મૃતક બહેનનું હાડપિંજર લઈને બેન્કમાં આવ્યો ભાઈ, હવે બેન્કે આપ્યા આટલા રુપિયા, વધારાની મદદ પણ મળી

ક્યોંઝર: ઓડિશાના ક્યોંઝર જિલ્લામાંથી તાજેતરમાં એક ચોંકાવનારી ઘટના સામે આવી છે. એક વ્યક્તિ તેની મૃત બહેનના ખાતામાંથી પૈસા ઉપાડવા માટે બેંકમાં ગયો હતો. જ્યારે બેંક કર્મચારીઓએ મૃત્યુ પ્રમાણપત્ર માંગ્યું, ત્યારે તે તેની બહેનના હાડપિંજરને ખભા પર લઈને બેંકમાં પાછો ફર્યો અને પૈસા માંગ્યા. આ ઘટનાથી વિસ્તારમાં આક્રોશ ફેલાયો હતો અને આ ઘટનાનો એક વીડિયો સોશિયલ મીડિયા પર વાયરલ થયો હતો.

આ મામલો ચર્ચામાં આવ્યા પછી, તે વ્યક્તિને તેની બહેનના ખાતામાં જમા કરાયેલા પૈસા પરત કરવામાં આવ્યા અને વધારાની નાણાકીય સહાય આપવામાં આવી હતી.

શું છે આખો મામલો?

આ ઘટના ઓડિશાના કેઓંઝર જિલ્લામાં બની હતી. પટના વિસ્તારના દિયાનાલી ગામના રહેવાસી જીતુ મુંડા તેની બહેનના મૃત્યુ પછી તેના બેંક ખાતામાં જમા કરાયેલા પૈસા ઉપાડવા માંગતા હતા. તે બેંકમાં ગયો અને પૈસા ઉપાડવાનો પ્રયાસ કર્યો. જોકે, બેંક અધિકારીઓએ તેને કહ્યું કે, નિયમ મુજબ, તેને મૃત્યુ પ્રમાણપત્ર અને અન્ય જરૂરી દસ્તાવેજો આપવાની જરૂર પડશે.

જોકે, જીતુ તેના ગામ પાછો ફર્યો અને તેની બહેનના દફનાવવામાં આવેલા હાડપિંજરને બહાર કાઢ્યું, જે હાડપિંજરમાં તે પોતાના ખભા પર ઉઠાવીને બેંક તરફ નીકળી ગયો. તેણે હાડપિંજર બેંકની સામે મૂક્યું અને તેની મૃત બહેનના ખાતામાં જમા કરાયેલા આશરે 19,000 રૂપિયા પરત કરવાની માંગ કરી.

જીતુ હાડપિંજરને બેંકમાં લઈ જતો વીડિયો સોશિયલ મીડિયા પર વાયરલ થયો છે, જેને લઈને ભારે હોબાળો જોવા મળ્યો હતો.

બેંકે પૈસા પરત કર્યા, અને બેંક કર્મચારીઓએ સ્પષ્ટતા આપી

જ્યારે મામલો વધુ વકર્યો, ત્યારે બેંકના પ્રાદેશિક મેનેજર સત્યવ્રત નંદાએ સ્પષ્ટતા કરી, “જીતુ મુંડા નશામાં હતો અને તે સમજી શકતો ન હતો કે તેની બહેનના ખાતામાંથી પૈસા ઉપાડવા માટે તેને કાયદેસરના વારસદાર હોવાનું સાબિત કરતા માન્ય દસ્તાવેજો રજૂ કરવાની જરૂર પડશે. બેંક કર્મચારીઓ સાથે દલીલ કર્યા પછી, તે બેંક છોડીને હાડપિંજર લઈને પાછો ફર્યો. અમે સ્થાનિક વહીવટીતંત્ર સાથે મળીને તપાસ શરૂ કરી છે.”

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

હાલની પરિસ્થિતિ એવી છે કે જીતુ મુંડાને તેની બહેનના ખાતામાં જમા કરાયેલા આશરે ₹19,000 પાછા આપવામાં આવ્યા છે, અને રેડ ક્રોસ તરફથી તેમને વધારાના ₹20,000 સહાય આપવામાં આવી છે.

આ પણ વાંચો: West Bengal Election Voting 2026: બંગાળમાં બીજા તબક્કામાં 142 સીટો પર આજે મતદાન