‘મીટિંગ-મીટિંગની રમત ચાલુ’ સ્વાતિ માલિવાલનું પ્રદૂષણને લઈને દિલ્હી સરકાર પર નિશાન
- આમ આદમી પાર્ટીના બળવાખોર સ્વાતિ માલિવાલે દિલ્હી સરકારની તૈયારીઓ પર પ્રશ્ન ઉઠાવ્યા
નવી દિલ્હી, 18 ઓકટોબર: દિલ્હીમાં પ્રદૂષણનું સ્તર વધતાં આ મુદ્દે રાજકારણ પણ શરૂ થઈ ગયું છે. આમ આદમી પાર્ટીના અસંતુષ્ટ નેતા સ્વાતિ માલિવાલે આજે શુક્રવારે દિલ્હી સરકારની તૈયારીઓ પર પ્રશ્ન ઉઠાવ્યા છે. 20 કરોડના ખર્ચે બનેલો સ્મોગ ટાવર કેમ બંધ છે? તેવો પ્રશ્ન તેમણે ઉઠાવ્યો છે. રસ્તાઓ કેમ તૂટેલા છે અને પ્રદૂષણ ફેલાવતી ફેક્ટરીઓ વિરુદ્ધ કેમ કોઈ પગલાં લેવામાં આવતા નથી? આ સાથે તેમણે પરાળ મેલ્ટિંગ સોલ્યુશન અને ફટાકડા પર પ્રતિબંધ અંગે પણ પ્રશ્નો ઉઠાવ્યા છે. તેમણે કહ્યું છે કે, આમ આદમી પાર્ટી પોતાના અંગત સમારોહમાં ફટાકડા ફોડતી હતી, પરંતુ હવે જનતા માટે ફટાકડા પર પ્રતિબંધ મુકવામાં આવ્યો છે.
प्रदूषण आते ही सरकार नींद से जाग जाती है। शुरू हो जाता है “मीटिंग-मीटिंग” का खेल। करते रहिए मीटिंग मीटिंग, लेकिन ये बताइए –
1. CP में ₹20 crore की लागत से बना स्मॉग टावर जिसका दुनिया में प्रचार हुआ वो बंद क्यों पड़ा है?
2. डस्ट पोल्युशन चरम पर है, सड़कें टूटी फूटी हैं, इतने… pic.twitter.com/uHWzxXjN1Q
— Swati Maliwal (@SwatiJaiHind) October 18, 2024
સ્વાતિ માલિવાલે લખ્યું કે, “પ્રદૂષણ આવતાની સાથે જ સરકાર તેની ઊંઘમાંથી જાગી જાય છે. “મીટિંગ-મીટિંગ”ની રમત શરૂ થઈ ગઈ છે. મીટિંગ-મીટિંગ કરતાં રહો, પણ એ કહો:
- વિશ્વમાં પ્રસિદ્ધ થયેલા CPમાં ₹20 કરોડના ખર્ચે બનેલો સ્મોગ ટાવર કેમ બંધ પડેલો છે?
- ધૂળનું પ્રદૂષણ ચરમસીમાએ છે, રસ્તાઓ જર્જરિત છે, આટલા લાંબા સમય સુધી રસ્તાઓ કેમ આવી હાલતમાં છોડી દેવામાં આવ્યા છે? રસ્તાઓના યાંત્રિક સફાઈના વચનનું શું થયું?
- જે પરાળ ઓગળવાના જાદુઈ ઉપાયનો આટલો પ્રચાર કરવામાં આવ્યો, તે હવે ક્યાં ગયો?
- પ્રદૂષણ ફેલાવતી કેટલી ફેક્ટરીઓ સામે કાર્યવાહી કરવામાં આવી?
- તમારી અંગત ઉજવણી માટે પુષ્કળ ફટાકડા ફોડો, પરંતુ હવે દિવાળી પર જનતા માટે ફટાકડા ફોડવા પર પ્રતિબંધ, આગળ જતા લોકોને ઓડ-ઈવનનો સામનો કરવો પડશે, બાંધકામ મજૂરો બેરોજગાર થશે, દિલ્હી ગેસ ચેમ્બર બનશે.
દિલ્હીમાં પ્રદૂષણનું સ્તર વધ્યું
દિલ્હીની હવા અને પાણીમાં પ્રદૂષણનું સ્તર ફરી એકવાર અત્યંત જોખમી બની રહ્યું છે. ઘણા વિસ્તારોમાં AQI આંકડો 300થી વધુ છે, જ્યારે આદર્શ સ્થિતિમાં તે 50ની નજીક હોવો જોઈએ. સફેદ ઝેરી ફીણ હવે દિલ્હીની હવામાં તેમજ યમુના નદીમાં તરી રહ્યું છે. દિલ્હીમાં ગ્રેપ-1 લાગુ કરવામાં આવ્યો છે. દિલ્હી સરકાર પ્રદૂષણને ધ્યાનમાં રાખીને ઉચ્ચ સ્તરીય બેઠકો પણ કરી રહી છે. સરકારનો એવો પણ દાવો છે કે, પ્રદૂષણને કાબૂમાં લેવા માટે જરૂરી પગલાં લેવામાં આવી રહ્યા છે. જો કે, આ પગલાં કોઈ અસર છોડી શકતા નથી. આ કારણથી સ્વાતિ માલિવાલે દિલ્હી સરકાર પર પ્રશ્નો ઉઠાવ્યા છે.
કયા સ્થાનો પર AQI 300થી ઉપર છે?
દિલ્હીના લોકો છેલ્લા ચાર દિવસથી ખરાબ હવામાં શ્વાસ લઈ રહ્યા છે. ગુરુવારે પણ દિલ્હીમાં 13 પરીક્ષણ કેન્દ્રો ‘રેડ ઝોન’માં રહ્યા. સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર, 13 કેન્દ્રો (અશોક વિહાર, દ્વારકા સેક્ટર 8, પટપડગંજ, પંજાબી બાગ, રોહિણી, બવાના, બુરાડી, જહાંગીરપુરી, મુંડકા, નરેલા, ઓખલા ફેઝ 2, શાદીપુર અને વિવેક વિહાર)માં રીડિંગ 300થી ઉપર નોંધવામાં આવ્યું.
