાર તપાસ અને ગણતરી કરવામાં આવશે. આ SOP ને રાજ્ય સરકારે મંજૂરી આપી છે. આ મુજબ દૈનિક પૂજામાં વપરાતા ઘરેણાંથી ઇન્વેન્ટરી શરૂ થશે. આ પછી રત્ન ભંડારનો બાહ્ય ખંડ અને અંતે આંતરિક ખંડ ખોલવામાં આવશે. આ ઇન્વેન્ટરી છેલ્લી વખત 13 મે થી 23 જુલાઈ, 1978 ની વચ્ચે સંકલિત કરવામાં આવી હતી. તે સમયે 128.38 કિલોગ્રામ વજનની 454 સોના-મિશ્રિત વસ્તુઓ અને 221.53 કિલોગ્રામ વજનની 293 ચાંદી-મિશ્રિત વસ્તુઓ તેમજ અસંખ્ય કિંમતી રત્નો નોંધાયા હતા. 1978 ની પ્રક્રિયા પૂર્ણ થવામાં 72 દિવસ લાગ્યા હતા, પરંતુ અધિકારીઓ કહે છે કે આ વખતે, આધુનિક ટેકનોલોજીની મદદથી તે ઓછા સમયમાં પૂર્ણ થશે.

RBI અધિકારીઓ પણ હાજર

ઇન્વેન્ટરી દરમિયાન બે રત્નશાસ્ત્રીઓ વસ્તુઓની ઓળખ કરવામાં મદદ કરી રહ્યા છે,અને દરેક વસ્તુની ડિજિટલ ફોટોગ્રાફી લેવામાં આવી રહી છે. સોનાના દાગીના પીળા કાપડમાં, ચાંદીના દાગીના સફેદ કાપડમાં અને અન્ય વસ્તુઓ લાલ કાપડમાં લપેટીને છ ખાસ તૈયાર કરેલા બોક્સમાં મૂકવામાં આવે છે. મંદિરના સેવકો, સરકારી બેંકોના અધિકારીઓ, રત્નશાસ્ત્રીઓ અને ભારતીય રિઝર્વ બેંકના પ્રતિનિધિઓ પણ સમગ્ર પ્રક્રિયામાં સામેલ છે.

આ પણ વાંચોઃ ચોથી વખત મા બની યુટ્યુબરની પહેલી પત્ની, બીજી પત્નીએ કર્યું સ્વાગત